2) 12 жасқа дейін;
3) жүктіліктің 16 аптасына дейін;
4) анамнезінде полиэтиленгликолге немесе туыстас молекулаларға ауыр аллергиялық реакциясы бар адамдарға, себебі вакцина құрамында полиэтиленгликоль бар.
111. Вакцинациялау:
1) қандай да бір басқа вакцина енгізілгеннен кейін немесе бұрын Комирнати енгізілгеннен кейін ауыр аллергиялық реакция немесе тыныс алу проблемалары;
2) кез келген инъекциядан/уколдан кейін естен тану, құрысулар;
3) жоғары температурамен жіті инфекциялық аурулар және созылмалы аурулардың асқынуы;
4) қанның ұюымен, оның ішінде тромбтардың пайда болуына қарсы дәрі-дәрмектерді қабылдаумен байланысты проблемалардың болуы;
5) ауруға байланысты иммундық жүйе әлсіреген (АИТВ инфекциясы, стероидты препараттарды қабылдау) кезінде сақтықпен жүргізіледі.
112. Ерітілген құтыны бөлме температурасына ауыстырады, бірақ 2 сағаттан асырмай, бөлме температурасына дейін жеткізеді және сұйылту алдында 10 рет мұқият аударыстырады. Сілкілеуге болмайды! Сұйылтуға дейін ерітілген дисперсияда ақ немесе ақ түсті мөлдір емес аморфты бөлшектер болуы мүмкін.
113. Вакцина еріткіші - концентрациясы 9 мг/мл (0,9%) инъекцияға арналған натрий хлоридінің ерітіндісі бөлме температурасында сақталады.
114. Ерітілген вакцинаны түпнұсқалық құтыда асептикалық жағдайларда 1,8 мл 0,9% натрий хлориді ерітіндісінің көмегімен сұйылтады; вакцинаның 1 құтысына көрсетілген еріткіштің 1 ампуласы пайдаланылады (вакцинаны сұйылтқан кезде вакцина мен еріткіштің бірдей температурасы қамтамасыз етіледі).
115. Инені құтының тығынынан алу алдында құтыдағы қысымды сұйылтуға арналған бос шприцке 1,8 мл ауаны тарту жолымен теңестіреді.
116. Сұйылтылған вакцина (дисперсия) 10 рет мұқият аударыстырылады. Сілкілеуге болмайды! Сұйылтылған вакцина ақ түсті дисперсия болуы тиіс. Бөлшектер болған кезде немесе түсі өзгерген жағдайда сұйылтылған вакцина пайдаланылмайды.
117. Құтыда сұйылтқаннан кейін тиісті күні мен уақытын көрсету керек.
118. Сұйылтқаннан кейін вакцинаны плюс 2°C-тан плюс 30°C-қа дейінгі температурада сақтау және 6 сағат ішінде пайдалану керек.
119. Сұйылтылған вакцинаны қатыруға және шайқауға болмайды.
120. Вакцинаны сұйылту үшін 0,1 мл қадаммен бөліктелген 2-ден 5 мл дейінгі шприц қолданылады.
121. Вакцинаны енгізу үшін көлемі 0,3 мл немесе 0,1 мл қадаммен бөліктелген 1,0 мл өздігінен бұзылатын (өздігінен бұғатталатын) шприц пайдаланылады.
122. Сұйылтқаннан кейін құтының ішінде 2,25 мл вакцина болады және одан 0,3 мл-ден 6 доза алуға болады. Асептикалық жағдайларда құтының тығынын бір реттік антисептикалық тампонмен тазартады, 0,3 мл препаратты шприцтің көмегімен алады; бір құтыдан 6 доза алу үшін шағын «өлі» көлемді шприцтер және (немесе) инелерді пайдалану керек. Шприц пен иненің жиынтық шағын «өлі» көлемі 35 мкл-ден аспауы тиіс. Әр дозаны алу кезінде шайқау қажет етілмейді.
123. Вакцина енгізу алдында теріні 70 пайыздық спирт ерітіндісімен дезинфекциялау қажет; вакцинаны енгізу алдында спирттің терінің бетінен толық буланғанына көз жеткізу қажет.
124. Егілуші адамға енгізу үшін вакцинаның әрбір дозасының көлемі 0,3 мл құрауы тиіс.
125. Тұтастығы және/немесе құтының таңбасы бұзылған, физикалық қасиеттері өзгерген (лайлану, боялу), дұрыс сақталмаған және/немесе жарамдылық мерзімі өткен вакцина пайдалануға жарамсыз.
126. «Комирнати» вакцинасын қолдану арқылы КВИ-ге қарсы вакцинациялау мен басқа екпелермен вакцинациялау арасындағы аралықты кемінде 14 күн сақтау ұсынылады.
127. Жүргізілген вакцинацияны белгіленген есепке алу нысандарында (КВИ-ге қарсы профилактикалық егулерді есепке алудың жеке журналы немесе КМАЖ, ҚР ДСМ ХТТ «Вакцинация» модулі) вакцинация жүргізілген күнді, егу түрін, препараттың өндіруші кәсіпорнын, серия нөмірін, вакцинаға реакцияны көрсете отырып тіркейді.
128. Кейбір егілушілерде «Комирнати» вакцинасы келесі күтілетін реакцияларды тудыруы мүмкін:
1) өте жиі (10-нан 1-ден көп адамда пайда болуы мүмкін): инъекция орнындағы ауырсыну, ісіну, шаршағыштық, бас ауруы, бұлшықет ауруы, буынның ауыруы, қалтырау, диарея, қызба; аталған реакциялардың кейбіреулері 12-15 жас аралығындағы жасөспірімдерде ересектерге қарағанда біршама жиі кездеседі;
2) жиі (10-нан 1-ден көп емес адамда пайда болуы мүмкін): инъекция орнында қызару, жүрек айну, құсу;
3) жиі емес (100-ден 1-ден көп емес адамда пайда болуы мүмкін): үлкейген лимфа түйіндері, әлсіздік, қолдың ауыруы, ұйқысыздық, инъекция орнындағы қышу, бөртпе немесе қышу сияқты аллергиялық реакциялар;
4) сирек (1000-нан 1-ден көп емес адамда пайда болуы мүмкін): бет нервінің уақытша біржақты сал ауруы, есекжем немесе бет ісінуі сияқты аллергиялық реакциялар;
5) белгісіз (қолда бар мәліметтерге сүйене отырып, пайда болу жиілігін анықтау мүмкін емес): ауыр аллергиялық реакция, жүрек бұлшықетінің қабынуы (миокардит) немесе жүректің сыртқы қабығының қабынуы (перикардит), бұл ентігуге, жүрек соғуының жиілеуіне немесе кеуденің ауыруына, инъекция орнында кең көлемді ісінуге, егер бұрын бет аймағына косметикалық инъекциялар жасалса, беттің ісінуіне алып келуі мүмкін.
8. КВИ-ге қарсы ревакцинациялау жүргізу туралы
129. Қазақстанның аумағында 3 және одан да көп ай тұратын, КВИ-ге қарсы вакцинацияның бастапқы курсын толық аяқтап алған шетел азаматтарын қоса алғанда, барлық адамдар КВИ-ге қарсы ревакцинацияға жатады.
130. КВИ-ге қарсы ревакцинация КВИ-ге қарсы вакцинацияның бастапқы курсы аяқталғаннан кейін 6 ай аралықпен бір рет жүргізіледі.
ҚР Бас мемлекеттік санитариялық дәрігерінің 2022.25.03. № 17 Қаулысымен 131-тармақ жаңа редакцияда (бұр.ред.қара)
131. КВИ-ға қарсы бастапқы вакцинацияның толық курсы бар КВИ-мен ауырып сауыққан адамдарды КВИ-ға қарсы ревакцинациялау ревакцинация алдындағы жай-күйін бағалауды ескере отырып, сауыққаннан кейін 3-6 айдан соң жүргізіледі.
132. Бұрын КВИ-ге қарсы вакцинациялаудың бастапқы курсын алған жүкті әйелдерді КВИ-ге қарсы ревакцинациялау жүктіліктің 16-37 аптасы кезеңінде «Комирнати» вакцинасын (Пфайзер) пайдалана отырып жүргізіледі.
Лактация кезеңіндегі әйелдерді КВИ-ге қарсы ревакцинациялау босанғаннан кейінгі кезең аяқталғаннан кейінгі (42 күннен кейін) кезеңнен бастап бала 2 жасқа толғанға дейін «Комирнати» вакцинасын (Пфайзер) пайдалана отырып жүргізіледі.
ҚР Бас мемлекеттік санитариялық дәрігерінің 2022.18.02. № 11 Қаулысымен (бұр.ред.қара); 2022.25.03. № 17 Қаулысымен (бұр.ред.қара) 133-тармақ жаңа редакцияда
133. Халықтың барлық топтарына ревакцинация жүргізу үшін Дүниежүзілік денсаулық сақтау ұйымы мақұлдаған вакциналарды қоса алғанда, ҚР-да КВИ-ға қарсы вакциналау үшін қолданылатын бірінші және екінші компоненттерге ұқсас вакциналар пайдаланылуы мүмкін.
134. КВИ-ге қарсы ревакцинациялауды КВИ-ге қарсы вакцинацияның бастапқы курсында қолданылмаған вакцина түрлерімен (белсенділігі жойылған вакцина, векторлық вакцина, М-РНК-вакцина) жүргізу ұсынылады.
135. КВИ-ге қарсы вакцинацияның бастапқы курсы үшін пайдаланылған КВИ-ге қарсы вакцинамен ревакцинациялау жүргізуге жол беріледі.
9. Коронавирус инфекциясына қарсы иммундаудан кейін егуден
кейінгі кезеңді бақылау және қолайсыз көріністерді тергеп-тексеру
136. Халықтың көп тобына вакцинация жүргізу кезеңінде ИКҚК-ны қадағалау жүйесінің қажеттілігі бірнеше себептермен түсіндіріледі:
1) организмге кез келген вакцинаны енгізгенде ИКҚК дамуы мүмкін. Әдеттегі ИКҚК әрбір вакцинаға қоса берілген нұсқаулықтарда сипатталады;
2) вакцинация жүргізу кезеңінде жоспарлы иммундаудың ұзақтығы бойынша сондай кезеңімен салыстырғанда тіркелетін ИКҚК санының ұлғаюы мүмкін.
137. ИКҚК тізбесі мыналарды қамтиды:
1) вакцина енгізілген жердегі абсцесс;
2) қызба;
3) лимфа түйіндерінің ұлғаюы;
4) бүкіл аяқ-қолға таралған инъекция орнының ісінуі;
5) аллергиялық реакцияларды (Квинке ісігі, есекжем), инъекция орнының қышуы;
6) анафилактикалық шок;
7) коллапс (гипотензивті-гиподинамикалық синдром);
8) денедегі бөртпе;
9) артралгия;
10) жүрек бұлшықетінің, жүректің сыртқы қабығының қабынуы;
11) басқа ерекше реакциялар.
138. Вакцинадан кейінгі кезеңде егілген адамдарды белсенді бақылау процесінде немесе медициналық көмекке жүгінген кезде кез келген ИКҚК-ның даму фактісі анықталған кезде дәрігер (фельдшер) ИКҚК-нің барлық жағдайлары туралы мәліметтерді медициналық құжаттамаға және Модульге енгізеді.
139. Тергеп-тексеруге жататын елеулі ИКҚК дамыған жағдайда жоғарыда көрсетілген құжаттардан басқа мәліметтер инфекциялық ауруларды есепке алу журналына, науқасты емдеуге жатқызу кезінде - жедел жәрдемді шақыру картасына және стационарлық науқастың медициналық картасына енгізіледі.
140. Қазақстан Республикасының Денсаулық сақтау министрлігі Санитариялық-эпидемиологиялық бақылау комитетінің аумақтық бөлімшелері (бұдан әрі - аумақтық бөлімше) хабарламаны жоғары тұрған органға «төменнен жоғарыға» қағидаты бойынша, сондай-ақ Дәрілік заттар мен медициналық бұйымдарды сараптау ұлттық орталығына ұсынады.
141. ИКҚК жағдайларын тіркеу, есепке алу және тергеп-тексеру «Инфекциялық, паразиттік аурулар және (немесе) улану оқиғаларын, иммундаудан кейінгі қолайсыз көріністерді тіркеу және тергеп-тексеру, есепке алу мен есептілігін жүргізу қағидаларын бекіту туралы» Қазақстан Республикасы Денсаулық сақтау министрінің 2020 жылғы 29 қазандағы № ҚР ДСМ-169/2020 бұйрығының талаптарына сәйкес жүргізіледі.
142. Өңірлік деңгейде аумақтық бөлімше денсаулық сақтау басқармасымен бірлесіп санитариялық-эпидемиологиялық бақылау департаментінің өкілдерін тарта отырып, ИКҚК бойынша сараптау комиссиясын құрады. Сараптау комиссиясының құрамына госпитальдық эпидемиолог, терапевт, инфекционист, иммунолог және невропатолог, қажет болған жағдайда басқа бейіндегі мамандар кіреді.
143. ИКҚК-нің барлық жағдайлары вакцинаның нұсқаулығына сәйкес оның дамуының тікелей себебін анықтау мақсатында міндетті түрде тіркелуге және тергеп-тексерілуге жатады.
144. ИКҚК-ге күдіктенудің әрбір жағдайы егілген адамның денсаулық жағдайы туралы, егілгені туралы, препарат, ИКҚК клиникасы, ИКҚК туындаған кезде медициналық көмекті ұйымдастыру туралы мәліметтерді қамтитын ИКҚК жағдайын эпидемиологиялық тергеп-тексеру актісін жасай отырып тергеп-тексеріледі.
145. Тергеп-тексеру нәтижелері бойынша ИКҚК жағдайлары мынадай болып жіктеледі:
1) вакцинациямен байланысты;
2) вакцинациямен байланысты емес;
3) вакцинация техникасының бұзылуымен байланысты;
4) уақыт бойынша вакцинациямен сәйкес келген аурулар;
5) этиологиясы анықталмаған.
146. Егу жүргізетін денсаулық сақтау ұйымдарының басшылары вакцинация техникасының бұзылуы анықталған жағдайда медицина қызметкерін иммундау жүргізуге қатысудан шеттетуге дейін қажетті шаралар қабылдайды.
147. Вакцинацияны жүргізген және егуден кейінгі кезеңде егілген адамды бақылайтын медицина қызметкері анафилактикалық шокты талудан ажыратады, шұғыл медициналық көмек көрсету бойынша білімі мен дағдысы болады.
148. Егу пункттерінің, емханалар мен стационарлардың медицина қызметкерлері:
1) ИКҚК-ға күдік болған кезде пациентке барабар медициналық көмек көрсетеді және қажет болған кезде мамандандырылған көмек көрсету үшін стационарға уақтылы емдеуге жатқызуды қамтамасыз етеді;
2) егуден кейін вакцина енгізу орнында дімкәстік, гиперемия және елеусіз ауырсыну байқалатын әлсіз реакцияның, сондай-ақ өте сирек кездесетін және емделетін және салдарларын қалдырмайтын ықтимал ауыр ИКҚК пайда болу мүмкіндігі туралы түсіндіру бойынша егілетін адамдармен әңгімелесулер жүргізеді;
3) ИКҚК-ға күдік болған кезде 12 сағаттың ішінде аумақтық бөлімшеге шұғыл хабарлама береді.
149. Аумақтық бөлімшенің эпидемиологы:
1) ИКҚК-ның әрбір жағдайын тергеп-тексеруді қамтамасыз етеді;
2) аумақтық бөлімшелер хабарламаны жоғары тұрған органға «төменнен-жоғары» қағидаты бойынша, сондай-ақ дәрілік заттар мен медициналық бұйымдардың айналысы саласындағы мемлекеттік сараптама ұйымына береді.
150. Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті (бұдан әрі - Комитет):
1) алынған мәліметтерді қорытындылайды, Қазақстан Республикасы Денсаулық сақтау министрлігінің, Дүниежүзілік денсаулық сақтау ұйымының Еуропалық өңірлік бюросының басшылығына ИКҚК-ге қатысты жағдай туралы ұлттық деңгейде ақпараттық хабарлама дайындайды;
2) ИКҚК-ны қадағалауды жүзеге асырады, өңірлерден ИКҚК жағдайлары туралы ақпаратты уақтылы және толық алмаған кезде қажетті шаралар қабылдайды.
151. ИКҚК анықталған жағдайда бұқаралық ақпарат құралдарымен (бұдан әрі - БАҚ) жұмыс істеу кезінде өңірдің аумақтық бөлімшелері мен денсаулық сақтау басқармаларының іс-қимылы:
1) БАҚ-пен жұмыс істеу үшін облыс, қала, аудан деңгейінде жауапты және құзыретті адамдар ресми түрде тағайындалады;
2) баспасөз өкілдерінің иммундау мәселелеріне қатысты көтерген барлық сұрақтарына, оның ішінде ИКҚК бойынша жауап беру қажет;
3) нақты жағдайды көрсету қажет, бірақ жағдайды тергеп-тексеру аяқталғанға дейін ерекше реакция немесе асқынулар жағдайы туралы мерзімінен бұрын қорытынды жасамау керек;
4) баспасөз конференциясында таратуға жоспарланған барлық ақпарат баспасөз өкілдеріне арналған баспасөз релизіне енгізілуі тиіс, ол алдын ала дайындалуы және:
- ИКҚК жағдайларының саны туралы толық ақпаратты;
- ИКҚК жағдайларының тіркелуін;
- алдын ала қабылданған немесе қабылдау жоспарланған іс-әрекеттерді (мысалы, жағдайды тергеп-тексеру);
- ИКҚК себептерін (егер олар анықталған болса және күмән тудырмаса);
- ИКҚК-нің осындай жағдайларын болдырмау үшін қабылданған немесе жоспарланған іс-әрекеттерді қамтуы тиіс.
10. Вакцинациялау жүргізу жөніндегі деректерді ҚР ДСМ ХТТ
«Вакцинация» модуліне енгізу
152. Модуль вакцинациялауды жүргізуді, оның жүргізілмегенін, сондай-ақ вакцинацияланатын адамдарда ИКҚК-ге күдік жағдайларын тіркеуге мүмкіндік береді.
ҚР Бас мемлекеттік санитариялық дәрігерінің 2022.25.03. № 17 Қаулысымен 153-тармақ жаңа редакцияда (бұр.ред.қара)
153. Авторизация кезінде Модульде 7 рөл бар: дәрігер, егу мейіргері, фармаколог, ДСБ қызметкері, әкімші, фельдшер, қонақ.
ҚР Бас мемлекеттік санитариялық дәрігерінің 2022.25.03. № 17 Қаулысымен 154-тармақ жаңа редакцияда (бұр.ред.қара)
154. Авторизациядан кейін Модульде медицина қызметкеріне (дәрігер және фельдшер рөлдері) мынадай қосымша беттерге қолжетімді: дәрігердің кестесі, пациент туралы жалпы ақпарат, тарату.
155. ЖСН бойынша іздеу кезінде «Пациент туралы жалпы ақпарат» қосымша бетінде пациент туралы жалпы ақпарат көрсетіледі: тіркеу, учаскелік дәрігердің Т.А.Ә., диспансерлік есепке алу (ДНЭТ), жазып берілген тегін рецепттер (ТМККК және АНҚ шеңберінде), жоспарлы емдеуге жатқызу (БГ), үзінді көшірмелер (СНЭТ), 034/е нысаны бойынша хабарламалар, күн бойынша ауруханаға жатқызу туралы шұғыл хабарлама (тізіммен көрсету, БГ-ден ақпарат).
156. «Дәрігер кестесі» қосымша бетінде жоспарланған жоспарланған бару туралы ақпаратты (күні, уақыты, пациенттің Т.А.Ә. және ЖСН) көрсете отырып, вакцинацияланған адамдардың жазбалары бойынша ақпарат көрсетіледі.
ҚР Бас мемлекеттік санитариялық дәрігерінің 2022.25.03. № 17 Қаулысымен 157-тармақ жаңа редакцияда (бұр.ред.қара)
157. Вакцинация жүргізу жоспарын медицина қызметкері вакцинация жоспарының атауын, вакцинация түрін таңдау және процедураның уақыты мен күнін көрсете отырып күнтізбені ашу арқылы жасайды.
158. «Ем-шараға келісу» кезінде және пациентте қарсы көрсетілімдер болмаған жағдайда медицина қызметкері тиісті нысанды толтыра отырып және «Пациент карточкасы» терезесінде енгізілген ақпаратты сақтай отырып, вакцинация жүргізу процесін жүзеге асырады.
159. Қарсы көрсетілімдер бар болған немесе КВИ-ге қарсы вакцинациядан бас тартқан кезде вакцинацияны жүргізбеу себептері көрсетіледі.
160. Вакцинациядан кейін ИКҚК-ге күдік анықталған кезде «Күтілетін реакция / ИКҚК» қосымша бетінде мынадай жолдар толтырылады: реакцияның тіркелген күні мен уақыты, күтілетін реакция/ИКҚК, сипмтопдар және ИКҚК жағдайы туралы қосымша ақпарат.
161. Тексеруге жататын елеулі ИКҚК дамыған жағдайда медицина қызметкері «Пациент карточкасы» терезесінде «Шұғыл хабарлама» нысанын жасайды.
162. Енгізілген деректер негізінде медицина қызметкері болашақта пациенттің карточкасында көрсетілетін 034/е нысанын жасау және бекіту мүмкіндігіне ие болады.
163. «Бөлу» деген қосымша бетке «Электрондық үкімет» порталынан және Модульден вакцинациялаудың бірінші кезеңін өткізуге өтінімдер келіп түседі, онда дәрігерде келіп түскен өтінімдер тізімі бойынша вакцинациялауды жоспарлауды бөлуге арналған функционал бар.
164. КВИ-ге қарсы вакцинациялауды дәрігердің консультациясы мен мақұлдауынан және пациенттің келісімінен кейін дәрігер пациентті КВИ-ге қарсы вакцинациялауды жүргізу үшін егу кабинетіне жібереді. Мейіргердің кіруі бірыңғай авторизация нүктесі арқылы да жүзеге асырылады, авторизациядан кейін вакцинацияланатын адамдардың тізімі бойынша қосымша бет ашылады, онда: дәрігердің ТАӘ, пациенттің Т.А.Ә/ЖСН, вакцинаның атауы, кезеңі, вакцинациялауды жүргізу орны, мәртебесі көрсетіледі.
165. Модульде авторизациядан кейін фармаколог үшін «Вакциналар анықтамалығы» қосымша бетіне вакцинация жоспары, вакцинаның атауы, нөмірі, сериясы және партия мәртебесі туралы деректерді толтыру үшін қолжетімді болады.
ҚР Бас мемлекеттік санитариялық дәрігерінің 2022.24.01. № 6 Қаулысымен 166-тармақ өзгертілді (бұр.ред.қара); ҚР Бас мемлекеттік санитариялық дәрігерінің 2022.25.03. № 17 Қаулысымен 166-тармақ жаңа редакцияда (бұр.ред.қара)
166. КВИ-ға қарсы вакцинация жүргізуге тартылған медициналық ұйымдар:
1) Модульге растайтын құжаттарды ұсынған жағдайда шетелде КВИ-ға қарсы екпе алған, КВИ-ды жұқтыру қаупі жоғары Қазақстан Республикасының азаматтары мен Қазақстан аумағында 3 және одан көп ай тұратын шетел азаматтарын КВИ-ға қарсы вакцинациялау және ревакцинациялау туралы мәліметтерді енгізеді;
2) Модульге Қазақстан Республикасы Білім және ғылым министрлігінің (бұдан әрі – ҚР БҒМ) растайтын ақпаратын ұсынған жағдайда клиникалық зерттеулер шеңберінде «QazCovid-in» («QazVac») вакцинасымен КВИ-ға қарсы екпе алған Қазақстан Республикасының азаматтары КВИ-ға қарсы вакцинациялау туралы мәліметтерді енгізеді;
3) Модульге ҚР БҒМ-ның растайтын ақпаратын ұсынған жағдайда «QazCovid-in» («QazVac») вакцинасымен КВИ-ға қарсы екпе алған Қазақстан Республикасы Білім және ғылым министрлігі Ғылым комитетінің Биологиялық қауіпсіздік проблемаларының ғылыми-зерттеу институты қызметкерлерін КВИ-ға қарсы вакцинациялау туралы мәліметтерді енгізеді.
4) Модульге жеке басын куәландыратын құжаты жоқ (жеке сәйкестендіру нөмірінсіз) егілген Қазақстан Республикасының азаматтары жөніндегі деректерді енгізеді;
5) Модульге растайтын құжаттарының негізінде КВИ-ға қарсы вакцинация курсын шетелде бастаған Қазақстан Республикасының азаматтарын және Қазақстан аумағында 3 және одан да астам ай тұратын шетел азаматтарын Қазақстан Республикасында қолданылатын вакциналармен КВИ-ға қарсы вакцинациялау курсын (бастапқы, қайталама) аяқтау бойынша деректерді енгізеді;
6) Модульге шетелде КВИ-ға қарсы ревакцинация алғаны туралы құжаттардың негізінде Қазақстан Республикасының азаматтарына және Қазақстан аумағында 3 және одан көп ай тұратын шетел азаматтарына Қазақстан Республикасында КВИ-ға қарсы жүргізілген ревакцинация туралы деректерді енгізеді.
167. Облыстардың, Нұр-Сұлтан, Алматы және Шымкент қалаларының денсаулық сақтау басқармаларының жауапты тұлғалары күн сайын Модульге КВИ-ге қарсы вакциналардың қозғалысы бойынша деректерді енгізеді.
ҚР Бас мемлекеттік санитариялық дәрігерінің 2022.25.03. № 17 Қаулысымен 168-тармақ өзгертілді (бұр.ред.қара)
168. КВИ-ге қарсы вакцинациялауды жүргізу нәтижелері бойынша Қазақстан Республикасының азаматтарында және тұруға ықтиярхаты бар шетел азаматтарында осы Алгоритмге 5-қосымшаға сәйкес нысан бойынша «eGov mobile» мобильдік қосымшасының «Цифрлық құжаттар» сервисінде электрондық «Вакцинация паспорты» қалыптастырылады.
Қазақстан Республикасының азаматтары мен шетел азаматтарына КВИ-ға қарсы вакцинация жүргізу нәтижелері бойынша осы Алгоритмге 2-қосымшаға сәйкес нысан бойынша Модульде «Вакцинациядан өткені туралы анықтама» қалыптастырылады.
ҚР Бас мемлекеттік санитариялық дәрігерінің 2022.24.01. № 6 Қаулысымен 11-тараумен толықтырылды
11. «Спутник Лайт» вакцинасын қолдана отырып КВИ-ге қарсы вакцинация жүргізу
169. «Спутник Лайт» вакцинасы – SARS-CoV-2 вирусы тудыратын КВИ-дің профилактикасына арналған векторлық вакцина.
170. Вакцина КВИ-ға қарсы ревакцинациялау үшін қолданылады.
171. Вакцина тек бұлшықет ішіне енгізуге ғана арналған. Препаратты вена ішіне енгізуге қатаң тыйым салынады.
172. Вакцинаны дельта тәрізді бұлшықетке (иықтың сыртқы бетінің жоғарғы үштен бір бөлігі) енгізу ұсынылады. Дельта тәрізді бұлшықетке енгізу мүмкін болмағанда препаратты санның латеральді ауқымды бұлшықетіне енгізеді.
173. Вакцинаны сақтау, тасымалдау және қолдану «SARS-CoV-2 вирусы тудыратын коронавирустық инфекцияның алдын алу үшін Спутник Лайт векторлық вакцинаны медициналық қолдану бойынша нұсқаулығын бекіту туралы» Қазақстан Республикасы Денсаулық сақтау министрлігінің Медициналық және фармацевтикалық бақылау комитеті төрағасының 2021 жылғы 23 шілдедегі 332-НҚ бұйрығымен бекітілген Дәрілік препаратты медициналық қолдану жөніндегі нұсқаулыққа (бұдан әрі – Нұсқаулық) сәйкес жүзеге асырылады.
174. Вакцинаны шығару нысаны нұсқаулықта келтірілген.
175. Вакцинациялауға қарсы көрсетілімдер:
- вакцинаның қандай да бір компонентіне немесе құрамында соған ұқсас компоненттер бар вакцинаға аса жоғары сезімталдық;
- анамнездегі ауыр аллергиялық реакциялар (Квинке ісігі немесе анафилактикалық шок);
- жүктілік және емізу кезеңі;
- 18 жасқа дейінгі жас (тиімділік және қауіпсіздік туралы деректердің болмауына байланысты).
- бауыр мен бүйректің созылмалы аурулары;
- эндокриндік аурулар (қалқанша без функциясының айқын бұзылуында және декомпенсация сатысындағы қант диабетінде);
- қан түзу жүйесінің ауыр аурулары;
- эпилепсия және ОЖЖ басқа да аурулары, жіті коронарлық синдром және ми қан айналымының жіті бұзылуы, миокардит, эндокардит, перикардит;
- аутоиммунды аурулар (иммундық жүйені стимуляциялау аурудың асқынуына әкелуі мүмкін, әсіресе ауыр және өмірге қауіпті жағдайлардың дамуына бейім аутоиммунды патологиясы бар пациенттерге сақтықпен қарау керек);
- қатерлі ісіктер кезінде сақтықпен қолдану керек.
177. Иммундық-супрессиялық ем қабылдап жүрген пациенттерде және иммун тапшылығы бар пациенттерде жеткілікті иммундық жауап дамымауы мүмкін. Сондықтан иммундық жүйе функциясын бәсеңдететін препараттарды иммуногенділіктің төмендеу қаупіне байланысты вакцинацияға дейін және одан кейін кемінде 1 ай бойы қабылдауға болмайды. Иммундық-супрессиялық емді тоқтату мүмкіндігі туралы шешімді емдеуші дәрігер ғана қабылдай алады!
178. Клиникалық зерттеулер, сондай-ақ соған ұқсас технологиялық платформа негізінде басқа да вакциналарға жүргізілген зерттеулер шеңберінде анықталған вакцинаны қолданумен сипатталатын жағымсыз құбылыстардың көбіне айқындылығы жеңіл немесе орташа дәрежеде болады, вакцинациядан кейін бірінші-екінші тәулікте дамуы мүмкін және кейінгі 3 күн ішінде басылады.
179. Жиі және өте жиі қысқа мерзімдік жалпы (қалтыраумен, дене температурасының жоғарылауымен, артралгиямен, миалгиямен, астениямен, жалпы дімкәстікпен, бас ауырумен сипатталатын, ұзаққа созылмайтын тұмау тәрізді синдром) және жергілікті (инъекция жасалған жердің ауыруы, гиперемия, ісіну) реакциялар дамуы мүмкін. Вакцинациядан кейін температура жоғарылаған кезде қабынуға қарсы стероидты емес дәрілерді (ҚҚСД) және жергілікті реакция айқын болғанда антигистаминді дәрілерді тағайындау ұсынылады.
180. Төменде келтірілген жағымсыз құбылыстар организмнің жүйелері бойынша және кездесу жиілігіне сәйкес санамаланған. Кездесу жиілігі былай анықталады: өте жиі (≥1/10), жиі (≥1/100 және /10), жиі емес (≥1/1000 және <1/100), сирек (≥1/10000 және <1/1000), өте сирек (<1/10000, жекелеген жағдайларды қоса алғанда). Жиілік санаттары препаратты клиникалық зерттеулер негізінде қалыптастырылған.
Жиі жүректің айнуы, диспепсия, тәбеттің төмендеуі, өте сирек аймақтық лимфа түйіндерінің ұлғаюы байқалады. Кейбір пациенттерде аллергиялық реакциялардың дамуы, қан сарысуында бауыр трансаминазалары, креатинин және креатинфосфокиназа деңгейлерінің қысқа мерзімдік жоғарылауы мүмкін.
181. «Спутник-Лайт» препаратының қауіпсіздігіне, адамның көтере алуына және иммуногенділігіне жүргізілген клиникалық зерттеулер шеңберінде вакцинациядан кейін мынадай жағымсыз құбылыстар тіркелді:
1) өте жиі және жиі – жалпы бұзылыстар және енгізген жердегі реакциялар (гипертермия, вакцинация жасаған жердің ауыруы, ісінуі, қышуы, астения, ауыру, дімкәстік, пирексия, вакцинация жасалған жерде тері температурасының жоғарылауы, тәбеттің төмендеуі);
2) жиі – тыныс алу жүйесі, кеуде қуысы ағзалары және көкірек қуысы тарапынан бұзылулар (ауыз-жұтқыншақтың ауыруы, мұрынның бітелуі, тамақтың жыбырлауы, ринорея), жүйке жүйесі тарапынан бұзылулар (бас ауыруы, астения), асқазан-ішек бұзылулары (жүрек айнуы, құсу, диспепсия);
3) сирек – бас айналуы, естен тану.
Қазақстан Республикасында халықты
коронавирус инфекциясына қарсы
профилактикалық егулерді ұйымдастыру
және жүргізу алгоритміне
1-қосымша
Коронавирус инфекциясына қарсы вакцинацияның толық курсын
қайта өткізуге ерікті түрде хабардар етілген келісім
Мен, төменде қол қоюшы