Қазақстан Республикасы
Ішкі істер министрінің
2015 жылғы 7 желтоқсандағы
№ 998 бұйрығына
1-қосымша
Осы редакция 2020 жылғы 15 сәуірде енгізілген өзгерістеріне дейін қолданылды
Қазақстан Республикасы ішкі істер органдарының кадрмен
қамтамасыз ету және кадр саясаты субъектілерінің жұмыс сапасы нәтижелерін бағалау
әдістемесі
1. Жалпы ережелер
1. Осы Қазақстан Республикасы ішкі істер органдарының кадрмен қамтамасыз ету және кадр саясаты субъектілерінің жұмыс сапасы нәтижелерін бағалау әдістемесі (бұдан әрі - Әдістеме) ішкі істер органдарында кадрмен қамтамасыз ету және кадр саясаты субъектілерінің жұмыс сапасы бойынша шаралардың тиімділігін анықтауға арналған.
2. Кадр саясатының субъектілері ішкі істер органдарының аумақтық бөліністеріндегі және олардың облыстардағы, Астана, Алматы қалаларындағы және Көліктегі ведомстволарындағы, қылмыстық-атқару жүйесіндегі, төтенше жағдайлар бөліністеріндегі, мамандандырылған күзет қызметіндегі, жоғары оқу орындарындағы (бұдан әрі - ішкі істер органдарының аумақтық бөліністері) бірінші басшылар және олардың орынбасарлары болып табылады.
3. Кадр саясатының субъектілерін бағалау объектілері ішкі істер органдарының аумақтық бөліністері және олардың облыстардағы, Астана, Алматы қалаларындағы және Көліктегі ведомстволары, қылмыстық-атқару жүйесі, төтенше жағдайлар бөліністері, мамандандырылған күзет қызметі, жоғары оқу орындары болып табылады.
4. Ішкі істер органдарының кадрмен қамтамасыз ету және кадр саясаты субъектілерінің жұмыс сапасы нәтижелерін бағалауды (бұдан әрі - Кадр саясаты субъектілерін бағалау) Қазақстан Республикасы Ішкі істер министрлігінің Кадр қызметі (бұдан әрі - Кадр қызметі) жүзеге асырады.
5. Кадр саясаты субъектілерін бағалау күнтізбелік жылдың қорытындысы бойынша жүзеге асырылады.
6. Кадр саясатының субъектілерін бағалау мынадай:
1) адам ресурстарын пайдалану тиімділігі;
2) ішкі істер органдарының қызметкерлерін оқыту;
3) тәртіпті, заңдылықты сақтау және сыбайлас жемқорлық профилактикасы бойынша жұмыстың тиімділігі;
4) кәсіби даярлық деңгейі өлшемшарттары бойынша жүзеге асырылады.