Мемлекеттік техникалық өзен флотын жаңалау және жаңғырту мыналарға мүмкiндiк бередi:
Қазақстан Республикасының мемлекеттік шикi су жолдарында кеме қозғалысының қауіпсiздігін қамтамасыз ету;
мемлекеттік техникалық флотты 25 %-ға дейiн жаңарту, оның қызмет мерзiмiн арттыру және бюджеттен жөндеу-қалпына келтiру жұмыстарын жүргiзуге бөлiнетiн шығындарды 50-60 %-ға дейiн азайту;
ішкі көлікпен тасымалдаулар көлемi 1-1,5 млн. тоннаға дейін ұлғайту.
12.5.7. Телекоммуникациялар мен байланысты дамыту
Қазақстан Республикасы Үкіметінiң 2003 жылғы 18 ақпандағы № 168 қаулысымен бекітілген телекоммуникациялар саласын 2003-2005 жылдарға арналған бағдарламасын iске асыру жалғастырылады.
2004-2006 жылдары мынадай iрi инвестициялық жобаларды iске асыру жоспарланған:
Шығыс шұға-оптикалық байланыс желісінiң (ШОБЖ) - Ұлттық ақпараттық супер магистралды элементінің құрылысы жалғастырылады, 2006 жылы оны толық аяқтау көзделген;
жергiлiктi телекоммуникациялар желісін жаңғырту және дамыту.
Телекоммуникациялар саласының объектiлерiн жаңғыртуды жүргiзу нәтижесiнде мемлекеттік органдарға, шаруашылық жүргiзушi субъектiлерге, сондай-ақ республика халқына көрсетілетiн қызметтер сапасы арттырылады. 2005 жылдың аяғына қарай жергiлiктi желілердi цифрландыру деңгейi 60 %-ды, 100 тұрғынға тiркелген телефон желiлерiнiң орташа телефондық тығыздылығы 15 құрайды.
Қазақстан Республикасының бiрыңғай ақпараттық кеңiстiгiн қалыптастыру және дамыту мақсатында мемлекеттік органдардың деректердiң ақпараттық базаларына қол жеткізуi, құжат айналымын оңтайландыру, шешімдер қабылдаудың жеделділiгiн құру және жеңілдету жөніндегі инвестициялық жобаларды iске асыру көзделеді.
Почталық байланыс саласында технологиялық процестердi жаңғырту және автоматтандыру негiзінде почтаны өңдеудің жаңа технологиясын енгізу, почта байланысы қызметтерiнің жаңа осы заманғы түрлерiн енгізу, қаржылық қызмет көрсету спектрiн кеңейту жоспарланады, бұл саланың қаржылық тұрақтануын қамтамасыз етуге мүмкiндiк бередi, бұл ретте почта байланысының желісін барынша сақтау және қызмет көрсетулер сапасын арттыру, өңiрлiк почта байланысы желiлерiн оңтайландыру қажет.
Болжанатын нәтижелер
2002 жылмен салыстырғанда 2006 жылы өсiм көлiктiк-коммуникациялық кешеннің мынадай негiзгi көрсеткiштерi жоспарланады:
Жолаушыларды тасымалдау - 739,5 млн. адамнан 803,4 млн. адамға дейін;
Жүктердi тасымалдау - 1410,76 млн. тоннадан 1548,5 млн. тоннаға дейін;
Жүк айналымы - 170 502,8 млн. ткм-нен 184732 млн. ткм-ға дейін;
Жолаушылар айналымы - 91985,1 млн. жкм-нен 101 026,7 млн. жкм-ға дейiн.
Рұқсат беру жүйесiн жетілдіру жолымен транзиттік тасымалдаулар, халықаралық тасымалдауларды реттеудің және үйлестiрудің тиiмдi тетiгiн құру, транзиттiк дәлiздердің инфрақұрылымын қалыптастыру одан әрi дамитын болады.
Қазақстан Республикасы Үкіметінің
2003 жылғы 12 қыркүйектегі № 926 қаулысымен
бекітілген
ҚР Үкіметінің 13.04.04 ж. № 408 (бұр. ред. қара); 2006.13.01. № 38 (бұр.ред.қара) қаулыларымен 2-бөлім өзгертілді
2-бөлім. 2004-2006 жылдарға арналған
қолданыстағы және әзірленетін мемлекеттік және
салалық (секторалдық) бағдарламалардың тізбесі
Астана-2003
2004-2006 жылдарға арналған қолданыстағы және
әзірленетін мемлекеттік және салалық (секторалдық)
бағдарламалардың тізбесі