Закон Республики Беларусь от 9 ноября 2009 года № 51-З
О внесении дополнений и изменений в некоторые законы Республики Беларусь по вопросам образования
(с изменениями и дополнениями по состоянию на 20.07.2016 г.)
Принят Палатой представителей 2 октября 2009 года
Одобрен Советом Республики 22 октября 2009 года
Статья 1. Унесці ў Закон Рэспублікі Беларусь ад 26 студзеня 1990 года «Аб мовах у Рэспубліцы Беларусь» у рэдакцыі Закона Рэспублікі Беларусь ад 13 ліпеня 1998 года (ЗЗ БССР, 1990 г., № 4, арт. 46; Ведамасці Нацыянальнага сходу Рэспублікі Беларусь, 1998 г., № 28, арт. 461; Национальный реестр правовых актов Республики Беларусь, 2006 г., № 6, 2/1173; 2007 г., № 119, 2/1321) наступныя дапаўненне і змяненні:
1. Артыкул 10 пасля слова «пашпарт» дапоўніць словамі «грамадзяніна Рэспублікі Беларусь, дыпламатычны і службовы пашпарты грамадзяніна Рэспублікі Беларусь».
2. Частку другую артыкула 16 выкласці ў наступнай рэдакцыі:
«Калі асоба, якая звярнулася за выкананнем натарыяльнага дзеяння, не валодае мовай, на якой вядзецца натарыяльнае справаводства, пераклад тэксту дакумента, які афармляецца, ажыццяўляецца ў адпаведнасці з заканадаўствам Рэспублікі Беларусь аб натарыяце.».
3. У артыкуле 20 слова «, іншых» замяніць словамі «Рэспублікі Беларусь, іншых войсках і».
4. Другі сказ часткі першай артыкула 21 выкласці ў наступнай рэдакцыі: «Гэта права забяспечваецца сістэмай дашкольных, агульнаадукацыйных устаноў, устаноў, якія забяспечваюць атрыманне прафесійна-тэхнічнай, сярэдняй спецыяльнай і вышэйшай адукацыі, спецыяльных устаноў адукацыі і сацыяльна-педагагічных устаноў.».
5. Артыкулы 22-24 выкласці ў наступнай рэдакцыі:
«Артыкул 22. Мова навучання і выхавання ў дашкольных і сацыяльна-педагагічных установах
У Рэспубліцы Беларусь навучанне і выхаванне ў дашкольных і сацыяльна-педагагічных установах ажыццяўляюцца на беларускай і (або) рускай мовах.
У адпаведнасці з пажаданнямі выхаванцаў і іх законных прадстаўнікоў па рашэнню мясцовых выканаўчых і распарадчых органаў, узгодненаму з Міністэрствам адукацыі Рэспублікі Беларусь, могуць стварацца групы ў дашкольных установах або дашкольныя ўстановы, у якіх навучанне і выхаванне ажыццяўляюцца на мове нацыянальнай меншасці або вывучаецца мова нацыянальнай меншасці.
Артыкул 23. Мова навучання і выхавання, вывучэнне моў у агульнаадукацыйных установах
У Рэспубліцы Беларусь навучанне і выхаванне ў агульнаадукацыйных установах ажыццяўляюцца на беларускай і (або) рускай мовах.
