«Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы» Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығына өзгерістер енгізу туралы
Қазақстан Республикасы Ауыл шаруашылығы министрінің м.а. 2025 жылғы 26 мамырдағы № 174 бұйрығы
БҰЙЫРАМЫН:
1. «Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы» Қазақстан Республикасы Ауыл шаруашылығы министрінің міндетін атқарушының 2018 жылғы 23 шілдедегі № 317 бұйрығына (Нормативтік құқықтық актілерді мемлекеттік тіркеу тізілімінде № 17320 болып тіркелген) мынадай өзгерістер енгізілсін:
көрсетілген бұйрықпен бекітілген Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларында:
17-тармақ мынадай редакцияда жазылсын:
«17. Ағымдағы қаржы жылының өтінімдері бойынша ағымдағы қаржы жылында жергілікті бюджеттен инвестициялық субсидиялар төлеуге қаражат болған кезде әкімшінің шешімі бойынша мынадай жобалар паспорттары бойынша инвестициялық салымдарды өтеу үлесін ұлғайтуға жол беріледі:
50 (елу) % дейін:
ауыл шаруашылығы кооперативтері үшін № 1 «Ауыл шаруашылығы техникасын, машиналары мен жабдықтарын сатып алу» жобасының паспорты бойынша мынадай позициялар бойынша: 2; 13.2; 14; 19; 25; 26; 28; 29; 30; 31; 36; 40; 42;
ауыл шаруашылығы кооперативтері үшін № 1.1 «Басым ауыл шаруашылығы машиналары мен жабдықтарын сатып алу» жобасының паспорты бойынша мынадай позициялар бойынша: 1; 2; 5; 6; 7; 8; 10; 11;
ауыл шаруашылығы кооперативтері үшін № 8 «Сүт өңдеу объектісін құру және кеңейту, сүт қабылдау пункттерін құру, ауыл шаруашылығы кооперативтері, дайындаушы ұйымдар, сүт қабылдау пункттері мен сүт өңдеу кәсіпорындары үшін жабдық пен техника сатып алу» жобасының паспорты бойынша.
Бұл ретте, бір ауыл шаруашылығы кооперативі сатып алынған (сатып алынатын) техникаға, машиналар мен жабдыққа:
тиісті мөлшерде тіркеме және аспалы жабдықтары бар үш тракторға дейін;