Озық педагогикалық тәжірибені тарату және енгізу үшін мектепке дейінгі ұйымдардың құзыреттілік орталықтарын құру туралы
Қазақстан Республикасы Оқу-ағарту министрінің 2023 жылғы 1 шілдедегі № 192 бұйрығы
Қазақстан Республикасы Үкіметінің 2023 жылғы 28 наурыздағы № 249 қаулысымен бекітілген Қазақстан Республикасында мектепке дейінгі, орта, техникалық және кәсіптік білім беруді дамытудың 2023-2029 жылдарға арналған тұжырымдамасын іске асыру жөніндегі іс-қимыл жоспарының 118-тармағын орындау мақсатында БҰЙЫРАМЫН:
1. Осы бұйрыққа қосымшаға сәйкес құрамда озық педагогикалық тәжірибені тарату және енгізу үшін мектепке дейінгі ұйымдардың құзыреттілік орталықтары (бұдан әрі - құзыреттілік орталықтары) құрылсын.
2. Облыстардың, республикалық маңызы бар қалалардың және астананың жергілікті атқарушы органдары (бұдан әрі - жергілікті атқарушы органдар) және «Балаларды ерте дамыту институты» республикалық мемлекеттік мекемесі (М.Е. Адамова) (бұдан әрі - Балаларды ерте дамыту институты) құзыреттілік орталықтарының қызметін үйлестіруді және әдістемелік сүйемелдеуді қамтамасыз етсін.
3. Қазақстан Республикасы Оқу-ағарту министрлігінің Мектепке дейінгі білім департаменті (Н.В. Жұмаділдаева) осы бұйрықты жергілікті атқарушы органдардың және Балаларды ерте дамыту институтының назарына жеткізсін.
4. Осы бұйрықтың орындалуын бақылау Қазақстан Республикасының оқу-ағарту вице-министріне жүктелсін.
5. Осы бұйрық қол қойылған күнінен бастап күшіне енеді.
| Министр | Ғ. Бейсембаев |
Оқу-ағарту министрінің
2023 жылғы 1 шілдедегі
№ 192 бұйрығына
қосымша
Озық педагогикалық тәжірибені тарату және енгізу үшін мектепке дейінгі
ұйымдардың құзыреттілік орталықтарының құрамы
| Рет № | Мектепке дейінгі ұйымның атауы | Облыстың, республикалық маңызы бар қаланың және астананың атауы, мектепке дейінгі ұйымның мекенжайы |
| 1. | «№ 7 «Ақ бота» бөбекжай-бақшасы» КМҚК | Абай облысы, Семей қаласы, Докучаев көшесі, 35А |