Қазақстан Республикасы
Көлік министрінің м.а.
2026 жылғы 4 мамырдағы
№ 114 бұйрығына 6-қосымша
Кәсіптік стандарт: «Контейнерлік тасымал»
1-тарау. Жалпы ережелер
1. Кәсіптік стандарттың қолдану аясы: «Контейнерлік тасымал» кәсіби стандарты «Кәсіптік біліктілік туралы» Қазақстан Республикасының Заңы 5-бабының 5-тармағына және Қазақстан Республикасы Еңбек және халықты әлеуметтік қорғау министрінің 2023 жылғы 7 қыркүйектегі № 377 бұйрығымен (Нормативтік құқықтық актілерді мемлекеттік тіркеу тізілімінде № 33401 болып тіркелген) бекітілген Кәсіптік стандарттарды әзірлеу және (немесе) жаңарту қағидаларын бекіту туралы сәйкес әзірленді, білім беру бағдарламаларын, оның ішінде кәсіпорындарда персоналды оқыту бағдарламаларын қалыптастыруға, ұйымдар мен кәсіпорындарда персоналды басқару саласындағы кең ауқымды міндеттерді шешуге, сондай-ақ қызметкерлер мен білім беру ұйымдары түлектерінің кәсіби біліктілігін тануға қойылатын талаптарды белгілейді.
2. Осы кәсіптік стандартта мынадай терминдер, анықтамалар мен қысқартулар қолданылады:
1) білім - кәсіптік міндет шеңберінде іс-әрекеттерді орындау үшін қажетті зерделенген және меңгерілген ақпарат;
2) вагон - темір жолдармен тасымалдауға арналған өздігінен жүрмейтін тіркемелі көлік құралы;
3) вагондар (контейнерлер) операторы - вагондарды (контейнерлердi) меншiк құқығымен немесе өзге де заңды негiздерде иеленушi және (немесе) тасымалдаушымен жасалған шарт негiзiнде вагондар (контейнерлер) операторы қызметін көрсету жолымен тасымалдау процесiне қатысатын және тасымалдау құжаттарында көрсетiлген тұлға;
4) дағды - кәсіптік міндетті толығымен орындауға мүмкіндік беретін білім мен машықты қолдану қабілеті;
5) жүк алушы - тасымалдау құжаттарында көрсетілген және жүкті алатын тұлға;
6) жүк жөнелтуші - тасымалдау құжаттарында көрсетілген және жүкті жөнелтуші тұлға;