Қазақстан Республикасы Денсаулық сақтау министрінің міндетін атқарушының 2021 жылғы 20 қаңтардағы № ҚР ДСМ-7 «Мемлекеттік монополия субъектісі өндіретін және (немесе) өткізетін тауарларға (жұмыстарға, көрсетілетін қызметтерге) бағаларды бекіту туралы» бұйрығына өзгерістер мен толықтырулар енгізу туралы
Қазақстан Республикасы Денсаулық сақтау министрінің 2026 жылғы 28 сәуірдегі № 46 бұйрығы
БҰЙЫРАМЫН:
1. 2021 жылғы 20 қаңтардағы Қазақстан Республикасы Денсаулық сақтау министрінің міндетін атқарушы № ҚР ДСМ-7 «Мемлекеттік монополия субъектісі өндіретін және (немесе) өткізетін тауарларға (жұмыстарға, көрсетілетін қызметтерге) бағаларды бекіту туралы» бұйрығына (мемлекеттік тіркеу тізілімінде № 22096 нөмірімен тіркелген) келесі өзгерістер мен толықтырулар енгізілсін:
1-тармақта:
2) тармақша мынадай редакцияда жазылсын:
«2) осы бұйрыққа 2-қосымшаға сәйкес Қазақстан Республикасының заңнамасына сәйкес дәрілік заттар мен медициналық бұйымдарды мемлекеттік тіркеу, қайта тіркеу, тіркеу дерекнамасына өзгерістер енгізу, сондай-ақ медициналық бұйымның оңтайлы техникалық сипаттамалары мен клиникалық-техникалық негіздемесін бағалау кезінде сараптама жүргізу жөніндегі мемлекеттік монополия субъектісі өндіретін және (немесе) өткізетін тауарлардың (жұмыстардың, көрсетілетін қызметтердің) бағалары.»;
мынадай мазмұндағы 4) тармақшамен толықтырылсын:
«4) осы бұйрыққа 4-қосымшаға сәйкес Еуразиялық экономикалық Одақ құқығын құрайтын халықаралық шарттар мен актілердің талаптарына немесе Қазақстан Республикасының заңнамасына сәйкес дәрілік заттар мен медициналық бұйымдардың «пайда-тәуекел» арақатынасын бағалау және дәрілік заттар мен медициналық бұйымдарға клиникалық зерттеулер жүргізу үшін материалдарды бағалау кезінде, сараптама жүргізу жөніндегі мемлекеттік монополия субъектісі өндіретін және (немесе) өткізетін тауарлардың (жұмыстардың, көрсетілетін қызметтердің) бағалары.»;
бұйрықтың 2-қосымшасы осы бұйрықтың 1-қосымшасына сәйкес жаңа редакцияда жазылсын;