Қандыағаш - Мақат республикалық маңызы бар жалпыға ортақ пайдаланылатын автомобиль жолын (жол учаскесін) ақылы негізде пайдалану туралы
Қазақстан Республикасы Көлік министрінің м.а. 2025 жылғы 29 сәуірдегі № 140 бұйрығы
«Автомобиль жолдары туралы» Қазақстан Республикасы Заңының 12-бабы 2-тармағының 29) тармақшасына сәйкес БҰЙЫРАМЫН:
1. Мыналар:
1) Қандыағаш - Мақат учаскесі (бұдан әрі - км) 100+000 - 480+525 км (А-27) II санатты республикалық маңызы бар жалпы ортақ пайдаланымдағы Ақтөбе - Атырау - Ресей Федерациясының шекарасы (Астраханьға) автомобиль жолы (бұдан әрі - ақылы жол (учаске) ақылы негізінде пайдаланылады;
2) өткел баламалы жолмен жүзеге асырылуы мүмкін: «Қандыағаш - Ақтөбе -Орал - Атырау - Мақат» республикалық маңызы бар автомобиль жолы;
3) ақылы жолдың (учаскенің) бастапқы пункті - 100+000 км, ақылы жолдың (учаскенің) соңғы пункті - 480+525 км;
4) ақылы жолдың (учаскенің) басқа автомобиль жолдарымен қиылысулар және басқа автомобиль жолдарына қосылулар тізбесі осы бұйрыққа 1-қосымшаға сәйкес;
5) ақылы жолдың (учаскенің) техникалық сыныптамасы - II санаты, ақылы жолдың (учаскенің) негізгі параметрлері:
автомобиль жолымен жүріп өту жолағының ені - кемінде 3,75 метр;
автомобиль жолындағы қозғалыс жолақтың саны - екі бағытта - 1 жолақ;
6) ақылы жолдың (учаскенің) ұзақтығы - 380 км 525 метр;
7) ақылы автомобиль жолы арқылы жүріп өту үшін төлем мөлшерлемелері осы бұйрыққа 2-қосымшаға сәйкес айқындалады;
8) басқа автомобиль жолымен баламалы түрде жүре алмайтын, іргелес елді мекендердің тізбесі осы бұйрыққа 3-қосымшаға сәйкес;
9) ақылы жолды (учаскені) ақылы негізде пайдалану мерзімі - 20 жыл деп белгіленсін.
2. Қазақстан Республикасы Көлік министрлігінің Автомобиль жолдары комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Көлік министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Көлік вице-министріне жүктелсін.