27. Уақытша болу ұйымдарына жаңадан келіп түскендер үшін (белгілі бір тұрғылықты жері жоқ адамдар, тұрмыстық зорлық-зомбылық және адам саудасының құрбандары үшін) 14 күнге дейін болатын және жай-күйін сұрау жүргізу мен термометрия арқылы күніне кемінде 3 рет қағаз немесе электрондық жеткізгіште тіркеліп, жеке палата (немесе изолятор) бөлінеді.
Бас мемлекеттік санитариялық
дәрігері орынбасарының
2021 жылғы 7 қазандағы
№ 35-Қ қаулысына
26-қосымша
Қазақстан Республикасы Қорғаныс министрлігінің, Қазақстан Республикасы Ішкі істер министрлігінің,
Ұлттық қауіпсіздік комитетінің (оның ішінде ҰҚК Шекара қызметі) және
Қазақстан Республикасы Мемлекеттік күзет қызметінің жеке құрамы (оның ішінде азаматтық персонал) арасында
COVID-19 таралу тәуекелін азайту жөніндегі алгоритмдер
Мақсаты: Қазақстан Республикасы Қорғаныс министрлігінің, Қазақстан Республикасы Ішкі істер министрлігінің, Ұлттық қауіпсіздік комитетінің (оның ішінде Шекара қызметі) және Қазақстан Республикасы Мемлекеттік күзет қызметінің жеке құрамы (оның ішінде азаматтық персонал) (бұдан әрі - қарулы күштер құрылымы) арасында қозғалысты қысқарту және COVID-19 таралу қаупін азайту бойынша өзара іс-қимыл жасау жолымен COVID-19 жұқтыру қаупін төмендету.
1. Ұйымдастыру іс-шаралары:
1) ведомстволық объектілерге бөтен адамдардың келмеуі үшін бақылау-өткізу пунктін (бұдан әрі - БӨП) жабу;
2) демалыс және мереке күндерін қоса алғанда, жеке құрамның объектілерге, оның ішінде қызметтерді көрсету саласында (монша - кір жуу қызметін көрсету, шаштараз, азық-түлік дүкендері, буфеттер және т.б.) тартылған объектілерге байланыссыз электрондық рұқсатнамаларға қол жеткізуі;
3) тұратын мекенжайын, байланыс телефондарын, барлық отбасы мүшелерінің Т.А.Ә., отбасы мүшелерінің жұмыс орындарын көрсете отырып, жұмыс істейтін жеке құрамның тізімін құру;
4) эпидемияға қарсы, дезинфекциялық іс-шараларды көздей отырып, коронавирустық инфекцияға ден қою жөніндегі қолданыстағы жедел жоспарды жетілдіру;
5) қарулы күштер құрылымдары объектілеріне COVID-19 әкелінуінің және одан әрі таралуының алдын алу мақсатында эпидемияға қарсы және профилактикалық іс-шараларға тартылған барлық жауапты адамдарды таныстыру арқылы хабарлау схемасын жаңарту;
6) іс-шаралар өткізілгенге дейін кемінде 14 күн бұрын алдын ала карантинді ұйымдастыруды және іс-шараны өткізгенге немесе оған шыққанға дейін 4 күн бұрын COVID-19-ға бір рет зертханалық тексеруді қамтамасыз ете отырып, жеке құрамның тартылған адамдарының тізімімен кейінге қалдыруға болмайтын іс-шаралар (оның ішінде халықаралық және елдік іс-шаралар) тізімін құру;
7) жеке құрам үшін қашықтықтан кеңестер өткізу;
8) азаматтық персонал адамдарын, сондай-ақ отбасы мүшелері COVID-19 жұқтыру қаупімен байланысты іс-шараларды орындауға тартылған (ДСМ, ІІМ және т.б. желісі бойынша) және шетелден келгендермен байланыс жасаған жеке құрамды қашықтықтан жұмыс істеуге ауыстыру;
9) жеке құрам мен азаматтық персоналда COVID-19 белгілері мен симптомдары пайда болған кезде қашықтықтан консультация беруді ұйымдастыру және оқшаулау, емдеуге жатқызу және аумақтардағы инфекциялық стационарларға тасымалдау мәселелерін шешу үшін олардың ТАӘ, лауазымын, жұмыс орнын және байланыстарын көрсете отырып, аумақтық органдардың: денсаулық сақтау басқармаларының және Санитариялық-эпидемиологиялық бақылау комитетінің, жоғары оқу орындарының инфекциялық аурулар кафедраларының медицина қызметкерлері арасынан консультанттардың тізімін құру (келісім бойынша);
10) қарулы күштер құрылымдары мен олардың бөлімшелерінің медицина қызметінің аумақтық денсаулық сақтау басқармаларымен (бұдан әрі - ДСБ) және Санитариялық-эпидемиологиялық бақылау комитетінің департаменттерімен қашықтықтан консультация жүргізуді ұйымдастыру және жүргізу, қарулы күштер құрылымдарының жеке құрамы арасында ауруды әкелуге және таратуға жол бермеу бойынша, оның ішінде COVID-19-дың күдікті және/немесе ықтимал жағдайлары туралы хабарламаны ұсыну бойынша эпидемияға қарсы іс-шараларды ұйымдастыру және жүргізу шеңберінде өзара іс-қимыл тәртібін өзектендіру;
11) бөлімшелер арасында бөлімшелер үстелдерінің арасында 2 метрден кем емес қашықтықта оқшаулауды сақтай отырып, жеке құрам мен азаматтық персоналды тамақтандыруды ұйымдастыру бойынша жоспар мен кестені әзірлеу және олардың сақталуын бақылау;
12) бос уақытты өткізу үй-жайларында - казармаларда, монша - кір жуу қызмет көрсету орындарында және басқа да жаппай пайдаланылатын орындарда жеке құрамның болуын ұйымдастыру жөніндегі кестелерді құру;
13) жаппай болатын және тыныс-тіршілікті қамтамасыз ету объектілерінде (казармалар, оқу сыныптары, қызметтік үй-жайлар, асхана, монша - кір жуатын қызмет көрсету, шаштараз және т.б.) күшейтілген санитариялық-дезинфекциялық режимді қамтамасыз ету (қол жууға арналған жағдайлар, беттерді күніне кемінде екі рет өңдеу, дезинфекциялау құралдарын қолдана отырып ылғалды жинау, желдету);
14) БӨП-те сұрау және температураны қашықтықтан өлшеуге арналған құралдармен термометрия арқылы жіті респираторлық инфекциялар (оның ішінде COVID-19) белгілері бар науқастарды уақтылы анықтау үшін БӨП-те медициналық бекеттерді ашу;
15) COVID-19 белгілері болған жағдайда, одан әрі оқшаулау және жұқпалы аурулар стационарларына тасымалдау үшін аумақтық медициналық ұйымдарды және Санитариялық-эпидемиологиялық бақылау комитетінің департаменттерінің аумақтық басқармаларын 2 сағат ішінде уақтылы хабардар ету;
16) түпкілікті диагноз қойғанға, оларды жұқпалы аурулар стационарына оқшаулау мәселесін шешкенге дейін байланыста болған адамдардың уақытша болуы үшін қосымша үй-жайлар (жинақтауыш) ұйымдастыру;
17) объектілердегі барлық үй-жайларды жиі желдетуді қамтамасыз ету;
18) жеке құрам мен азаматтық персонал болмаған жағдайда дезинфекциялау құралдарын қолдана отырып (үй-жайлардағы есік тұтқаларын, сүйеніштерді, басқа да беттерін міндетті түрде сүрту) үй-жайларда күніне кемінде 2 рет ылғалды жинау;
19) іс-шаралардың барлық түрлеріне, оның ішінде әскери, спорттық, ойын-сауық іс-шараларына тыйым салу;
20) ведомстволық қызметтердің медицина қызметкерлерінің жеке құрамға COVID-19 алдын алу мәселелері бойынша семинарлар мен нұсқамалар өткізуі;
21) іс-әрекеттері COVID-19-ға күдікті науқастарды тексерумен, тасымалдаумен, ошақтағы жұмыспен, емдеуге жатқызумен байланысты медицина қызметкерлері мен персоналдың жоғары дәрежелі қорғаныш маскаларын немесе респираторларды пайдалануын қамтамасыз ету;
22) қылмыстық-атқару жүйесінде, сондай-ақ гаупвахталарда:камераларда тамақтандыруды ұйымдастыруды, шектеу іс-шаралары мен карантин кезінде туыстарымен кездесулерді болдырмау, серуендеуді шағын топпен кесте бойынша ұйымдастыру.
2. Азаматтық персоналдың жұмысын ұйымдастыру мәселелерін шешу:
1) үйден, әсіресе 55 жастан асқан адамдарға қашықтықтан қол жеткізу арқылы;
2) «жылжымалы кестені» ұйымдастыру арқылы.
3. Жеке құрамға және азаматтық персоналға:
1) жеке құрамның қарулы күш құрылымдарының объектілері (корпустары, қабаттары, оқу бөлмелері, кабинеттер және басқа да үй-жайлар) арасында жүріп-тұруын болдырмау;
2) қауіпсіз әлеуметтік қашықтықтың күшейтілген шараларын сақтау;
3) қол алысуды болдырмау;
4) мерзімді қызмет әскери қызметшілеріне, курсанттар мен кадеттерге демалыс беруді болдырмау;
5) жеке және қоғамдық гигиена шараларын сақтау.
4. Қорғанысмині, ІІМ, ҰҚК және МКҚ құрылымдық бөлімшелерінің халықтың санитариялық-эпидемиологиялық саламаттылығы саласындағы қызметті жүзеге асыратын медицина қызметкері:
4.1. Ведомстволардың медициналық ұйымдарында жеке құрам арасында COVID-19 анықталған кезде эпидемияға қарсы іс-шараларды ұйымдастыру және жүргізу
1) медициналық ұйымдардың «сүзгісінде» ЖРВИ және COVID-19 (катаральды көріністер, температура, жөтел) белгілері бар барлық адамдарды қабылдауды ұйымдастыру;
2) жабық үй-жайларда COVID-19-ға күдікті және ықтимал науқас анықталған кезде сұрау, тексеру кезінде медицина қызметкерінің барынша аз қатысуын қамтамасыз ету;
3) COVID-19-ға күдікті немесе ықтимал жағдайда пациентке бір рет қолданылатын медициналық маска ұсыну; ЖҚҚ бар, жеке профилактика құралдары бар жинақты сұратады; пациенттерді медициналық маскада, бас киімде, қолғаптарда және бір рет қолданылатын халатта қабылдау;
4) медициналық ұйымдардың басшыларын, госпитальдық эпидемиологты (штаттық эпидемиолог болмаған жағдайда - аумақтық ДСБ-ның эпидемиологы) «хабарлау схемасына» сәйкес - үй-жайдан шықпай хабардар ету;
5) COVID-19-ға күдікті науқасты оқшаулағаннан кейін үй-жайда қорытынды дезинфекция жүргізу;
6) жақын және ықтимал байланыста болған адамдарды саралап, байланыста болған адамдар тізімін құру;
7) оқшаулау жағдайлары болған кезде жақын байланыста болған адамдарды үйде оқшаулауды қамтамасыз етеді. Жағдай болмаған кезде жеке құрам арасынан жақын байланыстар үшін - жергілікті атқарушы органдар айқындаған үй-жайларда (әскери-медициналық бөлімшелерде);
8) медициналық ұйымдардың үй-жайларында санитариялық-дезинфекциялық режимнің жүргізілуін және сақталуын (желдету, ауысымда кемінде үш рет ылғалды жинау, дезинфекциялау) бақылау.
4.2. Үйде жеке құрам арасында COVID-19 анықталған кезде эпидемияға қарсы іс-шараларды ұйымдастыру және жүргізу
1) жеке құрамның үйдегі күдікті немесе ықтимал жағдайының тіркелгені туралы «хабарлау схемасына» сәйкес хабарлау;
2) осы қаулыға 35-қосымшаға сәйкес жақын байланыста болған адамдарды зертханалық тексеруді қамтамасыз ете отырып, стационарлық және үй жағдайында карантинді ұйымдастыру үшін жақын және ықтимал байланыста болған адамдарды анықтау.
Бас мемлекеттік санитариялық
дәрігері орынбасарының
2021 жылғы 7 қазандағы
№ 35-Қ қаулысына
27-қосымша
Шектеу іс-шараларын, оның ішінде карантинді енгізу кезеңінде өнеркәсіптік және индустриялық
кәсіпорындарға құрылыс компанияларына (құрылыс салушыларға)
қойылатын талаптар
1. Объекті әкімшілігі infokazakhstan.kz сайтында міндетті түрде жұмыс жағдайларымен танысады және тиісті келісімге қол қояды.
2. Өнеркәсіптік және индустриялық кәсіпорындар, құрылыс компаниялары (құрылыс салушылар) технологиялық процеске сәйкес өндірістің үздіксіз жұмыс істеуін қамтамасыз ететін жұмыс кестесіне сәйкес жұмыс істейді.
3. Жұмыскерлерді кәсіпорынға және кәсіпорыннан жеткізу жеке, қызметтік немесе қоғамдық көлікпен маскалық режимді сақтай отырып және отыратын орыннан артық емес орын толтырумен жүзеге асырылады;
4. Көлік құралының жүргізушісі қолды өңдеуге арналған антисептикпен және жеке қорғаныш құралдарымен (маскалар мен қолғаптар, көзді қорғау құралдары/бетке арналған маска), оларды талап етілетін жиілікпен міндетті түрде ауыстыра отырып қамтамасыз етіледі.
5. Әрбір рейс алдында автокөлік салонына дезинфекция жүргізіліп, кейіннен желдету жүргізіледі.
6. Қызметкерлердің кіруі және шығуы автобустарда/шағын автобустарда барлық есіктердің бір мезетте ашылуы кезінде жүзеге асырылады.
7. Салонға маска киген жолаушылар отыратын орын санынан аспайтын мөлшерде жіберіледі.
8. Егер қызметкерлер жатақханаларда, оның ішінде ұтқырлықта, құрылыс алаңының немесе өнеркәсіптік кәсіпорынның аумағында тұрса, COVID-19 жұқтырудың алдын алу мақсатында қажетті санитариялық-эпидемиологиялық талаптар мен қауіпсіздік шаралары сақталады.
9. Қолды осы мақсаттарға арналған құралдармен (оның ішінде белгіленген мөлшерлегіштердің көмегімен) немесе дезинфекциялық сулықтармен және осы гигиеналық процедураның сақталуын бақылауды белгілей отырып өңдеу;
10. ЖРВИ және тұмау белгілері бар адамдарды жұмысқа жіберуді болдырмау үшін, ал COVID-19 (құрғақ жөтел, жоғары қызба, тыныс алудың қиындауы, ентігу) белгілері жоқ адамдар үшін оқшаулау және медициналық ұйымды дереу хабардар ету қамтамасыз етіледі.
11. Объектілерде медициналық қызмет көрсету:
1) орта және ірі кәсіпорындарда изоляторы бар медициналық немесе денсаулық сақтау пунктінің міндетті болуы, медициналық көмекке мұқтаж, оның ішінде COVID-19-ды жоққа шығармайтын белгілері бар барлық қызметкерлерді тексеруді қамтамасыз ету үшін медициналық қызметкерлердің тұрақты болуы;
2) медициналық пункттердің (денсаулық пунктінің) және адамдар көп жиналатын орындардың ауасын кварц, бактерицидті шамдарды немесе ауа рециркуляторларын пайдалана отырып зарарсыздандыру қоса берілген нұсқаулыққа сәйкес жүргізіледі. Кварц шамдарын пайдалану ережелерді қатаң сақтаған кезде, адамдар болмаған кезде, үй-жайларды міндетті түрде желдете отырып жүзеге асырылады. Ауа рециркуляторларын адамдардың қатысуымен пайдалануға рұқсат етіледі;
3) медициналық пункттерді қажетті медициналық жабдықтармен және медициналық бұйымдармен (термометрлермен, шпательдермен, медициналық маскалармен және т.б.) қамтамасыз ету.);
4) медициналық пункттің (денсаулық сақтау пунктінің) медицина қызметкерлерін жеке қорғаныш құралдарымен және дезинфекциялау құралдарымен қамтамасыз ету.
14. Жұмыс процесі басталғанға дейін:
1) қызметкерлер арасында жеке/қоғамдық гигиена ережелерін сақтау қажеттілігі туралы нұсқама жүргізу, сондай-ақ олардың мүлтіксіз сақталуын қадағалау;
2) медициналық маскаларды немесе респираторларды жұмыс күні ішінде оларды уақтылы ауыстыру шартымен пайдалану;
3) жұмыс орындарында антисептиктердің, әрбір объектіде дезинфекциялау, жуу және антисептикалық құралдардың азаймайтын қорының болуы;
4) жұмыс күнінің басында жұмыскерлерді байланыссыз термометриямен тексеру;
5) күнделікті жұмысқа шығу мониторингін жүргізу;
6) объектіде байланыссыз жұмысты енгізу үшін технологиялық процестерді автоматтандыруды барынша пайдалану;
7) едендік белгілер мен шектегіштерді салу арқылы тұрақты жұмыс орындары арасындағы кемінде 2 метр (технологиялық процесс мүмкін болған кезде) әлеуметтік қашықтықты сақтау;
8) қызметкерлер көп жиналатын учаскелердің жұмысын болдырмау (мүмкіндігінше жұмыс процесінің технологиясын қайта қарау);
9) тұрмыстық үй-жайларды міндетті түрде есік тұтқаларын, ажыратқыштарды, тұтқаларды, сүйеніштерді, байланыс беттерін (қызметкерлердің үстелдерін, орындықтарын, ұйымдастыру техникасын), жалпы пайдалану орындарын (киім ілетін орын, тамақ ішу, демалу бөлмелері, санитариялық тораптар) дезинфекциялай отырып, вирулицидтік әсер ететін құралдармен дезинфекциялай отырып, ылғалды жинау);
10) желдету жүйелері мен ауа баптау жүйелерінің профилактикалық тексеру, жөндеу жүргізе отырып, үздіксіз жұмыс істеуі, оның ішінде сүзгілерді ауыстыру, ауа өткізгіштерді дезинфекциялау), желдету режимінің сақталуын қамтамасыз ету.
15. Объектілерде тамақтану және демалу:
1) бір мезгілде тамақ ішуді және әр түрлі өндірістік учаскелерден қызметкерлердің жиналуын болдырмайтын қатаң белгіленген орындарда тамақ ішуді ұйымдастыру. Барлық қажетті санитариялық нормаларды қамтамасыз ете отырып, цехтар/учаскелер жанындағы тамақ қабылдау аймақтарына (асханаларға) тамақ жеткізу жоққа шығарылмайды;
2) үстелдер арасындағы 2 метрден кем емес қашықтықты сақтау және бір стандартты үстелде не үстелдерде шахмат тәртібінде 4-тен артық отыратын орынға есептелген 2 жұмысшыдан артық отырғызу;
3) кейіннен жинау және жою арқылы бір рет қолданылатын ыдысты пайдалану;
4) көп рет қолданылатын ыдыстарды пайдалану кезінде - ыдыстарды арнайы жуу машиналарында 65 градустан төмен емес температурада не әр қолданғаннан кейін жуу және дезинфекциялау құралдарын қолдана отырып, сол температурада қолмен өңдеу;
5) асханалар персоналының (сатушылар, аспаздар, даяшылар, кассирлер және тамақ өнімдерімен тікелей байланысы бар басқа да қызметкерлер) маскамен қызмет көрсетуі (маскаларды 2 сағатта кемінде 1 рет ауыстыру);
6) ас блоктары мен сауда объектілерінде, кәсіпорында нұсқамаға, қорғау құралдарын уақтылы ауыстыруға, дезинфекциялау, жуу және антисептикалық құралдардың қажетті қорын жабдықтауға және қадағалауға, нұсқаманы өткізу мерзімділігі, қорғау құралдарын ауыстыру және дезқұралдардың қорын толықтыру бойынша журнал жүргізуге жауапты адамды бекіту;
7) бір мезгілде қызмет көрсетілетін келушілердің саны дистанциялауды сақтай отырып, 5 адамнан аспайды;
8) үй-жайларды дезинфекциялау құралдарын қолдана отырып, жұмыс ауысымы аяқталғаннан кейін (немесе кемінде 6 сағаттан кейін) есік тұтқаларын, тұтқаларды, үстелдерді, орындықтардың арқаларын (креслолардың шынтақшаларын), тамақтану залына (асханаға) кіреберісте қол жууға арналған Раковиналарды, өзіне-өзі қызмет көрсету витриналарын дезинфекциялау сулықтарымен (немесе дезинфекциялау құралдарының ерітінділерімен) сүрту жолымен желдету және ылғалды жинау);
9) күшейтілген дезинфекциялық режимді жүргізу - үстелдерді, орындықтарды сағат сайын арнайы дезинфекциялық құралдармен өңдеу көзделеді.
Бас мемлекеттік санитариялық
дәрігері орынбасарының
2021 жылғы 7 қазандағы
№ 35-Қ қаулысына
28-қосымша
Шектеу іс-шараларын, оның ішінде карантинді енгізу кезеңінде
стоматологиялық клиникалардың қызметіне қойылатын талаптар
1-тарау. Стоматологиялық көмек көрсетуді бастауға стоматолог-дәрігерді,
медициналық және медициналық емес персоналды даярлау
1. Объектінің әкімшілігі Infokazakhstan.kz сайтында сауда жасаушы тұлғалардың жұмыс жағдайларымен міндетті түрде танысады және тиісті келісімге қол қояды
2. Ұйымның бірінші басшысының бұйрығымен COVID-19 бойынша карантин кезінде профилактикалық іс-шаралардың сақталуына жауапты адам анықталады.
3. Клиника қызметкерлерімен COVID-19 кезінде жеке қорғаныс құралдарын қолдану алгоритмі бойынша нұсқаулық өткізіледі.
4. Бақылау журналына тіркей отырып, күн сайын сұрау, дене қызуын тексеру және өлшей отырып, клиника қызметкерлеріне тұрақты медициналық бақылау орнатылады.
5. Жіті респираторлық инфекциялар (қызба, жөтел, мұрынның ағуы) бар персонал жұмысқа кіріспейді.
6. Клиникадан тыс инфекцияға қатысты барынша алдын алу шараларын сақтауға қатысты персоналды мұқият бақылау жүзеге асырылады.
2-тарау. Стоматологиялық көмек көрсеткенге дейін пациенттерді сұрыптау жөніндегі іс-шаралар
7. Респираторлық инфекция және/немесе пневмония белгілері бар науқас ықтимал жұқтырған деп түсіндіріледі, яғни COVID-19 инфекциясының көзі.
8. Қабылдауға алдын ала жазылу тек телефон арқылы жүргізіледі, оның барысында мұқият сауалнама жүргізу қажет. Әр пациентке сауалнама толтырылады, оған пациент клиникаға барған кезде қол қояды. Сауалнама пациенттің медициналық картасына немесе электрондық медициналық картаны жүргізген кезде клиниканың тіркеу бөлімінде сақталады.
9. Тіркеуші/әкімші қабылдауға жазылу кезінде пациентке респираторлық инфекция және / немесе пневмония белгілері болған кезде жедел жәрдемге жүгінетінін және стоматологиялық клиника COVID-19 таралуының алдын алу үшін қабылдауды тоқтатуға құқылы екенін ескертеді.
10. Шұғыл немесе жоспарлы стоматологиялық көмек көрсету үшін пациенттер клиникаға барған кезде контактісіз термометрия және сауалнамаға сәйкес пациенттің жалпы жағдайын бағалау жүргізіледі.
11. Пациентті қабылдауға жазу кезінде пациентті қабылдағанға дейін және одан кейін кабинетті өңдеу уақыты және жеке қорғаныш құралдарын (бұдан әрі - ЖҚҚ) ауыстыру ескеріледі.
12. Пациенттерді күту бөлмелерінде және стоматологиялық кабинетте пациентке, мысалы, 18 жасқа дейінгі кәмелетке толмаған балаларға, ерекше қажеттіліктері бар адамдарға, егде жастағы пациенттерге көмек қажет болған жағдайларды қоспағанда, еріп жүретін адамдардың болуы қажет емес деп ескертеді.
13. Егер стоматологиялық ем қабылдаған пациенттерге ілесіп жүретін адамға рұқсат етілсе, олар пациентті тіркеу кезінде COVID-19 белгілері мен белгілеріне жауап береді және кез келген тыныс белгілері немесе COVID-19 белгілері (қызба, жөтел, ентігу, жұлдыру) болса, клиникаға кірмейді. Осы Ережеге сауалнама еріп жүретін адамға да толтырылады.
14. Науқастың стоматологиялық кабинетке кіруі бахилада және медициналық маскада жүзеге асырылады. Егер науқаста медициналық маска болмаса, оған кірген кезде медициналық маска беріледі, сондай-ақ кірген кезде пациент қолын антисептикпен өңдейді.
15. Респираторлық инфекция және/немесе пневмония белгілері бар пациентке стоматологиялық көмек көрсету кезінде пациенттер мен ұйым қызметкерлері тұрғылықты жері бойынша COVID-19-ға тексеріледі. Респираторлық инфекция және/немесе пневмония белгілері бар науқасты қабылдау тоқтатылады.
3-тарау. Стоматологиялық клиниканы пациенттерді қабылдауға дайындау шаралары
16. Қолда бар ЖҚҚ - медициналық маскаларға, хирургиялық халаттарға, медициналық қолғаптарға, бетке арналған қорғаныш экрандарға, антисептиктер мен дезинфекциялау ерітінділеріне түгендеу жүргізіледі. Есепті қажеттілікке, өңдеу ауданы мен еселігіне, персонал санына және 7-10 күн мерзімге пациенттерді қабылдау кестесіне сүйене отырып, азайтылмайтын қор қамтамасыз етілсін.
17. Келушілер қол тигізе алатын және дезинфекциялау қиын/мүмкін емес журналдар, жарнамалық материалдар, ойыншықтар және басқа да заттар күту аймағынан шығарылады.
18. Холлдағы, стоматологиялық кабинеттегі көрнекті жерде пациенттерге тыныс алу гигиенасы, Жөтел этикеті және әлеуметтік қашықтық бойынша нұсқаулық беру үшін ақпараттық материалдар орналастырылады. Бұл материалдардың беті өңделеді.
19. Стоматологиялық кабинеттерде ЖҚҚ кию, алу, қолды жуу бойынша нұсқаулық үшін ақпараттық материалдарды басып шығару және көрнекті жерге орналастыру.
20. Жұмыс режимі клиниканың ауқымы мен тұжырымдамасына байланысты.
Клиника / кабинет креслолардың санына байланысты жұмысты күту кезінде пациенттердің байланысын және қиылысуын болдырмайтындай етіп ұйымдастырады.
Егер стоматология бөлмесі жеке кіреберістерді ұйымдастыра алмаса және сүзгіні оқшаулай алмаса:
қызметкерлер штатын минимумға дейін қысқарту - клиника «бір пациент - бір дәрігер - бір ассистент» жабық клиникасы қағидаты бойынша жұмыс істейді»;
қабылдау, қабылдаудан кейін кабинетті өңдеу уақытын ескере отырып, пациенттер арасында тиісті аралықтарды жасай отырып, кемінде 20 минут жазу керек, бұл орындалған жұмыс көлемінен анықталады.
Үлкен көлемдегі клиникаларда тіркеу орнында пациенттер арасындағы 2 метр қашықтықты қамтамасыз ету үшін 20-30 минут аралықпен пациенттердің әртүрлі өту ағындары анықталады.
21. Санитариялық-эпидемияға қарсы іс-шараларды жүргізу-үй-жайларды дезинфекциялау құралдарын қолдана отырып, персонал мен келушілерге арналған есік тұтқаларын, тұтқаларды, жабдықтарды, үстелдерді, санитариялық тораптарды дезинфекциялау сулықтарымен (немесе дезинфекциялау құралдарының ерітінділерімен) сүрту жолымен желдету және ылғалды жинау қамтамасыз етіледі.
22. Кіреберістерде, барлық кабинеттер мен үй-жайларда:қолға арналған антисептиктері бар дозаторлар, санитариялық бөлмелер сұйық сабыны бар дозаторлармен, бір рет қолданылатын қағаз сулықтармен, пайдаланылған маскалар мен сулықтарды жинауға арналған педальмен жабдықталған қоқыс жәшіктерімен жабдықталады. Пайдаланылған маскалар үшін санитариялық тораптарда және тіркеу орнында медициналық қалдықтарды қауіпсіз жинау және кәдеге жарату контейнерлері (ҚҚСК) орнатылады.
23. Үй-жайларды кварцтау:
барлық үй-жайларда кемінде 30 минут экспозициясы бар бактерицидті шамдар пайдаланылады.
жұмыс күні аяқталғаннан кейін тіркеу орнының, холлдың, сан-ның үй-жайларын кварцтау жүргізіледі.үй-жайларды кейіннен 15 минуттан кем емес желдетумен тораптар.
24. Үй-жайды өңдеу кезінде дезинфекциялау құралдарының жұмыс ерітінділерінің шоғырлануын вирустық режим бойынша (нұсқаулыққа сәйкес) ең жоғары мөлшерге дейін арттыру жүргізіледі.
25. Қабылдауды ұйымдастыру кезінде үй-жайларды аймақтарға бөлу.
Үш және одан да көп креслолардың бір мезгілде жұмыс істеуі кезінде қабылдауды ұйымдастыру кезінде «лас» және «таза» аймақтарға шартты аймақтандыру қамтамасыз етіледі.
«Лас» аймаққа үй-жайлардың кіру тобы (тіркеу орны, холл) жатады.
«Таза» аймаққа барлық басқа бөлмелер кіреді.
«Таза» аймақта персоналдың киімін ауыстыруға арналған шешінетін бөлме, ЖҚҚ беру бөлмесі көзделеді.
26. ЖҚҚ жинау үшін арнайы жабық контейнерлер болған кезде қабылдау аяқталғаннан кейін оны өңдеу және кварцтау сәтіне дейін бір рет қолданылатын ЖҚҚ алатын орын болуы мүмкін.
Жұмыс күнінің соңында барлық бір рет қолданылатын арнайы киім кәдеге жаратуға тапсырылады. Көп рет қолданылатын арнайы киім со^Ы-19-ға қатысты белсенді дезинфекциялық ерітінділермен аэрозольді өңдеуге жатады және арнайы сақтауға арналған шкафқа жиналады. Киім-кешек. Аптасына екі рет арнайы. медициналық персоналдың киімі дезинфекциялау ерітіндісіне малынады және жуылады, арнайы киімді ауыстыру әрбір 3 күн сайын жүргізіледі.
27. Клиникада жоғарыда көрсетілген тармақтардың сақталуын қамтамасыз ететін жауапты қызметкер тағайындалады.
4-тарау. Пациенттің стоматологиялық клиникада болу кезіндегі іс-шаралар
28. Пациентті қабылдауға жазу кезінде респираторлық аурудың симптомдарын анықтау үшін мұқият сұрау жүргізіледі. Респираторлық инфекция және/немесе пневмония белгілері бар кез-келген пациент ықтимал жұқтырған деп түсіндіріледі.