«Электрондық үкімет» порталы арқылы газдандыруға техникалық шарттарды беру» өмірлік жағдайын цифрландыру жөніндегі пилоттық жобаны іске асыру туралы
Қазақстан Республикасы Цифрлық даму, инновациялар және аэроғарыш өнеркәсібі министрінің 2023 жылғы 24 тамыздағы № 356/НҚ және Қазақстан Республикасы Энергетика министрінің бірлескен бұйрығы
Қол жетімділікті қамтамасыз ету мақсатында және «Табиғи монополиялар туралы» Қазақстан Республикасы Заңының 24-бабының 5-тармағына сәйкес БҰЙЫРАМЫЗ:
1. «Электрондық үкімет» порталы арқылы газдандыруға техникалық шарттарды беру» өмірлік жағдайын автоматтандыру жөніндегі пилоттық жоба (бұдан әрі - Пилоттық жоба) 2023 жылғы 1 қыркүйектен бастап енгізілсін.
2. Қоса беріліп отырған «Электрондық үкімет» порталы арқылы газдандыруға техникалық шарттарды беру» өмірлік жағдайын автоматтандыру жөніндегі пилоттық жобаны іске асыру кезіндегі өзара іс қимыл алгоритмі (бұдан әрі - Алгоритм) бекітілсін.
3. «ҚазТрансГазАймақ» акционерлік қоғамы (келісу бойынша) «Ұлттық ақпараттық технологиялар» акционерлік қоғамымен бірлесіп пилоттық жобаны іске асыру үшін, сондай-ақ мемлекеттік электрондық ақпараттық ресурстарды қалыптастыру және тұтынушылар үшін реттеліп көрсетілетін мемлекеттік функцияларды жүзеге асыру үшін Алгоритмге және «Ақпараттандыру туралы» Қазақстан Республикасы Заңының 7-2-бабы, 38-бабының 2-1-тармағының және 49-бабының 2-тармағының 4) тармақшасының, Қазақстан Республикасы Ақпарат және коммуникациялар министрінің м.а. 2018 жылғы 29 наурыздағы № 123 бұйрығымен (Қазақстан Республикасының Әділет министрлігінде 2018 жылғы 19 сәуірде № 16777 болып тіркелді) бекітілген «Электрондық үкіметтің» ақпараттандыру объектілерін интеграциялау қағидаларының (бұдан әрі - Қағидалар) 4 және 8-тармақтарының талаптарына сәйкес ақпараттандыру объектілері иелерінің сұраныстары бойынша «Smart Bridge» платформасы арқылы ақпараттық жүйелердің қажетті сервистеріне қосылуды қамтамасыз етсін.