«Тұрғын үй-коммуналдық шаруашылық саласындағы нормативтік-техникалық құжаттарды бекіту туралы» Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының 2012 жылғы 10 қаңтардағы № 4 бұйрығына өзгерістер енгізу туралы
Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитеті Төрағасының 2019 жылғы 25 шілдедегі № 114-нқ бұйрығы
Қазақстан Республикасы Индустрия және инфрақұрылымдық даму министрінің 2019 жылғы 30 қаңтардағы № 55 бұйрығымен бекітілген «Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті» республикалық мемлекеттік мекемесі ережесінің 14-тармағының 46) тармақшасына сәйкес БҰЙЫРАМЫН:
1. «Тұрғын үй-коммуналдық шаруашылық саласындағы нормативтік-техникалық құжаттарды бекіту туралы» Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының 2012 жылғы 10 қаңтардағы № 4 бұйрығына мынадай өзгерістер енгізілсін:
көрсетілген бұйрықпен бекітілген «Тұрғын және қоғамдық ғимараттарды қайта жаңарту, күрделі және ағымдағы жөндеу» Қазақстан Республикасының Құрылыс нормаларында 1.04-26-2011:
9.1.2-тармақ мынадай редакцияда жазылсын:
«9.1.2 Ағымдағы жөндеуге жататын жұмыстар тізбесі:
1) іргетастар: жергілікті деформациялардың жою, іргетастардың бұзылған учаскілерін қалпына келтіру, желдету өнімдерін, жертөлелерге беттік қабат және кіреберістерді жөндеу.
2) қабырлар және қасбеттер:
- тоғысқан жерлердің герметизациясы, сәулеттік элементтерді бітеу және қалпына келтіру, ағаш қабырғалар қаптамасы учаскелерін ауыстыру, ғимараттардың қасбеттерін жөндеу және бояу;