Қазақстан Республикасы
Білім және ғылым министрінің
2020 жылғы 27 мамырдағы
№ 223 бұйрығына 1-қосымша
«Мүмкіндіктері шектеулі балаларды психологиялық-медициналық-педагогикалық тексеру
және оларға консультациялық көмек көрсету» мемлекеттік көрсетілетін қызмет
қағидасы (бұдан әрі - Қағида)
(2026.14.07. берілген өзгерістер мен толықтыруларымен)
ҚР Оқу-ағарту министрінің м.а. 2026.26.06. № 180-НҚ бұйрығымен 1-тармақ жаңа редакцияда (2026 ж. 14 шілдеден бастап қолданысқа енгізілді) (бұр.ред.қара)
1. Осы «Мүмкіндіктері шектеулі балаларды психологиялық-медициналық-педагогикалық тексеру және оларға консультациялық көмек көрсету» мемлекеттік қызметін көрсету қағидалары (бұдан әрі - Қағидалар) «Мемлекеттік және әлеуметтік жауапкершілігі бар көрсетілетін қызметтер туралы» Қазақстан Республикасы Заңының (бұдан әрі - Заң) 10-бабының 1) тармақшасына сәйкес әзірленді және оны ұсыну тәртібін айқындайды.
ҚР Оқу-ағарту министрінің м.а. 2022.17.11. № 462 бұйрығымен 2-тармақ жаңа редакцияда (2022 ж. 3 желтоқсаннан бастап қолданысқа енгізілді) (бұр.ред.қара)
2. Осы қағидаларда мынадай ұғымдар пайдаланылады:
1) проактивті көрсетілетін қызмет - көрсетілетін қызметті алушының өтінішінсіз көрсетілетін қызметті берушінің бастамасы бойынша көрсетілетін мемлекеттік қызмет.
3. «Мүмкіндіктері шектеулі балаларды психологиялық-медициналық-педагогикалық тексеру және оларға консультациялық көмек көрсету» мемлекеттік көрсетілетін қызметті (бұдан әрі - мемлекеттік көрсетілетін қызмет) психологиялық-медициналық-педагогикалық консультациялар көрсетеді.
2. Мемлекеттік қызмет көрсетудің тәртібі
ҚР Оқу-ағарту министрінің м.а. 2022.17.11. № 462 бұйрығымен 4-тармақ жаңа редакцияда (2022 ж. 3 желтоқсаннан бастап қолданысқа енгізілді) (бұр.ред.қара); ҚР Оқу-ағарту министрінің м.а. 2026.26.06. № 180-НҚ бұйрығымен 4-тармақ өзгертілді (2026 ж. 12 шілдеден бастап қолданысқа енгізілді) (бұр.ред.қара)