Үлгілердегі карантиндік объектілер мен бөтен текті түрлердің түрлік құрамын айқындауды және импорттық себу мен отырғызылатын материалдардағы карантиндік объектілермен және бөтен текті түрлермен жасырын залалдануды анықтауды жүзеге асыратын мемлекеттік ұйымдарды қамтамасыз етудің заттай нормаларын бекіту туралы
Қазақстан Республикасы Ауыл шаруашылығы министрінің м.а. 2025 жылғы 30 сәуірдегі № 140 бұйрығы
Қазақстан Республикасы Бюджет кодексінің 70-бабының 3-тармағына сәйкес БҰЙЫРАМЫН:
1. Қоса беріліп отырған үлгілердегі карантиндік объектілер мен бөтен текті түрлердің түрлік құрамын айқындауды және импорттық себу мен отырғызылатын материалдардағы карантиндік объектілермен және бөтен текті түрлермен жасырын залалдануды анықтауды жүзеге асыратын мемлекеттік ұйымдарды қамтамасыз етудің заттай нормалары бекітілсін.
2. «Үлгілердегі карантиндік объектілер мен бөтен текті түрлердің түрлік құрамын айқындауды және импорттық себу мен отырғызылатын материалдардағы карантиндік объектілермен және бөтен текті түрлермен жасырын залалдануды анықтауды жүзеге асыратын мемлекеттік ұйымдарды қамтамасыз етудің заттай нормаларын бекіту туралы» Қазақстан Республикасы Премьер-Министрінің орынбасары - Қазақстан Республикасы Ауыл шаруашылығы министрінің 2016 жылғы 3 қарашадағы № 463 бұйрығының (Нормативтік құқықтық актілерді мемлекеттік тіркеу тізілімінде № 14517 болып тіркелген) күші жойылды деп танылсын.
3. Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті заңнамада белгіленген тәртіппен:
1) осы бұйрықтың электрондық көшірмесін Қазақстан Республикасы Нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберілуін;
2) осы бұйрықтың Қазақстан Республикасы Ауыл шаруашылығы министрлігінің ресми интернет-ресурсында орналастырылуын қамтамасыз етсін.