Дене шынықтыру және спорт туралы 1999 жылғы 2 желтоқсандағы \
N 490-І Қазақстан Республикасының Заңы
(ҚР 04.07.03 ж. N 471-II Заңымен енгізілген өзгерістерімен)
Осы редакция 2004 ж. 20 желтоқсандағы енгізілген өзгерістеріне дейін қолданылды
1-тарау. Жалпы ережелер (1 - 8 баптар)
2-тарау. Дене тәрбиесінің жүйесі (9 - 15 баптар)
3-тарау. Спортты ұйымдастыру және дамыту (16 - 22 баптар)
4-тарау. Дене шынықтыру мен спорт саласындағы басқару (23 - 24 баптар)
5-тарау. Дене шынықтыру мен спортты қаржыландыру, (25 - 28 баптар)
материалдық-техникалық жағынан және кадрлармен қамтамасыз ету 6-тарау. Дене шынықтыру мен спорт саласындағы (29 - 31 баптар)
жеңілдіктер және әлеуметтік кепілдіктер 7-тарау. Дене шынықтыру мен спорт саласындағы (32 - 33 баптар)
халықаралық қызмет Осы Заң дене шынықтыру және спорт саласындағы қоғамдық қатынастарды реттейдi, бұқаралық дене шынықтыру, әуесқойлық және кәсiпқойлық спорт қызметiн қамтамасыз етудiң және оларды дамытудың құқықтық, ұйымдық, экономикалық және әлеуметтiк негiздерiн белгiлейдi.
1-тарау. Жалпы ережелер
ҚР 04.07.03 ж. N 471-II Заңымен 1-бап өзгертілді (бұр. ред. қара)
1-бап. Негiзгi ұғымдар
Осы Заңда мынадай негізгі ұғымдар пайдаланылады:
1) дене шынықтыру және спорт жөніндегі уәкілетті орган - дене шынықтыру және спорт саласындағы мемлекеттік басқару мен үйлестіру функцияларын жүзеге асыратын Қазақстан Республикасының орталық атқарушы органы;
2) дене шынықтыру - мәдениеттің ажырамас бөлігі, қоғам адамның дене бітімін дамыту, оның денсаулығын нығайту мақсатында жасап, пайдаланатын, адамның үйлесімді дамуына ықпал ететін рухани және материалдық құндылықтар жиынтығы болып табылатын әлеуметтiк қызмет саласы;
3) спорт - жарыс әрекетiнiң, спортшыларды жарыстарға қатысуға даярлаудың ерекше нысаны болып табылатын дене шынықтырудың бiр бөлiгi;
4) жоғары жетiстiктер спорты - жоғары спорттық нәтижелерге қол жеткiзудi, рекордтар жасауды қамтамасыз ететiн спорт саласы;