«Қазақстан Республикасы Әділет министрлігі Қылмыстық-атқару жүйесі комитетінің мемлекеттік мекемелерін қайта ұйымдастыру туралы» Қазақстан Республикасы Үкіметінің 2007 жылғы 24 қаңтардағы № 53 Қаулысы

Қазақстан Республикасы Әділет министрлігі Қылмыстық-атқару жүйесі комитетінің мемлекеттік
мекемелерін қайта ұйымдастыру туралы
Қазақстан Республикасы Үкіметінің 2007 жылғы 24 қаңтардағы № 53 Қаулысы

Әділет органдары қылмыстық-атқару жүйесінің бюджет қаражаты мен штат санын ұтымды пайдалану мақсатында Қазақстан Республикасының Yкіметі ҚАУЛЫ ЕТЕДI:

1. Мыналар:

1) Қазақстан Республикасы Әділет министрлігі Қылмыстық-атқару жүйесі комитетінің «ЛА-155/13 мекемесі» мемлекеттік мекемесі оған Қазақстан Республикасы Әділет министрлігі Қылмыстық-атқару жүйесі комитетінің «ЛА-155/17 мекемесі» мемлекеттік мекемесін қосу жолымен;

2) Қазақстан Республикасы Әділет министрлігі Қылмыстық-атқару жүйесі комитетінің «ЕЦ-166/24 мекемесі» мемлекеттік мекемесі оған Қазақстан Республикасы Әділет министрлігі Қылмыстық-атқару жүйесі комитетінің «EЦ-166/21 мекемесі» мемлекеттік мекемесін қосу жолымен қайта ұйымдастырылсын.

2. «Қазақстан Республикасы Әділет министрлігінің мәселелері» туралы Қазақстан Республикасы Үкіметінің 2004 жылғы 28 қазандағы № 1120 қаулысына (Қазақстан Республикасының ПҮКЖ-ы, 2004 ж., № 41, 532-құжат) мынадай өзгеріс енгізілсін:

көрсетілген қаулымен бекітілген Қазақстан Республикасы Әділет министрлігінің Қылмыстық-атқару жүйесі комитетінің қарауындағы ұйымдардың тізбесінде:

«Мемлекеттік мекемелер» деген 2-бөлімде:

реттік нөмірлері 9, 23-жолдар алынып тасталсын.

3. Қазақстан Республикасы Әділет министрлігінің Қылмыстық-атқару жүйесі комитеті заңнамада белгіленген тәртіппен осы қаулыдан туындайтын қажетті шараларды қабылдасын.

4. Осы қаулы қол қойылған күнінен бастап қолданысқа енгізіледі.