Қоғамдық сервитут белгілеу туралы
Қостанай облысы Бейімбет Майлин ауданы Калинин ауылдық округі әкімінің 2025 жылғы 20 маусымдағы № 4 шешімі
Қазақстан Республикасы Жер кодексінің 19-бабының, 69-бабының 4-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 35-бабына, «Бейімбет Майлин ауданы әкімдігінің жер қатынастары бөлімі» мемлекеттік мекемесінің 2025 жылғы 8 мамырдағы № 86 бұйрығына сәйкес, Калинин ауылдық округінің әкімі ШЕШІМ ҚАБЫЛДАДЫ:
1. «Қазақтелеком» акционерлік қоғамына «Қостанай облысы, 2024 жылы В2G сегменті үшін ТОБЖ салу» жобасы бойынша талшықты-оптикалық байланыс желілерін және телефон канализациясын орнату және пайдалану үшін Қостанай облысы, Бейімбет Майлин ауданы, Калинин ауылдық округі, Береговое ауылы, Первомайская көшесі, Дорожная көшесі шекараларында орналасқан 0,1001 гектар, оның ішінде 12-189-035-988 0,0156 гектар жер, 12-189-035-985 көлемі 0,0008 гектар, Береговое ауылының жалпы ауданы 0,0837 гектар жер учаскесіне 10 жылға мерзімімен шектеулі нысаналы жер пайдалану құқығы (қоғамдық сервитут) белгіленсін.