Әскери қызметшiлерге, Iшкi iстер органдарының қатардағы және
басшы құрамдағы адамдарына уақытша тұрғын үй-жайларды жалға
алғаны (жалдағаны) үшiн жәрдемақы төлеудi реттеу туралы Қазақстан
Республикасы Үкіметінiң Қаулысы 1996 жылғы 28 ақпан N
256
Қазақстан Республикасы Үкіметінің 2005 жылғы 29 сәуірдегі № 410 Қаулысымен күші жойылды
"Әскери қызметшiлер мен олардың отбасы мүшелерiнiң мәртебесi және оларды әлеуметтiк қорғау туралы" Қазақстан Республикасының 1993 жылғы 20 қаңтардағы Заңының 12-бабын жүзеге асыру мақсатында Қазақстан Республикасының Үкіметі қаулы етедi:
Қазақстан Республикасының Қарулы Күштерiнiң, Ұлттық қауiпсiздiк комитетiнiң, Қазақстан Республикасының Мемлекеттік шекараны күзету жөніндегі мемлекеттік комитетiнiң, басқа да әскерлер мен әскери құрамалардың әскери қызметшiлерiне (мерзiмдi қызмет әскери қызметшiлерi мен әскери оқу орындарының курсанттарынан басқа). Қазақстан Республикасы Iшкi iстер органдарының тұрғын үй-жаймен қамтылмаған қатардағы және басшы құрамдағы адамдарына уақытша тұрғын үй-жайларды жалға алғаны (жалдағаны) үшiн ай сайынғы жәрдемақы мөлшерi:
Алматы қаласында - республикалық бюджетте жыл сайын
белгiленетiн есептi көрсеткiштiң
төрт есе мөлшерiнде;
Облыс орталықтарында - республикалық бюджетте жыл сайын
белгiленетiн есептi көрсеткiштiң
үш есе мөлшерiнде;
басқа елдi-мекендерде - республикалық бюджетте жыл сайын
белгiленетiн есептi көрсеткiштiң
екi есе мөлшерiнде;
Қазақстан Республикасының
Премьер-Министрi