«Сот-сараптама қызметі саласындағы кәсіптік стандарттарын бекіту туралы» Қазақстан Республикасы Әділет министрінің 2024 жылғы 23 қаңтардағы № 60 бұйрығына өзгеріс пен толықтырулар енгізу туралы
Қазақстан Республикасы Әділет министрінің 2025 жылғы 30 желтоқсандағы № 817 бұйрығы
БҰЙЫРАМЫН:
1. «Сот-сараптама қызметі саласындағы кәсіптік стандарттарын бекіту туралы» Қазақстан Республикасы Әділет министрінің 2024 жылғы 23 қаңтардағы № 60 бұйрығына мынадай өзгеріс пен толықтырулар енгізілсін:
30) тармақша жаңа редакцияда жазылсын:
«30) осы бұйрыққа 30-қосымшаға сәйкес, «Сот-биологиялық (медициналық)», медициналық-криминалистикалық, сот-психиатриялық, сот-наркологиялық, сот-жалпысараптамалық зерттеулер бойынша кәсіптік стандарты;»;
мынадай мазмұндағы 31) тармақшамен толықтырылсын:
31) осы бұйрыққа 31-қосымшаға сәйкес жануар тектес объектілерді сот-сараптамалық биологиялық, ЖКО орнындағы жолдың техникалық күйін, жол жағдайларын сот-сараптамалық, сот-сараптамалық көлік-трасологиялық, жол-көлік оқиғасы жағдайларын сот-сараптамалық, теміржол көлігін сот-сараптамалық, көлік құралдарын сот-сараптамалық, дараландыру құралдарының белгіленуін сот-сараптамалық, өсімдік тектес объектілерді сот-сараптамалық биологиялық, сот-сараптамалық электротехникалық, сот-сараптамалық фототехникалық, сот-сараптамалық психологиялық, сот-сараптамалық дінтанушылық, сот-сараптамалық психологиялық-криминалистикалық зерттеулер бойынша кәсіптік стандарты бекітілсін.»;
осы бұйрыққа қосымшаға сәйкес 31-қосымшамен толықтырылсын.
2. Сараптама қызметін ұйымдастыру департаменті заңнамада белгіленген тәртіпте осы бұйрықты мемлекеттік тіркеуді және Қазақстан Республикасы Әділет министрлігінің ресми интернет-ресурсына жариялауды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Әділет вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министр | Е.Ж. Сәрсембаев |
Әділет министрінің
2025 жылғы 30 желтоқсандағы