«Сауда саласында мемлекеттік қызметтер көрсету қағидаларын бекіту туралы» Қазақстан Республикасы Сауда және интеграция министрінің 2020 жылғы 16 наурыздағы № 51-НҚ бұйрығына өзгерістер енгізу туралы
Қазақстан Республикасы Сауда және интеграция министрінің м.а. 2026 жылғы 26 наурыздағы № 144-НҚ бұйрығы
БҰЙЫРАМЫН:
1. «Сауда саласында мемлекеттік қызметтер көрсету қағидаларын бекіту туралы» Қазақстан Республикасы Сауда және интеграция министрінің 2020 жылғы 16 наурыздағы № 51-НҚ бұйрығына (Нормативтік құқықтық актілерді мемлекеттік тіркеу тізілімінде № 20135 болып тіркелген) мынадай өзгерістер енгізілсін:
1-тармағының екінші, үшінші абзацтары 2026 ж. 17 сәуірден бастап қолданысқа енгізілді
кіріспе мынадай редакцияда жазылсын:
«Мемлекеттік және әлеуметтік жауапкершілігі бар қызметтер туралы» Қазақстан Республикасы Заңының 10-бабының 1) тармақшасына сәйкес БҰЙЫРАМЫН:»;
көрсетілген бұйрықпен бекітілген «Жекелеген тауар түрлерінің импортына және (немесе) экспортына лицензия беру» мемлекеттік қызметін көрсету қағидаларында:
1-тармағының бесінші, алтыншы абзацтары 2026 ж. 17 сәуірден бастап қолданысқа енгізілді
1-тармақ мынадай редакцияда жазылсын:
«1. Осы «Жекелеген тауар түрлерінің импортына және (немесе) экспортына лицензия беру» мемлекеттiк қызметін көрсету қағидалары (бұдан әрі - Қағидалар) «Мемлекеттік және әлеуметтік жауапкершілігі бар қызметтер туралы» Қазақстан Республикасы Заңының 10-бабы 1) тармақшасына, «Рұқсаттар және хабарламалар туралы» Қазақстан Республикасы Заңының 13-бабы 5) тармақшасына сәйкес әзірленген және жекелеген тауар түрлерінің импортына және (немесе) экспортына лицензия беру (бұдан әрі - мемлекеттік көрсетілетін қызметтер) тәртібін айқындайды.»;
2-тармақтың 1) және 2) тармақшалары мынадай редакцияда жазылсын: