Қазақстан Республикасы
Ауыл шаруашылығы министрінің
2026 жылғы 8 қазандағы
№ 355 бұйрығына 6 - қосымша
«Көкөністер мен картоп өсіру»
кәсіптік стандарты
1. Кәсіптік стандарттың қолдану аясы: «Көкөністер мен картоп өсіру» кәсіптік стандарты «Кәсіптік біліктілік туралы» Қазақстан Республикасы Заңының 5-бабына сәйкес әзірленген.
Кәсіптік стандарт жұмыскерлердің кәсіптік қызметтің белгілі бір түрін жүзеге асыруы, оның ішінде белгілі бір еңбек функцияларын орындауы үшін қажетті біліктілік деңгейлерін айқындауға, сондай-ақ жоғары, жоғары оқу орнынан кейінгі, техникалық және кәсіптік білім беру бағдарламаларын әзірлеуде біліктілік деңгейлерін айқындауға арналған.
2. Осы кәсіптік стандартта мынадай терминдер мен анықтамалар қолданылады:
1) көкөніс шаруашылығы - көкөніс дақылдарын ашық және қорғалған жерде өсірумен айналысатын өсімдік шаруашылығының саласы;
2) ашық жердегі көкөніс шаруашылығы - ашық жерде көкөніс дақылдарын өсіру;
3) қорғалған жердегі көкөніс шаруашылығы - қорғалған топырақ құрылыстарында ашық және қорғалған топырақ үшін көкөніс дақылдары мен көшеттерді өсіру;
4) теориялық дайындық - қызметкерлерді кәсіби даярлау процесінің кезеңі, оны өту кезінде білім алушы арнайы теориялық білім алады, сондай-ақ бекітілген оқу бағдарламаларына сәйкес оларды қолдайды және жетілдіреді;
5) көшеттер - жеміс беру кезеңіне кірмеген жас өсімдіктерді дамыту үшін және одан ашық және қорғалған топырақта көкөністердің ерте өнімін алу үшін өсіріледі;
6) жылыжай - бүйірлік қоршауы мен жарық өткізетін жабыны бар, орташа немесе ірі көлемді өсімдіктерді өсіруге арналған культивациялық құрылыс;
7) информалды білім беру - білім беру ұйымдарынан және білім беру қызметтерін ұсынатын ұйымдардан тыс күнделікті қызмет барысында алынатын және оқыту нәтижелерін растайтын құжатты беру сүйемелденбейтін білім беру түрі;