«Қазақстан Республикасы Төтенше жағдайлар министрлігінің қалалық, аудандық (қалалардағы аудандық) төтенше жағдайлар басқармалары мен бөлімдері туралы ережелерді бекіту туралы» Қазақстан Республикасы Төтенше жағдайлар министрінің 2020 жылғы 3 желтоқсандағы № 60 бұйрығына өзгертулер мен толықтырулар енгізу туралы
Қазақстан Республикасы Төтенше жағдайлар министрінің м.а. 2025 жылғы 30 мамырдағы № 217 бұйрығы
БҰЙЫРАМЫН:
1. «Қазақстан Республикасы Төтенше жағдайлар министрлігінің қалалық, аудандық (қалалардағы аудандық) төтенше жағдайлар басқармалары мен бөлімдері туралы ережелерді бекіту туралы» Қазақстан Республикасы Төтенше жағдайлар министрінің 2020 жылғы 3 желтоқсандағы № 60 бұйрығына мынадай толықтырулар енгізілсін:
осы бұйрыққа 1-қосымшада:
14 және 15-тармақтар мынадай редакцияда жазылсын:
«14. Құқықтары мен міндеттері:
1) заңнамада белгіленген тәртіппен мемлекеттік органдардың аумақтық бөлімшелерінен, ұйымдардан, олардың лауазымды адамдары мен азаматтарынан қажетті ақпаратты немесе мәліметтерді сұратуға және алуға;
2) азаматтық қорғау мақсаттары үшін белгіленген тәртіппен мемлекеттік ведомстволық және мемлекеттік емес жүйелерді, желілерді, байланыс және ақпарат беру құралдарын пайдалануға;
3) іс-әрекеттері немесе әрекетсіздігі қауіп төндірген немесе азаматтық қорғау саласындағы төтенше жағдайлар мен бұзушылықтардың туындауына әкеп соққан лауазымды адамдарды жауапкершілікке тарту туралы белгіленген тәртіппен ұсыныстар енгізуге;
4) сотқа дейінгі іс жүргізу жөніндегі міндеттерді шешуді қамтамасыз ететін мамандандырылған есептерді, ақпараттық жүйелерді пайдалануға;
5) мемлекеттік өртке қарсы қызмет органдары үшін қылмыстық іс жүргізу заңнамасында белгіленген құзырет шегінде жасалған немесе дайындалып жатқан қылмыстық құқық бұзушылық туралы өтініштерді немесе хабарламаларды қабылдауға, тіркеуге және қарауға;
6) қолданыстағы заңнамалық актілерде көзделген өзге де құқықтар мен міндеттерді жүзеге асыруға міндетті.
15. Басқарманың функциялары: