Республикалық және жергiлiктi бюджеттердiң каражаты есебiнен шетелдiк
iссапарларға валюталық каражаттың жұмсалуын ретке келтiру жөнiндегі
шаралар туралы Қазақстан Республикасы Үкіметінің
2003 жылғы 11 ақпандағы № 148 қаулысы
(2005.12.12. берілген өзгерістер мен толықтырулармен)
Осы редакция 2006 ж. 8 тамыздағы енгізілген өзгерістеріне дейін қолданылды
Республикалық және жергiлiктi бюджеттердің қаражаты есебiнен шетелдiк iссапарларға валюталық қаражаттың жұмсалуын ретке келтiру мақсатында Қазақстан Республикасының Yкіметі қаулы етеді:
ҚР Үкіметінің 19.05.03 ж. № 456; 23.01.04 ж. № 72 (бұр. ред. қара); 03.11.04 ж. № 1140 (күшіне енетін мерзімін қара); 2005.07.07. № 705 ; 2005.12.12. № 1234 қаулылармен 1-тармақ өзгертілді
1. Мынадай болып белгiленсiн:
1) Қазақстан Республикасының Президентi, Қазақстан Республикасының Премьер-Министрi, Қазақстан Республикасының Парламентi Сенатының Төрағасы, Қазақстан Республикасының Парламентi Мәжілісiнiң Төрағасы, Қазақстан Республикасының Мемлекеттік хатшысы, сондай-ақ олармен бiрге жүретiн адамдар (Қазақстан Республикасы Президентінің, Қазақстан Республикасы Премьер-Министрінің, Қазақстан Республикасы Парламентiнiң Сенаты Төрағасының, Қазақстан Республикасы Парламентiнiң Мәжілісi Төрағасының, Қазақстан Республикасы Мемлекеттік хатшысының жұбайлары), Қазақстан Республикасының Президентi Күзет қызметінің қызметкерлерi (түзетiлетiн тұлғамен бiрге жүргенде) шетелге жол жүрген кезде шетелдiк валютадағы көлiктiк шығыстары 1-сынып бойынша авиабилеттiң құны мөлшерiнде өтеледi;
