Кен орындарының қорлары мен болжамды ресурстарды сыныптау әдістемесін, пайдалы қазбалардың, оның ішінде дәстүрлі емес көмірсутектерге жатқызылатын қорларын есептеу жөніндегі нұсқаулықтарды бекіту туралы
Қазақстан Республикасы Индустрия және инфрақұрылымдық даму министрінің м.а. 2023 жылғы 2 ақпандағы № 71 бұйрығы
«Жер қойнауы және жер қойнауын пайдалану туралы» Қазақстан Республикасының Кодексінің 64-бабының 16-1) тармағына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес Кен орындарының қорларын және болжамды ресурстарды жіктеу әдістемесі;
2) осы бұйрыққа 2-қосымшаға сәйкес Қатты пайдалы қазбалар қорларын есептеу жөніндегі нұсқаулық;
3) осы бұйрыққа 3-қосымшаға сәйкес Жер асты суларының пайдалану қорларын есептеу жөніндегі нұсқаулық;
4) осы бұйрыққа 4-қосымшаға сәйкес Пайдалы қазбалардың қорларын, оның ішінде дәстүрлі емес көмірсутектерге қатыстыларын есептеу жөніндегі нұсқаулық бекітілсін.
2. Мыналардың:
1) «Мұнай және табиғи көмірсутек газы кен орындарының қорларын, перспективалық және болжамдық ресурстарын сыныптау жөніндегі нұсқаулықты бекіту туралы» Қазақстан Республикасы Энергетика және минералдық ресурстар министрлігінің 2005 жылғы 27 қазандағы № 283 бұйрығының (Нормативтік құқықтық актілерді мемлекеттік тіркеу тізілімінде № 3945 болып тіркелген);
2) «Мұнай мен табиғи көмірсутек газы кенорындарының қорларын, перспективалық және болжамдық ресурстарын сыныптау жөніндегі нұсқаулықты бекіту туралы» Қазақстан Республикасы Энергетика және минералдық ресурстар министрі міндетін атқарушының 2005 жылғы 27 қазандағы № 283 бұйрығына толықтырулар енгізу туралы» Қазақстан Республикасы Энергетика және минералдық ресурстар министрі міндетін атқарушының 2009 жылғы 30 қазандағы № 299 бұйрығының (Нормативтік құқықтық актілерді мемлекеттік тіркеу тізілімінде № 5865 болып тіркелген) күштері жойылды деп танылсын.