(БҰРЫНҒЫ РЕДАКЦИЯ) ҚР БЮДЖЕТ КОДЕКСІ (2004 Ж. 24 СӘУІР № 548-II)

Осы редакция 2005 ж. 22 қарашадағы енгізілген өзгерістеріне дейін  қолданылды

7-тарау. Түсімдерді бюджеттер деңгейлері арасында бөлу

46-бап. Республикалық бюджетке түсетiн түсiмдер

1. Республикалық бюджетке түсетiн салықтық түсiмдер:

1) корпорациялық табыс салығы;

2) қосылған құнға салынатын салық, соның iшiнде Қазақстан Республикасының аумағында өндiрiлген тауарларға, орындалған жұмыстар мен көрсетiлген қызметтерге және Қазақстан Республикасының аумағына импортталатын тауарларға қосылған құн салығы;

3) Қазақстан Республикасының заңдарына сәйкес Қазақстан Республикасының аумағына импортталатын тауарларға акциздер;

ҚР 13.12.04 ж. № 11-III Заңымен 4) тармақша өзгертілді (01.01.05 ж. бастап қолданысқа енгізілді )

4) шикi мұнайға, газ конденсатына акциздер;

ҚР 13.12.04 ж. № 11-III Заңымен 5) тармақша жаңа редакцияда (01.01.05 ж. бастап қолданысқа енгізілді )

5) экспортталатын шикi мұнайға, газ конденсатына салынатын рента салығы;

ҚР 13.12.04 ж. № 11-III Заңымен 6) тармақша жаңа редакцияда (01.01.05 ж. бастап қолданысқа енгізілді )

6) үстеме пайдаға салынатын салық;

7) бонустар;

8) роялти;

9) Қазақстан Республикасының жасалған келісім-шарттар бойынша өнiмдi бөлу жөніндегі үлесi;

ҚР 13.12.04 ж. № 11-III Заңымен 9-1) тармақшамен толықтырылды (01.01.05 ж. бастап қолданысқа енгізілді )

9-1) қызметiн өнiмдi бөлу туралы келісім-шарт бойынша жүзеге асыратын жер қойнауын пайдаланушының қосымша төлемi;

10) жергiлiктi маңызы бар мемлекеттік ақылы автомобиль жолдары арқылы автокөлiк құралдарының жүрiп өткенi үшiн алынатын алымнан басқа, Қазақстан Республикасының аумағы бойынша автокөлiк құралдарының жүрiп өткенi үшiн алым;

11) телевизиялық және радиохабар ұйымдарына радиожиiлiк спектрiн пайдалануға рұқсат бергенi үшiн алынатын алым;

12) теңiз, өзен кемелерi мен шағын көлемдi кемелердi мемлекеттік тiркеу үшiн алынатын алым;

ҚР 22.10.04 ж. № 601-II Заңымен 46-баптың 1-тармағы 12-1) тармақшамен толықтырылды

12-1) кеменiң немесе жасалып жатқан кеменiң ипотекасын мемлекеттік тiркеу үшiн алынатын алым;

13) дәрiлiк заттарды мемлекеттік тiркегенi үшiн алынатын алым;