Тұрғын үй саласындағы жылжымайтын мүлiк объектiлерiн бағамдауды
жүзеге асыру құқығына лицензиялар беру тәртібі туралы уақытша
ереже Қаулы Қазақстан Республикасының Құрылыс, тұрғын
үй және аумақтарда құрылыс салу министрлігі 4 мамыр 1994 жыл
ҚР Үкіметінің 2005 жылғы 9 ақпандағы № 124 Қаулысымен қолданылуы жойылды
I. Жалпы ережелер
1.1. Уақытша ереже "Жаңа тұрғын үй саясаты туралы" Қазақстан Республикасы Президентінің 1993 жылғы 6 қыркүйектегi № 1344 Жарлығына сәйкес талдап жасалды.
1.2. Уақытша ереже жылжымайтын мүлiк объектiлерiн бағамдауды жүзеге асыру құқығына лицензиялар беру, тәртібін, сондай-ақ лицензияланатын субъект жауап беруге тиiстi талаптарды белгiлейдi.
1.3. Жеке тұлғалар жылжымайтын мүлiк объектiлерiн бағамдауды жүзеге асыру құқығына лицензияланатын субъектiлер бола алады.
1.4. Лицензияларды иеленушiлер лицензияларда айтылған барлық құқықтарға ие болады және тұрғын үй саласындағы жылжымайтын мүлiк объектiлерiн бағамдауды жүзеге асыру құқығына шарттар жасасу құқықтары бар.
1.5. Мемлекеттік компания берген лицензиялар Қазақстан Республикасының тиiстi аумақтарда /облыстарында/ қолданылады.
1.6. Тұрғын үй саласындағы жылжымайтын мүлiк объектiлерiн бағамдауды жүзеге асыру құқығына бiржолғы лицензия 12 айға дейiнгi мерзiмге берiледi.
1.7. Лицензия төлем үшiн берiледi, оның мөлшерi Қазақстан Республикасының Құрылысминi белгiлеген тәртiпте анықталады. Және өтiнiш жасаушы мүмкiншiлiктерiне сараптама жүргiзуге, лицензияны ресiмдеуге және оның пайдалануын бақылауды жүзеге асыруға арналған шығындарды қамтиды. Төлем оны жылжымайтын мүлiктi бағамдау жөніндегі мемлекеттік компанияның бюджеттен тыс шотына аудару жолымен бiржолғы алым түрiнде ұсталады.
1.8. Лицензияның қолданылу мерзiмiнiң өтуiне қарай оның күшi жойылады және жарамсыз деп есептеледi.
II. Лицензияларды беру тәртібі