(БҰРЫНҒЫ РЕДАКЦИЯ) «СЕЛЕКЦИЯЛЫҚ-ТҰҚЫМ ШАРУАШЫЛЫҒЫ МАҚСАТТАҒЫ ОБЪЕКТІЛЕР...

Селекциялық-тұқым шаруашылығы мақсаттағы объектілерді анықтау және құру қағидаларын бекіту туралы
Қазақстан Республикасы Қоршаған ортаны қорғау министрінің 2013 жылғы 27 тамыздағы № 258-ө бұйрығы

Осы редакция 2018 жылғы 29 қаңтарда енгізілген өзгерістеріне дейін қолданылды

Қазақстан Республикасының 2003 жылғы 8 шілдедегі Орман кодексінің 77-бабының 2-1-тармағына сәйкес, БҰЙЫРАМЫН:

1. Қоса беріліп отырған селекциялық-тұқым шаруашылығы мақсаттағы объектілерді анықтау және құру қағидасы бекітілсін.

2. Қазақстан Республикасы Қоршаған ортаны қорғау министрлігі Орман және аңшылық шаруашылығы комитеті (Қ. Ж. Үстеміров) заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және бұқаралық ақпарат құралдарында ресми жариялануын қамтамасыз етсін.

3. Осы бұйрық алғашқы ресми жарияланған күннен кейін күнтізбелік он күн өткен соң қолданысқа енгізіледі.

Қазақстан Республикасы

Қоршаған ортаны қорғау министрінің

2013 жылғы 27 шілдедегі

№ 258-ө бұйрығымен

бекітілген

Селекциялық-тұқым шаруашылығы мақсаттағы
объектілерді анықтау және құру
қағидасы

1. Негізгі ережелер

1. Мемлекеттік орман қоры учаскелерінде селекциялық-тұқым шаруашылығы мақсаттағы объектілерді анықтау және құру ережесі (бұдан әрі - Ереже) Қазақстан Республикасы Орман Кодексінің 77-бабының 2-1 тармағына сәйкес әзірленді және мемлекеттік орман қоры учаскелерінде тұрақты орман тұқымдары базасының объектілерін анықтау және құру жөніндегі іс-шараларды жүргізу тәртібін айқындайды.

2. Осы Ережеде пайдаланылатын негізгі ұғымдар:

1) артықшылығы бар екпелер - орман өсірудің белгілі бір жағдайларында өнімділігі жоғары және тұрақты екпелер;