Жер учаскесін бөліп беру схемасын келісу бойынша мемлекеттік органдар мен өзге де ұйымдардың үлгілік тізбесін бекіту туралы
Қазақстан Республикасы Ауыл шаруашылығы министрінің 2023 жылғы 28 шілдедегі № 278 бұйрығы
Қазақстан Республикасы Жер кодексінің 14-бабы 1-тармағының 16-7) тармақшасына сәйкес БҰЙЫРАМЫН:
1. Қоса берілген жер учаскесін бөліп беру схемасын келісу бойынша мемлекеттік органдар мен өзге де ұйымдардың үлгілік тізбесі бекітілсін.
2. Қазақстан Республикасы Ауыл шаруашылығы министрлігінің Жер ресурстарын басқару комитеті осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
4. Осы бұйрық қол қойылған күнінен бастап күшіне енеді.
| Министр | Е. Қарашөкеев |
Ауыл шаруашылығы министрінің
2023 жылғы 28 шілдедегі
№ 278 бұйрығымен
бекітілген
Жер учаскесін бөліп беру схемасын келісу бойынша
мемлекеттік органдар мен өзге де ұйымдардың
үлгілік тізбесі
| Р/с № | «Республикалық маңызы бар қала, астана, облыстық және аудандық маңызы бар қалалар шегінде жер учаскесіне құқықтар алу» мемлекеттік көрсетілетін қызметі | Келісуші мемлекеттік органдар мен өзге де ұйымдар* |
| 1 | Тұрғын функционалдық аймақтағы жер учаскесіне құқықтарды беру | Тиісті жергілікті атқарушы органның жер қатынастары саласындағы функцияларды жүзеге асыратын құрылымдық бөлімшесі |
| «Азаматтарға арналған үкімет» мемлекеттік корпорациясы | ||
| Табиғи монополиялар субъектілері (электр желілері, сумен жабдықтау және су бұру желілері, жылу, телефон және кабель желілері, нөсер кәрізі, газбен жабдықтау желілері) | ||
| Тиісті жергілікті атқарушы органның энергетика және тұрғын үй-коммуналдық шаруашылық саласындағы функцияларды жүзеге асыратын құрылымдық бөлімшесі (қажет болған жағдайда) | ||
| 2 | Әлеуметтік функционалдық аймақта жер учаскесіне құқықтарды беру | Тиісті жергілікті атқарушы органның жер қатынастары саласындағы функцияларды жүзеге асыратын құрылымдық бөлімшесі |