Қазақстан Республикасының ауыл шаруашылық Министрінің «Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидаларын бекіту туралы» 2015 жылдың 30 қаңтарындағы № 9-1/71 бұйрығына өзгерістер енгізу туралы
Қазақстан Республикасы Ауыл шаруашылығы министрінің 2021 жылғы 2 наурыздағы № 58 бұйрығы
БҰЙЫРАМЫН:
1. Қазақстан Республикасының ауыл шаруашылық Министрінің «Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидаларын бекіту туралы» 2015 жылдың 30 қаңтарындағы № 9-1/71 бұйрығына (Нормативтік құқықтық актілерді мемлекеттік тіркеу тізілімінде № 12183 болып тіркелген, 2015 жылдың 17 қарашасында «Әділет» ақпараттық-құқықтық жүйесінде жарияланған) мынадай өзгерістер енгізілсін:
көрсетілген бұйрықпен бекітілген Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидаларында:
3, 4 және 5-тармақтар мынадай редакцияда жазылсын:
«3. Кепілдік бойынша комиссияның бір бөлігін субсидиялау осы Қағидаларға 1-қосымшаға сәйкес қызмет түрлері бойынша және мынадай талаптарға сәйкес келетін кредиттік шарттар бойынша жүзеге асырылады:
1) банктер инвестицияларға және айналым қаражатын толықтыруға беретін (оның ішінде жаңартылатын негізде), бұл ретте айналым қаражатының мөлшері кредит сомасының 50 (елу) пайызынан (бұдан әрі - %) аспайды. Егер осы кредиттің мөлшері қарыз алушының жалпы кредиттелетін сомасының 50 (елу) %-ынан аспаса, 100 (жүз) % айналым қаражатын толықтыруға бағытталған кредит бойынша кепілдікті субсидиялауға жол беріледі;
2) кредит мерзімі - 10 (он) жылдан аспайды;
3) сыйақы мөлшерлемесі немесе ислам қағидаттарында қаржыландыруға қолданылатын кірістілік мөлшерлемесі теңгемен жылдық 17 (он жеті) %-дан артық емес мөлшерде;
4) кредит валютасы - теңге;
5) жеңілдікті кезең өткеннен кейін негізгі борышты жыл сайын тең үлестермен өтеумен
6) ең жоғары сомасы 5 (бес) миллиард теңгеден артық емес;