Қаржы жоспарын жасау және қолма-қол ақша тасқынын болжамдау жөнiндегi
нұсқаулықты бекiту туралы Қазақстан Республикасы Қаржы
министрлiгi 1995 жылғы 18 қыркүйектегі N 239 бұйрығы
Осы редакция ҚР Қаржы министрінің 2002 ж. 19 ақпандағы N 71 бұйрығымен енгізілген өзгерістеріне дейін қолданылды
Қаржы жоспарын жасау және қолма-қол ақша тасқынын болжамдау жөнiндегi осы бұйрыққа қоса тiркелiп отырған нұсқаулық бекiтiлсiн және ол 1995 жылғы 1 қарашадан бастап күшiне енгiзiлсiн.
Министрдiң бiрiншi
орынбасары
Қаржы жоспарын жасау және қолма-қол ақша
тасқынын болжамдау жөнiндегi
Нұсқаулық
I. Жалпы ережелер
1. Осы Нұсқаулық Қазақстан Республикасы Қаржы министрлiгiнiң шоттарындағы ақша қаражатын басқаруды ұйымдастыру Тәртiбiн айқындайды және қаржы жоспарын, қолма-қол ақша тасқынын болжамдау балансын жасаудың, Қазынашылық рұқсаттарын, министрлiктердiң (ведомстволардың) Рұқсаттарын, Министрлiк берген (ведомствоаралық) рұқсаттардың және төменгi бюджеттiк қаржыларды бөлушiлер рұқсаттарын берудiң рәсiмiн белгiлейдi, сондай-ақ бюджетке түсетiн ақша қаражатын тиiмдi басқаруға, оны реттеп отыруға және мақсатты түрде ұтымды жұмсауға қызмет етедi.
ЕСКЕРТУ. 1-тармақ өзгертiлдi - ҚР Қаржы министрiнiң 1995.06.05.
N 130 бұйрығымен.
II. Айқындамалар
2. Бюджет қаражаттары - белгiлi бiр мақсатты бағдарламаларды жүзеге асыру үшiн мемлекеттiк, республикалық, жергiлiктi бюджеттерден бөлiнетiн ақша қаражаты.
3. Шетелдiк гранттар - қолма-қол ақшаларды көбейту немесе арнайы
бағдарламаларды iске асыру мақсатында шетелдiк агенттiктерден немесе шет
елдерден ақшалай немесе тауар түрiнде алынатын қаражат.
4. Күрделi аударымдар - негiзгi қорлар алу үшiн мемлекеттiң кәсiпорындарға немесе мемлекеттiк ұйымдар мен бюджеттiк ұйымдарға беретiн мақсатты жәрдемақылары немесе қаржылай көмегi.
ЕСКЕРТУ. 4-тармақ өзгертiлдi - ҚР Қаржы министрiнiң 1995.06.05.
N 130 бұйрығымен.