«Кәсіптік стандарттарды әзірлеу және (немесе) жаңарту қағидаларын бекіту туралы» Қазақстан Республикасы Еңбек және халықты әлеуметтік қорғау министрінің 2023 жылғы 7 қыркүйектегі № 377 бұйрығына өзгерістер мен толықтыру енгізу туралы» Қазақстан Республикасы Еңбек және халықты әлеуметтік қорғау министрінің 2026 жылғы 2 қазандағы № 388 бұйрығы

«Кәсіптік стандарттарды әзірлеу және (немесе) жаңарту қағидаларын бекіту туралы» Қазақстан Республикасы Еңбек және халықты әлеуметтік қорғау министрінің 2023 жылғы 7 қыркүйектегі № 377 бұйрығына өзгерістер мен толықтыру енгізу туралы

Қазақстан Республикасы Еңбек және халықты әлеуметтік қорғау министрінің 2026 жылғы 2 қазандағы № 388 бұйрығы

БҰЙЫРАМЫН:

1. «Кәсіптік стандарттарды әзірлеу және (немесе) жаңарту қағидаларын бекіту туралы» Қазақстан Республикасы Еңбек және халықты әлеуметтік қорғау министрінің 2023 жылғы 7 қыркүйектегі № 377 бұйрығына (Нормативтік құқықтық актілерді мемлекеттік тіркеу тізілімінде № 33401 болып тіркелген) мынадай өзгерістер мен толықтыру енгізілсін:

көрсетілген бұйрықпен бекітілген Кәсіптік стандарттарды әзірлеу және (немесе) жаңарту қағидаларында:

2-тармақта:

14) тармақша мынадай редакцияда жазылсын:

«14) формалды емес білім беру - оқыту орны, мерзімдері мен нысаны ескерілмей, білім беру қызметтерін ұсынатын ұйымдар жоспарлаған, ұйымдастырған және жүзеге асыратын және оқыту нәтижелерін растаушы құжат беріле отырып жүргізілетін білім беру түрі;»;

мынадай мазмұндағы 15) тармақшамен толықтырылсын:

«15) цифрлық дағдылар банкі (бұдан әрі - ЦДБ) - ҰБЖ цифрлық платформасының кәсіптік қызметте пайдаланылатын дағдылар туралы жүйелендірілген мәліметтерді қамтитын бөлімі.»;

4 және 5-тармақтар мынадай редакцияда жазылсын:

«4. Кәсіптік стандарт осы Қағидаларға 1-қосымшаға сәйкес кәсіптік стандарттың құрылымы бойынша ҰБЖ цифрлық платформасында кәсіптік қызмет түріне әзірленеді және кәсіптердің карточкаларынан (карточкасынан) тұрады.

Кәсіптік стандартты әзірлеу кезінде ҰБЖ цифрлық платформасының функционалын пайдалануға жол беріледі.

Кәсіптік қызмет түрі Экономикалық қызмет түрлерінің жалпы жіктеуіші (бұдан әрі - ЭҚЖЖ) бойынша бесінші белгіге (кіші класқа) сәйкес айқындалады.

Кәсіптік стандарттың карточкаларындағы (карточкасындағы) кәсіптердің атауларына ҰКС-дан алынған қызметтер атауларына сәйкес келеді.