ҚАЗАҚСТАН РЕСПУБЛИКАСЫНЫҢ МЕМЛЕКЕТТІК СТАНДАРТЫ
ҚР СТ 989 - 2008
Қазақстан республикасының мемлекеттік елтаңбасы
Нысаны, өлшемдері жəне техникалық талаптар
Астана
Мазмұны
1. Қолданылу саласы
2. Дайындауға қойылатын техникалық талаптар
3. Пайдалануға қойылатын техникалық талаптар
4. Бұйымдарды таңбалау
5. Дайындаушы кепілдігі
А қосымшасы. Қазақстан Республикасы Мемлекеттік Елтаңбасының құрамдық элементтерінің атауы көрсетілген жалпы түрдегі сызбасы
Б қосымшасы. Қазақстан Республикасы Мемлекеттік Елтаңбасының эталондық үлгісінің сипаттамасы
В қосымшасы. Қазақстан Республикасы Мемлекеттік Елтаңбасының негізгі элементтерінің пропорционалды байланысы бар жалпы түрдегі сызбасы
Ж қосымшасы. Библиография
Қолданылу саласы
Осы стандарт Қазақстан Республикасы Мемлекеттік Елтаңбасының (бұдан əрі - Мемлекеттік Елтаңба) нысанына, өлшемдері мен дайындауға жəне пайдалануға қойылатын техникалық талаптарды белгілейді.
Мемлекеттік Елтаңбаны қолдану «Қазақстан Республикасының Мемлекеттік рəміздері туралы» Қазақстан Республикасының Конституциялық Заңына сəйкес жүзеге асырылады, Ж қосымшасы[2].
2. Дайындауға қойылатын техникалық талаптар
2.1. Сипаттамалар
2.1.1. Қазақстан Республикасының Мемлекеттік Елтаңбасы мифтік тұлпарлардың қанаттары көмкерген, жан-жағына күн сəулесі түрінде «уықтар» (тіреулер) таратылған, көгілдір түс аясындағы «шаңырақ» (киіз үйдің жоғарғы күмбез бөлігі) бейнесін білдіреді. Мемлекеттік Елтаңбаның төменгі бөлігінде «Қазақстан» деген жазу бар, Ж қосымшасы [1].
2.2. Қазақстан Республикасының Мемлекеттік Елтаңбасы осы стандарттың талаптарына сəйкес, техникалық құжаттама жəне белгіленген тəртіппен бекітілген эталон-үлгі бойынша дайындалуға тиіс.
2.3. Мемлекеттік Елтаңба көлемді жəне графикалық бейнеде орындала алады. Мемлекеттік Елтаңбаның түрлі түсті орындалуында 2 түс - алтын жəне көгілдір түс қатысуы керек. Графикалық суреті бір түсті, екі түсті жəне түрлі түсті бола алады.
