«Мемлекеттік сатып алу туралы шартты тікелей жасасу арқылы бір көзден алу тәсілімен сатып алынатын қылмыстық-атқару (пенитенциарлық) жүйесі мекемелерінің мемлекеттік кәсіпорны өндіретін, орындайтын, көрсететін тауарларының, жұмыстарының, көрсетілетін қызметтерінің тізбесі мен көлемдерін бекіту туралы» Қазақстан Республикасы Ішкі істер министрінің 2026 жылғы 19 наурыздағы № 200 бұйрығына өзгеріс енгізу туралы
Қазақстан Республикасы Ішкі істер министрінің 2026 жылғы 29 маусымдағы № 453 бұйрығы
БҰЙЫРАМЫН:
1. «Мемлекеттік сатып алу туралы шартты тікелей жасасу арқылы бір көзден алу тәсілімен сатып алынатын қылмыстық-атқару (пенитенциарлық) жүйесі мекемелерінің мемлекеттік кәсіпорны өндіретін, орындайтын, көрсететін тауарларының, жұмыстарының, көрсетілетін қызметтерінің тізбесі мен көлемдерін бекіту туралы» Қазақстан Республикасы Ішкі істер министрінің 2026 жылғы 19 наурыздағы № 200 бұйрығына мынадай өзгеріс енгізілсін:
көрсетілген бұйрықпен бекітілген мемлекеттік сатып алу туралы шартты тікелей жасасу арқылы бір көзден алу тәсілімен сатып алынатын қылмыстық-атқару (пенитенциарлық) жүйесі мекемелерінің мемлекеттік кәсіпорны өндіретін, орындайтын, көрсететін тауарлардың, жұмыстардың, көрсетілетін қызметтердің тізбесі мен көлемдерінде:
«Қызметтер, жұмыстар» 5-тарауы осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Қылмыстық-атқару жүйесі комитеті Қазақстан Республикасының заңнамасында белгіленген тәртіппен:
1) Бұйрықты қазақ және орыс тілдерінде Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жолдауды;
2) осы бұйрықты Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау Қазақстан Республикасы Ішкі істер министрінің жетекшілік ететін орынбасарына жүктелсін.