Ұлттық пошта операторы үшін пруденциялық нормативтерді белгілеу туралы
Қазақстан Республикасы Ұлттық Банкі Басқармасының 2016 жылғы 26 желтоқсандағы № 307 Қаулысы
(2026.14.08. берілген өзгерістер мен толықтырулармен)
ҚР Ұлттық Банкі Басқармасының 2019.28.11. № 214 Қаулысымен тақырыбы жаңа редакцияда (2020 ж. 1 қаңтардан бастап қолданысқа енгізілді) (бұр.ред.қара)
ҚР Қаржы нарығын реттеу және дамыту агенттігі Басқармасының 2026.28.07. № 112 Қаулысымен кіріспе жаңа редакцияда (2026 ж. 14 тамыздан бастап қолданысқа енгізілді) (бұр.ред.қара)
«Қаржы нарығы мен қаржы ұйымдарын мемлекеттік реттеу, бақылау және қадағалау туралы» Қазақстан Республикасы Заңының 9-бабы 1-тармағының 5) тармақшасына және «Пошта туралы» Қазақстан Республикасы Заңының 23-бабының 3-тармағына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:
ҚР Ұлттық Банкі Басқармасының 2019.28.11. № 214 Қаулысымен (2020 ж. 1 қаңтардан бастап қолданысқа енгізілді) (бұр.ред.қара); ҚР Қаржы нарығын реттеу және дамыту агенттігі Басқармасының 2023.05.05. № 22 Қаулысымен (2023 ж. 30 мамырдан бастап қолданысқа енгізілді) (бұр.ред.қара) 1-тармақ жаңа редакцияда; ҚР Қаржы нарығын реттеу және дамыту агенттігі Басқармасының 2026.28.07. № 112 Қаулысымен 1-тармақ өзгертілді (2026 ж. 14 тамыздан бастап қолданысқа енгізілді) (бұр.ред.қара)
1. Ұлттық пошта операторы үшін мынадай пруденциялық нормативтер белгіленсін:
1) меншікті қаражат жеткіліктілігінің коэффициенті, оның мәні есепті айдың соңында кемінде 0,12 құрайды.
Меншікті қаражат жеткіліктілігінің коэффициенті Ұлттық пошта операторының меншікті капиталының оның кредиттік тәуекел дәрежесі бойынша сараланатын активтерінің сомасына қатынасы ретінде есептеледі.
Кредиттік тәуекел дәрежесі бойынша сараланатын активтерді есептеу осы қаулыға 1-1-қосымшаға сәйкес Салымдардың кредиттiк тәуекел дәрежесi бойынша сараланған Ұлттық пошта операторы активтерiнің кестесiне сәйкес жүргізіледі;
2) өтімділік коэффициенті, оның мәні есепті айдың соңында кемінде 0,30 құрайды.