Осы редакция 2017 жылғы 7 наурызда енгізілген өзгерістеріне дейін қолданылды
Қазақстан Республикасы
Энергетика министрінің
2015 жылғы 23 ақпандағы
№ 132 бұйрығына
2-қосымша
«Теңіз құрылыстарын салуға немесе орналастыруға рұқсаттар беру»
мемлекеттік көрсетілетін қызмет стандарты
1. Жалпы ережелер
1. «Теңіз құрылыстарын салуға немесе орналастыруға рұқсаттар беру» мемлекеттік көрсетілетін қызметі (бұдан әрі - мемлекеттік көрсетілетін қызмет).
2. Мемлекеттік көрсетілетін қызмет стандартын Қазақстан Республикасы Энергетика министрлігі (бұдан әрі - Министрлік) әзірледі.
3. Мемлекеттік қызметті Министрліктің Мұнай-газ кешеніндегі экологиялық реттеу, бақылау және мемлекеттік инспекция комитеті (бұдан әрі - көрсетілетін қызметті беруші), оның ішінде www.elicense.kz, www.egov.kz «электрондық үкіметтің» веб-порталы (бұдан әрі - портал) арқылы көрсетеді.
2. Мемлекеттік қызметті көрсету тәртібі
4. Мемлекеттік қызметті көрсету мерзімі:
1) құжаттар топтамасын көрсетілетін қызметті берушіге тапсырған сәттен бастап, сондай-ақ портал арқылы жүгінген кезде - 15 (он бес) жұмыс күні;
2) құжаттар топтамасын тапсыру үшін күтудің рұқсат берілген ең ұзақ уақыты - 30 (отыз) минут;
3) қызмет көрсетуге рұқсат берілген ең ұзақ уақыт - 20 (жиырма) минут.
5. Көрсетілетін мемлекеттік қызмет нысаны: электрондық (ішінара автоматтандырылған) және (немесе) қағаз түрінде.
6. Мемлекеттiк қызметті көрсету нәтижесi - теңiз құрылыстарын салуға немесе орналастыруға рұқсаты немесе уәжді түрде бас тарту.
Көрсетілетін қызметті алушы мемлекеттік қызмет көрсету нәтижесін алу үшін өтінімді қағаз нысанда ұсынған жағдайда, мемлекеттік қызмет көрсету нәтижесі электронды нысанда рәсімделіп, нәтижесі қағаз нысанға шығарылып, мемлекеттік қызметті беруші уәкілетті адамның қолы қойылады және мөрмен расталады.
Мемлекеттік қызметті көрсету нәтижесін ұсыну нысаны: электрондық.
7. Мемлекеттік қызмет жеке және заңды тұлғаларға (бұдан әрі - көрсетілетін қызметті алушы) тегiн көрсетіледі.