«Денсаулық сақтау саласындағы мемлекеттік көрсетілетін қызметтер регламенттерін бекіту туралы» Солтүстік Қазақстан облысы әкімдігінің 2014 жылғы 08 шілдедегі № 232 қаулысына өзгерістер енгізу туралы
Солтүстік Қазақстан облысы әкімдігінің 2015 жылғы 16 наурыздағы № 85 Қаулысы
Солтүстік Қазақстан облысы әкімдігінің 2015 жылғы 20 тамыздағы № 309 Қаулысымен күші жойылды
«Нормативтік құқықтық актілер туралы» Қазақстан Республикасының 1998 жылғы 24 наурыздағы Заңының 21-бабына сәйкес Солтүстік Қазақстан облысының әкімдігі ҚАУЛЫ ЕТЕДІ:
1. «Денсаулық сақтау саласындағы мемлекеттік көрсетілетін қызметтер регламенттерін бекіту туралы» Солтүстік Қазақстан облысы әкімдігінің 2014 жылғы 08 шілдедегі № 232 қаулысына (Нормативтік құқықтық актілерді мемлекеттік тіркеу тізілімінде № 2903 болып тіркелді, 2014 жылғы 06 қыркүйекте «Солтүстік Қазақстан» газетінде жарияланды) мынадай өзгерістер енгізілсін:
көрсетілген қаулымен бекітілген «Дәрігерді үйге шақыру» мемлекеттік көрсетілетін қызмет регламентінде орыс тіліндегі мәтін өзгермейді, қазақ тіліндегі мәтінге өзгерістер енгізілсін:
8-тармақтың екінші абзацы мынадай редакцияда жазылсын:
«көрсетілетін қызметті алушы көрсетілетін қызметті берушінің тіркеу орнына жүгінеді, медициналық тіркеуші көрсетілетін қызметті алушының мәліметтерін тексереді, бекітілген халықтың тіркеліміндегі мәліметтермен салыстырады.»;
көрсетілген қаулымен бекітілген «Дәрігердің қабылдауына жазылу» мемлекеттік көрсетілетін қызмет регламентінде орыс тіліндегі мәтін өзгермейді, қазақ тіліндегі мәтінге өзгерістер енгізілсін:
5-тармақтың екінші абзацы мынадай редакцияда жазылсын:
«көрсетілетін қызметті алушы көрсетілетін қызметті берушінің тіркеу орнына жүгінеді, медициналық тіркеуші көрсетілетін қызметті алушының мәліметтерін тексереді, бекітілген халықтың тіркеліміндегі мәліметтермен салыстырады - 10 минут;»;
көрсетілген қаулымен бекітілген «Медициналық-санитариялық алғашқы көмек көрсететін медициналық ұйымға тіркеу» мемлекеттік көрсетілетін қызмет регламентінде орыс тіліндегі мәтін өзгермейді, қазақ тіліндегі мәтінге өзгерістер енгізілсін: