«Қазақстан Республикасының мемлекеттік бюджет есебінен ұсталатын, ұйымдарға арналған бухгалтерлік нысандардың альбомына өзгерістер мен толықтырулар енгізу туралы
Қазақстан Республикасының Қаржы Министрлігі Қазынашылық комитеті 2000 жылғы 18 қыркүйектегі № 405 бұйрығы
ҚР Қаржы министрінің 2011 жылғы 24 ақпандағы № 95 бұйрығымен 2013 жылғы 1 қаңтардан бастап күші жойылды
Бұйырамын:
1. Қоса берiлiп отырған Қазақстан Республикасының Қаржы министрлігі Қазынашылық департаментінің 1998 жылғы 1 желтоқсандағы № 548 бұйрығымен бекітілген Қазақстан Республикасы мемлекеттік бюджет есебінен ұсталып ұйымдарға арналған бухгалтерлік нысандардың Альбомына өзгерістер мен толықтырулар бекітілсін.
2. Осы бұйрық Қазақстан Республикасының Әдiлет министрлігінде мемлекеттік тiркеуден өткен күнінен бастап күшiне енеді.
Төрайымының міндетін
атқарушы
Қазақстан Республикасының Қаржы бірінші вице-министрі 16.09.2000 жыл | Қазақстан Республикасының Қаржы министрлігінің Қазынашылық комитетінің 2000 жылғы 18 қыркүйек № 405 бұйрығымен бекітілген |
Қазақстан Республикасының мемлекеттік бюджет есебінен ұсталатын ұйымдарға арналған бухгалтерлік
нысандардың альбомына өзгерістер мен толықтырулар
Қазақстан Республикасының Қаржы министрлігі Қазынашылық департаментінің 1998 жылғы 1 желтоқсандағы № 548 бұйрығымен бекітілген Қазақстан Республикасының мемлекеттік бюджет есебінен ұсталатын ұйымдарға бухгалтерлік нысандардың альбомына мынадай өзгерістер мен толықтырулар енгізілсін:
атауындағы "мемлекеттік бюджет есебінен ұсталатын ұйымдарға" деген сөздер "мемлекеттік мекемелерге" деген сөздермен ауыстырылсын;
"№ 6, 7 Мемориалдық ордер Әртүрлі ұйымдармен есептесу жөніндегі жинақтаушы ведомость № 408 нысан" және 6 бөлімнің № 408 нысан "Есеп айырысулар" бөлімшесінің атауынан басқа, мәтіні мен нысандарындағы "бюджеттік ұйымдар," "ұйымдар" деген сөздер тиісті септіктерде "мемлекеттік мекемелер" деген сөздермен ауыстырылсын.