(БҰРЫНҒЫ РЕДАКЦИЯ) «КОРПОРАТИВТІК ТАБЫС САЛЫҒЫ ЖӘНЕ ҮСТЕМЕ ПАЙДА САЛЫҒЫ...
Осы редакция 2024 жылғы 25 қарашада енгізілген өзгерістеріне дейін қолданылды
ҚР Қаржы министрінің 2022.18.01. № 49 бұйрығымен 13-1 - 13-2-қосымшаларымен толықтырылды
Қазақстан Республикасы
Премьер-Министрінің
бірінші орынбасары -
Қазақстан Республикасы
Қаржы министрінің
2020 жылғы 20 қаңтардағы
№ 39-бұйрығына 13-1-қосымша
Премьер-Министрінің
Бірінші орынбасары -
Қазақстан Республикасы
Қаржы министрінің
2020 жылғы 20 қаңтардағы
№ 39-бұйрығына
13-2-қосымша
«Корпоративтік табыс салығы және үстеме пайда салығы бойынша декларация
(150.00-нысан)» салық есептілігін жасау
қағидалары
(2022.18.01. берілген өзгерістермен)
1. Осы «Корпоративтік табыс салығы және үстеме пайда салығы бойынша декларация (150.00-нысан)» салық есептілігін жасау қағидалары (бұдан әрі - Қағидалар) «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) (бұдан әрі - Салық кодексі) сәйкес әзірленген және «Корпоративтік табыс салығы және үстеме пайда салығы бойынша декларация» (бұдан әрі - КТС және ҮПС) есептеуге арналған КТС және ҮПС бойынша салық есептілігі нысанын (бұдан әрі - декларация) жасау тәртібін айқындайды.
Декларацияны:
Салық кодексінің 722-бабы 1-тармағында көрсетілген жер қойнауын пайдаланушыларды;
жер асты суларын, емдік балшықтарды барлау және (немесе) өндіруді, сондай-ақ барлаумен және (немесе) өндірумен байланысты емес жер асты ғимараттарының құрылысын және (немесе) пайдалануға беруді, Салық кодексінің 746-бабының 13-кестесінде көрсетілген тек кенді емес пайдалы қазбалардың, базалық құрылыс материалдарын өндіру және (немесе) барлауды жүзеге асырылатын жер қойнауын пайдаланушыларды қоспағанда, жер қойнауын пайдаланушылар жасайды.
2. Декларация декларацияның өзінен (150.00-нысан) және салық міндеттемесінің есептелуі туралы ақпаратты егжей-тегжейлі көрсетуге арналған қосымшалардан (150.01-ден 150.13-ге дейінгі нысандар) тұрады.
3. Декларацияны толтыру кезінде түзетуге, өшіруге және тазалауға жол берілмейді.
4. Көрсеткіштер болмаған кезде декларацияның тиісті торкөздері толтырылмайды.