Қазақстан Республикасының Үкіметі тағайындайтын немесе онымен келісім
бойынша тағайындалатын лауазымды адамдар бойынша кадр мәселелерiн шешу
тетiгiн жетiлдiрудiң кейбір мәселелерi туралы Қазақстан Республикасы
Үкіметінің 2002 жылғы 16 шілдедегі № 784 қаулысы
(2007.26.12. берілген өзгерістер мен толықтырулармен)
Осы редакция 2009 жылғы 11 қыркүйекте енгізілген өзгерістеріне дейін қолданылды
Кадр мәселелерiн шешу тетiгiн жетiлдiру мақсатында Қазақстан Республикасының Үкіметі қаулы етеді:
1. Қоса беріліп отырған мыналар бекітілсiн:
1) Қазақстан Республикасының Үкіметі тағайындайтын немесе онымен келісім бойынша тағайындалатын орталық және жергiлiктi атқарушы органдардың, Қазақстан Республикасының Премьер-Министрi Кеңсесiнiң мемлекеттік саяси қызметшiлерi мен өзге де басшы лауазымды адамдары лауазымдарының тiзбесi;
2) Қазақстан Республикасының Үкіметі тағайындайтын немесе онымен келiсім бойынша тағайындалатын орталық және жергiлiктi атқарушы органдардың, Қазақстан Республикасының Премьер-Министрі Кеңсесінің мемлекеттік саяси қызметшiлерiн және өзге де басшы лауазымды адамдарды қызметке келiсу, қызметке тағайындау және қызметтен босату тәртібі туралы ереже.
2. Мыналардың күшi жойылды деп танылсын:
1) "Қазақстан Республикасының Үкіметі тағайындайтын және бекiтетiн немесе олармен келісім бойынша тағайындалатын және бекiтілетiн мемлекеттік органдар басшы қызметкерлерінің лауазымдар тiзбесi туралы" Қазақстан Республикасы Үкіметінiң 1996 жылғы 29 наурыздағы № 373 қаулысы;
2) Қазақстан Республикасы Премьер-Министрінің 1998 жылғы 4 маусымдағы № 101 өкімі.
3. Осы қаулы қол қойылған күнінен бастап күшіне енеді.
Қазақстан Республикасының
| Премьер-Министрі | И. Тасмағамбетов |
Қазақстан Республикасы
Үкіметінің 2002 жылғы 16 шілдедегі
№ 784 қаулысына 1-қосымша
ҚР Үкіметінің 08.05.03 ж. № 437 (бұр. ред. қара); 31.12.03 ж. № 1369 (бұр. ред. қара); 29.01.04 ж. № 100 (бұр. ред. қара); 02.09.04 ж. № 928 (бұр. ред. қара); 2005.04.05 № 423 (2005.17.01 бастап қолданысқа ендi); 2005.06.05 № 439 (бұр. ред. қара); 2006.20.01. № 44 (бұр.ред.қара); 2007.19.01. № 38 ; 2007.26.12. № 1298 (бұр. ред. қара) қаулыларымен тізбе өзгертілді
