«Теңіз-Новороссийск» магистральдық мұнай құбырының желілік бөлігін орналастыру және пайдалану үшін жариялы сервитут белгілеу туралы
Атырау облысы әкімдігінің 2013 жылғы 15 қарашадағы № 399 Қаулысы
(2025.18.06. берілген өзгерістермен)
Қазақстан Республикасының 2003 жылғы 20 маусымдағы Жер кодексiнiң 16, 32, 37, 43, 69, 118-баптарына, Қазақстан Республикасының 2012 жылғы 22 маусымдағы «Магистральдық құбыр туралы» Заңының 7, 13, 21-баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергiлiктi мемлекеттiк басқару және өзін-өзі басқару туралы» Заңының 27, 37-баптарына сәйкес облыс әкімдігі ҚАУЛЫ ЕТЕДI:
1. Осы қаулының қосымшасына сәйкес «Каспий Құбыр Консорциумы-Қ» акционерлік қоғамының (бұдан әрі - «КҚК-Қ» АҚ) «Теңіз-Новороссийск» магистральдық мұнай құбырының 0-130,3 км желілік бөлігін орналастыру және пайдалану үшін жер учаскелерін жер пайдаланушылардан және жердің меншік иелерінен алып қоймай, 49 жыл мерзімге қауымдық сервитут белгіленсін.
2. «КҚК-Қ» АҚ:
1) келісім бойынша жер учаскелерінің меншік иелеріне және жер пайдаланушыларға шығын келтірген жағдайда Қазақстан Республикасының қолданыстағы заңнамасына сәйкес келтірілген шығындардың орнын толтырсын;
2) «Теңізшевройл» жауапкершілігі шектеулі серіктестігіне жалға алу және сервитут құқығындағы тиесілі жер шегінде Жылыой ауданы әкімдігінің 2009 жылғы 20 желтоқсандағы «Жылыой ауданының жер учаскелерінде өнеркәсіптік пайдалану кезеңіне Теңіз мұнай кен орнының санитарлық-қорғау аймағын белгілеу туралы» № 439 қаулысымен бекітілген жер пайдалану режимінің талаптарын сақтасын;