Электр энергетикасы және мұнай-газ химиясы саласында әкімшілік деректерді жинауға арналған нысандарды бекіту туралы
Қазақстан Республикасы Энергетика министрінің м.а. 2026 жылғы 1 қазандағы № 357-н/қ бұйрығы
«Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес «2022 жылдан бастап жинақтай отырып енгізілетін электр қуаттарының көлемі туралы жыл сайынғы есеп» нысаны;
2) осы бұйрыққа 2-қосымшаға сәйкес «Электр энергетикасын және жылу энергетикасын дамыту жобаларын іске асыру қорытындылары бойынша өңірлерді үздіксіз электрмен жабдықтауды қамтамасыз ету туралы жыл сайынғы есеп» нысаны;
3) осы бұйрыққа 3-қосымшаға сәйкес «Электр желілерінің тозуы туралы ақпарат» нысаны;
4) осы бұйрыққа 4-қосымшаға сәйкес «Мұнай-газ химиясы өнімдерін өндіру туралы ай сайынғы есеп» нысаны бекітілсін;
2. Қазақстан Республикасы Энергетика министрлігінің Стратегиялық даму департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты ресми жариялағаннан кейін оны Қазақстан Республикасы Энергетика министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Энергетика вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасы Энергетика министрінің міндетін атқарушы |
С. Жаркешов |
«КЕЛІСІЛДІ»
Қазақстан Республикасы
Стратегиялық жоспарлау және
реформалар агенттігінің
Ұлттық статистика бюросы
Энергетика министрінің
міндетін атқарушы
2026 жылғы 1 қазандағы
№ 357-н/қ бұйрыққа
1-қосымша
Әкімшілік деректерді өтеусіз
негізде жинауға арналған
нысан
Ұсынылады: Қазақстан Республикасының Энергетика министрлігіне
Әкімшілік деректерді өтеусіз негізде жинауға арналған нысан интернет-ресурста орналастырылған: www.gov.kz