Қазақстан Республикасы Білім және ғылым министрлігі, Қазақстан Республикасы Денсаулық сақтау министрлігі мен «Самұрық-Қазына» ұлттық әл-ауқат қоры» акционерлік қоғамы арасындағы Өзара іс-қимыл туралы
келісім
(2022.08.11. берілген өзгерістер мен толықтыруларымен)
2009.03.11. қосымша келісімімен мәтінде «студенттерге», «студентке», «студенттің», «студенттердің», «студенттен», «студенттер», «студент» деген сөздер «және/немесе магистранттарға», «және/немесе магистрантқа», «және/немесе магистранттың», «және/немесе магистранттардың», «және/немесе магистранттан», «және/немесе магистранттар», «және/немесе магистрант» деген сөздермен толықтырылды (бұр.ред.қара)
Бірлесіп «Тараптар» деп аталатын ________________ тұлғасында Қазақстан Республикасы Білім және ғылым министрлігі, _______________ тұлғасында Қазақстан Республикасы Денсаулық сақтау министрлігі (бұдан әрі - Министрліктер)
___________________ негізінде әрекет ететін _________________________ тұлғасында «Самұрық-Қазына» ұлттық әл-ауқат қоры» акционерлік қоғамы (бұдан әрі - Қор) Қазақстан Республикасы Үкіметінің 2008 жылғы 25 қарашадағы № 1085 қаулысымен бекітілген Қазақстан Республикасы Үкіметінің, Қазақстан Республикасы Ұлттық Банкінің және Қазақстан Республикасы Қаржы нарығын және қаржы ұйымдарын реттеу мен қадағалау агенттігінің Экономиканы және қаржы жүйесін тұрақтандыру жөніндегі 2009-2010 жылдарға арналған бірлескен іс-қимыл жоспарын назарға ала отырып төмендегілер туралы осы Келісімді жасады.
1. Пайдаланылатын терминдер
2009.03.11. қосымша келісімімен 1-тармақ өзгертілді (бұр.ред.қара)
1. Осы Келісімде мынадай ұғымдар пайдаланылады:
Банк-агент - осы Келісімді іске асыру үшін Қор белгілеген шарттарда студенттерге және/немесе магистранттарға кредит беруді жүзеге асыру үшін Қор айқындайтын Қазақстан Республикасының екінші деңгейдегі банктері.
