"Прибор-алматроникс" ғылыми-техникалық бірлестігінің Қазақстан
Республикасында ғылымға сүйенетін өндірістерді дамыту жөніндегі
қызметін қолдау туралы Қазақстан Республикасы Министрлер
кабинетінің 1994 ж. 3 мамырдағы № 468 Қаулысы
Осы редакция 2005 ж. 29 қыркүйектегі енгізілген өзгерістеріне дейін қолданылды
Қазақстан Республикасының Министрлер Кабинетi қаулы етедi:
1. "Прибор-Алматроникс" ғылыми-техникалық бiрлестiгiнiң Қазақстан Республикасында ғылымға сүйенетiн өндiрiстердi дамыту жөніндегі ұсынысы мақұлдансын.
ҚР Үкіметінің 1995.06.09. № 809 қаулысымен 2-тармақ өзгертілді
2. Қазақстан Республикасының Экономика министрлігі, Ғылым және жаңа технологиялар министрлігі республиканың мүдделi министрлiктерiмен және ведомстволарымен бiрлесiп, "Прибор-Алматроникс" ғылыми-техникалық бiрлестiгiнiң нақты жобаларын қарастырсын және оларды Экономиканы өзгерту қорының, Ғылым қорының қаржысынан, сондай-ақ валюталық кредит жүйесiн ашу есебiнен қаржыландыру мүмкiндiгiн iздестiретiн болсын.
3. Қазақстан Республикасының Экономика министрлігі Қазақстан Республикасының Ғылым және жаңа технологиялар министрлігімен, республиканың мүдделi министрлiктерiмен және ведомстволарымен бiрлесiп "Прибор-Алматроникс" ғылыми-техникалық бiрлестiгiн тиiстi ұлттық мемлекеттік және республикалық нысаналы ғылыми-техникалық бағдарламалардың тапсырмаларын жүзеге асыруға қатыстыру мүмкiндiгiн қарастырсын.
