(БҰРЫНҒЫ РЕДАКЦИЯ) «ҚАЗАҚСТАН РЕСПУБЛИКАСЫНДА КОРОНАВИРУС ИНФЕКЦИЯСЫ ЖӨ...

М.О/М.П/P.L          Берді/выдал/provided by: _______________________

                          Қолы/подпись/signature ______ күні/дата/date ______

Қазақстан Республикасында халықты

коронавирус инфекциясына қарсы

профилактикалық егулерді ұйымдастыру

және жүргізу алгоритміне

3-қосымша

Коронавирус инфекциясына қарсы вакцинация бойынша

жадынама

Вакцинация екі кезеңмен жүргізіледі:

I (күні, айы, жылы) __________________________

II (күні, айы, жылы) __________________________

Мүмкін болатын жанама әсерлер:

Вакцинациядан кейін алғашқы 3 тәулікте қысқа мерзімді жалпы (қалтырау, дене қызуының көтерілуі, артралгия, миалгия, астения, жалпы дімкәстік, бас ауруымен, шаршағыштықпен сипатталатын қысқа мерзімді тұмау тәрізді синдром) және жергілікті (инъекция орнындағы ауырсыну, гиперемия, ісіну) реакциялар дамуы және шешілуі мүмкін. Жүрек айну, диспепсия, тәбеттің төмендеуі, кейде аймақтық лимфа түйіндерінің ұлғайуы сирек байқалады. Аллергиялық реакциялардың, невралгияның, неврологиялық бұзылыстардың дамуы мүмкін.

Вакцинациядан кейін 3 күн бойы инъекция орнын суламау, саунаға, моншаға бармау, алкоголь ішпеу, шамадан тыс физикалық күш салудан аулақ болу ұсынылады.

Вакцинация орнының қызаруы, ісінуі, ауыруы кезінде антигистаминдерді қабылдау ұсынылады. Вакцинациядан кейін дене температурасы жоғарыласа - стероидты емес қабынуға қарсы препараттар ұсынылады.

Вакцинациялаудан кейінгі кезең бойынша сұрақтар туындаған кезде емхананың учаскелік дәрігеріне мына телефондар бойынша жүгінуге _______________________ және қажет болған жағдайда жедел медициналық жәрдемді (103 немесе ______________) шақыруға болады.

Қазақстан Республикасында халықты

коронавирус инфекциясына қарсы

профилактикалық егулерді ұйымдастыру

және жүргізу алгоритміне

4-қосымша

КВИ-ге қарсы профилактикалық егуді жүргізу алдында егілетін адам

немесе оның заңды өкілдерінен сұрау алу үшін медицина қызметкерлеріне

арналған сауалнама

Қазақстан Республикасында халықты

коронавирус инфекциясына қарсы

профилактикалық егулерді ұйымдастыру

және жүргізу алгоритміне

5-қосымша

Қазақстан Республикасының

Бас мемлекеттік

санитариялық дәрігерінің

2022 жылғы «13» қаңтардағы

№ 2 қаулысына

2-қосымша

Коронавирус инфекциясының профилактикасы бойынша

вакциналарды сақтау және тасымалдау регламенті

1. Қолдану саласы

1. Осы регламент өндіруші, дәріхана қоймалары, денсаулық сақтау ұйымдары және дәрілік заттар мен медициналық бұйымдардың айналысы саласындағы мемлекеттік орган арасындағы өзара іс-қимыл қағидаларын айқындайды. Құрамы медицина және фармацевтика қызметкерлерінің қабылдау қағидаттарының сипаттамасын, коронавирустық инфекциясының (бұдан әрі - КВИ) профилактикасы үшін вакцинаның сақталуы мен тасымалдануын бақылауды қамтиды.

2. Нормативтік сілтемелер

2. Осы регламент мынадай нормативтік құқықтық актілердің ережелерін ескере отырып әзірленген:

1) «Иммунологиялық дәрілік препараттарды (иммундық-биологиялық дәрілік препараттарды) сақтауға, тасымалдауға және пайдалануға қойылатын санитариялық-эпидемиологиялық талаптар» санитариялық қағидаларын бекіту туралы» Қазақстан Республикасының Денсаулық сақтау министрінің 2021 жылғы 19 шілдедегі № ҚР ДСМ-62 бұйрығы;

2) «Тиісті фармацевтикалық практикаларды бекіту туралы» Қазақстан Республикасының Денсаулық сақтау және әлеуметтік даму министрінің 2015 жылғы 27 мамырдағы № 392 бұйрығы;

3) «Дәрілік заттар мен медициналық бұйымдарды сақтау және тасымалдау қағидаларын бекіту туралы» Қазақстан Республикасының Денсаулық сақтау және әлеуметтік даму министрінің 2021 жылғы 16 ақпандағы № ҚР ДСМ-19 бұйрығы.

3. Терминдер мен анықтамалар, қысқартулар мен шартты белгілер

3. Осы регламентте мынадай терминдер мен анықтамалар қолданылады:

4. Осы регламентте мынадай қысқартулар пайдаланылады:

4. Жалпы ережелер

5. Ұйым басшысы рұқсат берген қызметкерлердің КВИ-дің профилактикасы үшін вакцинамен жұмыс істеу құқығы болады.

6. Вакцинаға қоса берілген өндірушінің нұсқаулығына сәйкес сақтау мен тасымалдаудың температуралық режимі.

7. Заңды тұлғаның басшысы ИДП-ның айналысын бақылайтын жауапты тұлғаларды тағайындайды.

8. Қабылдау, сақтау және тасу (тасымалдау) кезінде барлық деңгейлерде «ИДП айналысын» тиісінше басқаруды қамтамасыз ету үшін мынадай элементтер пайдаланылады:

1) тоңазытқыш (мұздатқыш) жабдықтары;

2) реттелетін температуралық жағдайлардың сақталуын бақылау рәсімдері;

3) арнайы оқытылған персонал;

4) ИДП-ны тиісті тасымалдауға арналған құралдар.

9. «ИДП айналысы» жүйесінде жабдықтың мынадай түрлері пайдаланылады:

1) ИДП-ны сақтауға арналған жабдық:

- тоңазытқыш камералары (бөлмелер);

- мұздатқыш камералары (мұздатқыштар);

2) ИДП-ны тасымалдауға арналған жабдық:

- арнайы авторефрижераторлар;

- термоконтейнерлер;

- медициналық тоңазытқыш-сөмкелер;

- салқындатқыш элементтер;

- термоиндикаторлар (терморегистраторлар);

3) ИДП-ны сақтау және тасымалдау кезінде сақтаудың температуралық режимін мониторингтеуге және температуралық режимнің ауытқуларын тіркеуге арналған жабдық:

- терморегистраторлар;

- термометрлер;

- термоиндикаторлар;

- және басқалар (орау материалдары және т.б.).

10. «ИДП айналысы» шарттарын сақтау үшін өнімді қоймаға түсіру, қабылдау, қойма ішінде ауыстыру және ИДП-ны тоңазытқыш/мұздатқыш жабдықтан (камералардан) АКҚ-ға жөнелту барынша қысқа мерзімде жүзеге асырылады.

5. «Салқын тізбек» деңгейлері

Бірінші деңгей - өндіруші;

Екінші деңгей - Бірыңғай дистрибьютордың Алматы, Шымкент, Ақтөбе және Нұр-Сұлтан қалаларындағы дәріхана қоймалары (хабтар);

Үшінші деңгей - өңірлердің денсаулық сақтау басқармаларының қоймалары немесе олар уәкілеттік берген өңірлік қан орталықтары;

Төртінші деңгей - Қазақстан Республикасының қалалары мен өңірлеріндегі медициналық ұйымдар.

Әрбір деңгейде заңды тұлға басшысының бұйрығымен жауапты тұлға тағайындалады.

6. ИДП-ны қабылдау, түсіру және сақтау тәртібі

11. Барлық деңгейлерде вакцинаны сақтау тоңазытқыш немесе мұздатқыш камераларда, мұздатқыштарда немесе мұздатқыш жәшіктерде жүзеге асырылуы тиіс. Салқындатқыш элементтерді мұздату үшін мұздатқыш камераларда, мұздатқыштарда немесе мұздатқыш жәшіктерде сақтау орнын қамтамасыз ету қажет.

12. Тасымалдау салқындатқыш элементтері бар термоконтейнерлерінде немесе тоңазытқышпен (авторефрижератормен) жабдықталған арнайы автокөлікте жүзеге асырылады.

13. Пайдалану алдында мұздатқыш жабдық, көлік, тіркеу аспаптары және т.б. валидтеледі, сақтау үй-жайлары мен көлік - термокартирлеуге түсіріледі.

14. Вакцинаны қабылдауға медициналық қолдануға арналған дәрілік препараттарды қабылдау жөніндегі комиссияның құрамына кіретін, заңды тұлғаның басшысы тағайындаған және осы регламентті және тауарларды қабылдау жөніндегі ішкі стандартты операциялық рәсімдерді зерделеген қызметкерлер жіберіледі.

15. Мұздатқыш/тоңазытқыш жабдықтарда (камераларда) қызметкерлер қауіпсіздік техникасын сақтай отырып, тиісті арнайы киімде жұмыс істеуі тиіс.

16. Өнімнің мұздатылған күйде сақталуын қамтамасыз ету үшін температуралық режимнен тыс операцияларды орындау уақыты 5 минуттан аспауы тиіс!

17. Заңды тұлғаның басшысы тағайындаған жауапты тұлға ілеспе құжаттардың бар-жоғын салыстырып, тексеруді серия нөмірінің, дәрілік препарат атауының, жарамдылық мерзімінің қолайлылығының сәйкестігіне тексереді.

18. Вакцинаны қабылдау кезінде вакцинаны қабылдауды жүзеге асыратын қызметкер ең алдымен тасымалдау кезінде температуралық режимнің сақталуын тексереді.

19. Вакцина авторефрижераторларға түскен кезде экспедитор-жүргізуші бүкіл жол бойында температуралық режимнің сақталуын растайтын терморегистратордың деректерін ұсынады. Деректер қабылдау құжаттамасына қоса беріледі.

20. Қаптаманың бүтіндігін көзбен шолып тексергеннен кейін вакцина дереу тоңазытқыш/мұздатқыш камерасына орналастырылады.

21. Медициналық иммундық-биологиялық препараттарды (бұдан әрі - МИБП) сақтау кезінде әрбір қаптамаға салқындатылған ауаның кіруі қамтамасыз етіледі. Тоңазытқыш жабдықты толтыру МИБП-ның жарамдылық мерзімдерін ескере отырып жүзеге асырылады. Бұл ретте жарамдылық мерзімі азырақ МИБП жіберіледі немесе бірінші кезекте пайдаланылады.

22. МИБП-ны және салқындатқыш элементтерді тоңазытқыш жабдықтың, тоңазытқыш және мұздатқыш бөлмелердің немесе камералардың жалпы көлемінің жартысынан астамын толтыруға жол берілмейді.

23. Егер вакцина термоконтейнерлерінде келіп түссе, оларды ашады және бақылау аспаптарының көрсеткіштерін тексереді.

24. Термоконтейнерлерді ашу алдында мыналарды дайындау қажет:

- кеңсе пышағы (термоконтейнерінде скотчты ашу үшін);

- қолғаптар (салқындатқыш элементтер мен терморегистратордың жоғары қабатын алу үшін);

- фото -, бейнекамера (термоиндикаторларының бақылау элементінің бояу дәрежесін белгілеу үшін).

25. Термоконтейнерді түсіру тоңазытқышқа/мұздатқышқа тікелей жақын жерде жүргізіледі, онда вакцина термоконтейнерді ашқаннан кейін дереу орналастырылуы тиіс.

26. Қойманың қабылдау бөлімінің қызметкерлері мынадай белгіленген тәртіпке сәйкес жұмыс істейді:

- термоконтейнерді ашу;

- салқындатқыш элементтердің жоғары қабатын алып тастау;

- температуралық режимді ИДП-ны сақтаудың температуралық жағдайларына сәйкес келетін мұздатқыш/тоңазытқыш жабдығын (камерасын) қабылдау аймағында (шлюзінде) қатпарқораптан (көлік қорабынан) терморегистраторлар / термоиндикаторларды алып тастау;

- салқындатқыш элементтердің жоғарғы қабатын термоконтейнерге қайтару;

- термоконтейнерді қақпақпен мықтап жабу және қақпақты таспамен ұстап тұратын клапандарды бекіту;

- панельде көрсетілген температуралық режимді тіркеу үшін термоиндикаторлардың алдыңғы жағын дереу суретке түсіру (бақылау элементінің бояу дәрежесі бойынша температураның нормадан асатын әсерінің жалпы ұзақтығы бағаланады).

27. Терморегистраторлардан деректерді оқу үшін:

1) құрылғыны орнату нұсқаулығын қолдана отырып, жазуды тоқтату қажет!;

2) одан әрі жауапты адам терморегистраторлардан деректерді оқиды және мұрағаттайды - оларды компьютерге USB порты арқылы қосады (ашылған терезеде пайда болған екі файлды (PDF және TTV мәтіндік) сақтау қажет);

3) терморегистраторлардың СК-дисплейлеріндегі деректер ажыратылмауы мүмкін, бұл жағдайда температура тіркеуішін бөлме температурасында 5-10 минутқа қалдыру, содан кейін нұсқауларға сәйкес терморегистраторды тоқтату керек.

28. Термоконтейнер түсірілгеннен кейін жабылады және сақтау үй-жайынан шығарылады.

29. Түсіру және қабылдау кезінде тиеу-түсіру жұмыстарын орындау кезінде қауіпсіздіктің жалпы талаптарын сақтау, термоконтейнерлерді ұқыпты ұстау, олардың құлауына және аударылуына жол бермеу қажет.

30. Тұтастығы мен таңбалануы бұзылған, физикалық қасиеттері өзгерген (лайлану, бояу), жарамдылық мерзімі өткен, дұрыс сақталмаған құтылар мен ампулалардағы препарат қолдануға жарамсыз.

31. Егер вакцинаны қабылдау кезінде температуралық режимнің бұзылуы, қаптаманың бүтіндігінің бұзылуы анықталса, онда вакцинаны қабылдауды жүзеге асыратын қызметкер бұл туралы басшыға хабарлайды және рекламация актісін жасайды.

32. Механикалық зақымдану белгілері: сынық, ылғалдану, ағу, температуралық ауытқулар анықталған кезде, сондай-ақ өнімнің ИДП сапасына әсер етуі мүмкін сәйкес келмейтін жағдайларда болу фактісі расталған кезде препарат түпкілікті шешім қабылданғанға дейін «карантин» аймағына уақытша ауыстырылады.

33. Бұл кезеңде қабылдау пунктінің басшысы:

1) қабылдауды тоқтатуы, өнімді мұздатқыш/тоңазытқыш жабдығының (камераның) «карантин» аймағына дереу орналастыруы және басқа қорлардан бөлек ұстауы тиіс;

2) өнім берушіге ақпарат беруі қажет;

3) тексеру жүргізу үшін сапаны қамтамасыз ету бөлімінің қызметкерлерін хабардар етуі керек;

4) өнім беруші шешім қабылдағаннан кейін сәйкес келмейтін өнімді қабылдамай, өнімді қабылдауды жалғастыруы тиіс.

34. Вакцинаны тоңазытқыш жабдықтың немесе автокөліктің ішіне орналастырған кезде мұздатқыш жабдықты жеткізу кезінде өндіруші ұсынған термокартасына түсіру деректері немесе жабдықты пайдалану процесі алдында орындалған термокартасына түсіру туралы есеп деректері ескерілуі тиіс. Вакцинаны сақтауға арналған мұздатқыш камераларда (мұздатқыштарда) пайдаланылатын барлық температуралық бақылау құралдары төмен (минус 18°C және одан төмен) температураны белгілей алуы тиіс.

35. Вакцинаны сақтаудың температуралық режимін қамтамасыз ету тәртібі және ұйымның өкімдік құжатымен бекітілетін осы деңгейде «салқын тізбекті» қамтамасыз етуге жауапты қызметкерлердің міндеттері айқындалады, сондай-ақ ұйым басшысы төтенше жағдайларда «салқын тізбекті» қамтамасыз ету жөніндегі іс-шаралар жоспарын әзірлеуге және бекітуге тиіс.

36. Түсіру аяқталғаннан кейін осы Регламентке 1-қосымшаға сәйкес нысан бойынша ИДП партиясын қабылдау актісі толтырылады. Бұл ретте, салынған термоиндикаторлардың көрсеткіштері тексеріледі.

37. Барлық деректер осы Регламентке 2-қосымшаға сәйкес нысан бойынша ИДП-ны есепке алу журналына енгізіледі.

38. Күн сайын, тәулігіне 2 рет (таңертең және кешке) тоңазытқыш жабдығының, тоңазытқыш және мұздатқыш бөлмелердің немесе камералардың температурасы осы Регламентке 3-қосымшаға сәйкес тоңазытқыш жабдығының, тоңазытқыш және мұздатқыш бөлмелердің немесе камералардың температуралық режимін есепке алу журналында белгіленеді.

7. ИДП-ны тасу (тасымалдау)

39. Өнім беруші/Бірыңғай дистрибьютор/денсаулық сақтау басқармасы/медициналық мекеме қоймасының қызметкерлері ИДП-ны жинақтау жүкқұжаты негізінде жинайды. Өнім берушінің/Бірыңғай дистрибьютордың/денсаулық сақтау басқармасының/медициналық ұйымның жауапты адамы алушыға жөнелту алдында жеткізілетін орында сақтаудың тиісті режимінің болуына көз жеткізуі тиіс (мұздатқыш/тоңазытқыш жабдықтың болуы және оның көлемі вакцина/тауардың көлемімен сәйкес келуі тиіс).

40. Жеткізілімдерді жинақтау кезінде FEFO қағидатын қатаң ұстанады (ең алдымен қалдық жарамдылық мерзімі аз өнімдер сериясы таңдалады). Екі компонентті вакцина (ГамКОВИД-Вак) жеткізілген жағдайда, денсаулық сақтау басқармасының қоймасынан медициналық ұйымға жөнелтуі әрбір компоненттің қолданылу кезектілігіне қатаң түрде сәйкес, жөнелтілу арасындағы 20 күн аралықпен жүзеге асырылады.

41. Препарат мұздатқыш/тоңазытқыш жабдықтарында «Жинақтау және жөнелту аймағы» арнайы бөлінген орында жинақталады.

42. Қалыпты (рефрижераторлық емес) көлікпен тасу (тасымалдау) үшін ИДП-ны қоршаған ортаның жоғары немесе төмен температураларының әсерінен қорғау үшін белгілі бір уақыт ішінде температураның талап етілетін аралығын сақтауды қамтамасыз ететін жылу оқшаулағыш материалдан дайындалған арнайы термоконтейнерлерге қаптамаланады.

43. Тасу (тасымалдау) үшін изотермиялық үлгідегі пассивті термоконтейнерлер қолданылады, онда салқындатқыш агенттер ретінде салқындатқыш элементтер пайдаланылады.

44. Пайдаланылатын термо материалы мен өндіріс технологиясына байланысты пассивті термоконтейнерлер бір рет және бірнеше рет қолданылатын термоконтейнерлер болып бөлінеді. Бір рет қолданылатын изотермиялық буып-түю ыдысын қайта пайдалануға жол берілмейді.

45. Бірнеше рет қолданылатын термоконтейнерлерді білікті өнім берушіден сатып алған кезде жиынтыққа назар аудару қажет: паспорттың, термокартаның, қолдану жөніндегі нұсқаулықтың болуы. Термоконтейнерлердің санитариялық өңдеуге оңай түсетін жабыны болуы тиіс.

46. Жауапты адам нұсқаулыққа сәйкес қатаң түрде салқындатқыш элементтерді салады. Қажетті температуралық режимді қамтамасыз ету үшін термоконтейнерлерге салынатын салқындатқыш элементтердің саны мен түрі пайдаланылатын термоконтейнерлер мен салқындатқыш элементтерге арналған құжаттарға сәйкес келуі тиіс.

47. ИДП-ны термоконтейнерлерге салу тәртібі:

1) алдын ала салқындатылған мөлшері бойынша ең қолайлы термоконтейнерін таңдау;

2) ИДП қораптарын салу;

3) ИДП-ны жөнелту күні герметикалығы алдын ала тексерілген және құрғақтай сүртілген салқындатқыш элементтерді төсеу;

4) қосалқы материалмен бос орындарды төсеу;

5) термоиндикаторлар/ терморегистраторлар және бақылау карточкасын төсеу;

6) термоконтейнерді мықтап жауып, скотчпен жабыстыру;

7) әр термоконтейнерге затбелгі қою.

48. Жөнелтуге дайын ИДП бар термоконтейнерлер АКҚ-на тиеу сәтіне дейін тоңазытқыш/мұздатқыш жабдықта (камерада) сақталады.

49. ИДП-ның түсуі мен шығысын тиісінше есепке алуды және температуралық режимді бақылау үшін пайдаланылатын ауа өлшемшарттарын, терморегистраторлар/термоиндикаторлар тіркеуге арналған аспаптар көрсеткіштерінің уақтылы тіркелуін бақылау белгіленген нысанға сәйкес «ИДП қозғалысын есепке алу журналы» арнайы журналында жүргізіледі және жауапты адамға жүктеледі.

50. АКҚ-ға және құжаттарға ескертулер болмаған кезде тауарды АКҚ-ға тиеуге рұқсат етіледі.

51. ИДП-ны өндірушінің қаптамасында қосымша изотермиялық қорғау құралдарынсыз тасымалдау үшін шанақ ішінде берілген температураны ұстап тұрудың автоматты жүйесі бар тоңазытқыш-жылыту қондырғысымен жабдықталған, температураны өлшеу және бақылау құралдарымен жабдықталған изотермиялық шанағы бар авторефрижератор, сондай-ақ шанақ есігінің ойығындағы жылу оқшаулағыш шымылдығы пайдаланылады.

52. Тиеу кезінде экспедиция бөлімінің қызметкерлері тауардың машина шанағына дұрыс орналастырылуын бақылауды жүзеге асырады:

1) жүк тұрақты орналастырылуы тиіс;

2) төсеу кезінде жүктерді тастауға жол берілмейді;

3) ауыр жүк бірінші кезекте, соңында жеңілірек жүк тиеледі.

4) паллеттерді жүру жолында тасу (тасымалдау) кезінде оның орын ауыстыруын болдырмай, шанаққа тығыз орнату қажет;

5) қажет болған жағдайда паллеттерді бекіту және/немесе тығыздау элементтері арқылы жүзеге асырылады;

6) ауа айналымын және өнімнің сақталуын қамтамасыз ету.

53. ИДП-ны тасу (тасымалдау) кезінде температуралық режимді бақылауға арналған жабдық пайдаланылады: термоиндикаторлар немесе терморегистраторлар (ішіне салынған немесе дербес), олар тасудың (тасымалдаудың) бүкіл циклі ішінде температуралық режимнің бұзылғанын анықтауға мүмкіндік береді. Бақылау циклінде температуралық режимнің бұзылуын тіркеу мүмкіндігі бар кіріктірілген электрондық жады бар термометрлерді пайдалануға жол беріледі.

54. Термоконтейнерлерді пайдалану кезінде ұйымның жауапты тұлғасы ұйымның мекенжайына тасымалданатын ИДП бар әрбір термоконтейнерге техникалық құжаттамаға сәйкес температуралық режимнің сақталуын және температуралық режимнің ауытқу ұзақтығын (егер бар болса) бақылауды қамтамасыз етуге мүмкіндік беретін терморегистратор немесе термоиндикатор (егер қолданылатын болса) орналастырады.

55. Температуралық режимді бақылауға арналған жабдық әрбір термоконтейнерде ИДП бар қаптамалар арасында термокартасы бойынша өндіруші ұсынған орында орналастырылады.

56. Пассивті термоконтейнерлерде термоиндикаторлар немесе дербес терморегистраторлар қолданылады.

57. Жүктеу аяқталғаннан кейін экспедиция бөлімінің қызметкері АКҚ есіктеріне пломба салады.

8. Термоконтейнерлермен және салқындатқыш элементтермен

жұмыс істеу

58. «ИДП айналысы» жүйесінде салқындатқыш элементтердің сақтау қоры қамтамасыз етілуі тиіс.

59. Қабырғалардың және/немесе қақпақтың ішінде де, сыртында да механикалық зақымдалған термоконтейнерлерді пайдалануға тыйым салынады.

60. Көп рет қолданылатын термоконтейнерлерді санитариялық өңдеу тиеу алдында және пайдаланғаннан кейін, сондай-ақ қажеттілігіне қарай паспортқа және термоконтейнерлерді қолдану жөніндегі нұсқаулыққа сәйкес дезинфекциялау құралдарын пайдалана отырып жүргізіледі.

9. Түсіріп алу және ИДП бар термоконтейнерлерді ашуға

денсаулық сақтау басқармасының және медициналық

ұйымның персоналын даярлау

61. ИДП-ны қабылдауға медициналық қолдануға арналған дәрілік препараттарды қабылдау жөніндегі комиссияның құрамына кіретін, заңды тұлғаның басшысы тағайындаған және осы стандартты операциялық рәсімді зерделеген денсаулық сақтау басқармасы/медициналық ұйым қызметкерлері жіберіледі.

62. Заңды тұлғаның басшысы тағайындаған жауапты адам ілеспе құжаттардың бар-жоғын тексереді.

63. Жауапты адам құжаттардың серия нөмірінің, дәрілік препарат атауының сәйкестігін, жарамдылық мерзімінің қолайлылығын салыстыруға ерекше назар аударады.

64. Ілеспе құжаттарды тексергеннен кейін жауапты адам өнімді АКҚ-нан медициналық ұйымның қабылдау-мұздатқыш/тоңазытқыш жабдығының (камерасының) аймағына түсіруге рұқсат береді.

65. Түсіру және қабылдау кезінде тиеу-түсіру жұмыстарын орындау кезінде қауіпсіздіктің жалпы талаптарын сақтау, термоконтейнерлерді ұқыпты ұстау, олардың құлауына және аударылуына жол бермеу қажет.

66. Термоконтейнерлерді ашу алдында мыналарды дайындау қажет:

- кеңсе пышағы (термоконтейнерде скотчты ашу үшін);

- қолғаптар (салқындатқыш элементтер мен температуралық тіркеуіштердің жоғарғы қабатын алу үшін);

- фото -, бейнекамера (термоиндикаторларының бақылау элементінің бояу дәрежесін белгілеу үшін).

67. ИДП-ны түсіргеннен кейін термоконтейнерлер тез арада мұздатқыш/тоңазытқыш жабдықты (камераларды) қабылдау аймағына ауыстырылуы тиіс.

68. Мұздатқыш/тоңазытқыш жабдықтарда (камераларда) қызметкерлер қауіпсіздік техникасын сақтай отырып, тиісті арнайы киімде жұмыс істеуі тиіс.

69. Контейнерді ашып, термотіркеуіштерін/термоиндикаторларды алып тастау қажет - бұл жұмыс ИДП-ның мұздатылған күйде сақталуын қамтамасыз ету үшін 5 минут ішінде орындалуы тиіс.