«Қазақстан Республикасы Ішкі істер министрлігінің кейбір мәселелері туралы»
Қазақстан Республикасы Үкіметінің 2006 жылғы 21 сәуірдегі № 313 Қаулысы
Осы редакция 2006 ж. 21 тамызда енгізілген өзгерістеріне дейін қолданылды
«Қазақстан Республикасының Үкіметі туралы» Қазақстан Республикасының 1995 жылғы 18 желтоқсандағы Конституциялық заңының 24-бабына сәйкес Қазақстан Республикасының Үкіметі қаулы етеді:
1. Қазақстан Республикасы Ішкі істер министрлігінің Тергеу комитеті, Криминалдық полиция комитеті, Әкімшілік полиция комитеті және Жол полициясы комитеті (бұдан әрі - Комитеттер) құрылсын.
2. Қоса беріліп отырған:
1) Қазақстан Республикасы Ішкі істер министрлігінің Тергеу комитеті туралы ереже және оның құрылымы;
2) Қазақстан Республикасы Ішкі істер министрлігінің Криминалдық полиция комитеті туралы ереже және оның құрылымы;
3) Қазақстан Республикасы Ішкі істер министрлігінің Әкімшілік полиция комитеті туралы ереже және оның құрылымы;
4) Қазақстан Республикасы Ішкі істер министрлігінің Жол полициясы комитеті туралы ереже және оның құрылымы бекітілсін.
3. Комитеттердің төрағаларына екі орынбасары болуына рұқсат берілсін.
4. «Жол қозғалысы қауіпсіздігін қамтамасыз етудің кейбір мәселелері туралы» Қазақстан Республикасы Үкіметінің 2004 жылғы 19 сәуірдегі № 431 қаулысының (Қазақстан Республикасының ПҮКЖ-ы, 2004 ж., № 17, 221-құжат) күші жойылды деп танылсын.
5. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:
1) «Штат санының лимиттерін бекіту туралы» Қазақстан Республикасы Үкіметінің 2005 жылғы 24 қаңтардағы № 47 қаулысында:
көрсетілген қаулымен бекітілген министрліктердің, агенттіктер мен ведомстволардың қызметкерлері штат санының лимиттерінде:
реттік нөмірі 2-жол мынадай редакцияда жазылсын:
"2. Қазақстан Республикасы Ішкі істер министрлігі: 1392
ведомстволарды қоспағанда, министрліктің орталық аппараты 657
