Қазақстан Республикасы Үкіметінің кейбір шешімдеріне өзгерістер мен толықтыру енгізу туралы
Қазақстан Республикасы Үкіметінің 2011 жылғы 25 маусымдағы № 708 Қаулысы
Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтыру бекітілсін.
2. Осы қаулы алғашқы ресми жарияланған күнінен бастап қолданысқа енгізіледі.
Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2011 жылы 25 маусымдағы
№ 708 қаулысымен
бекітілген
Қазақстан Республикасы Үкіметінің кейбір шешімдеріне енгізілетін
өзгерістер мен толықтыру
1. «Маңғыстау облысы Жаңаөзен қаласының әлеуметтік-экономикалық даму проблемаларын шешу жөніндегі 2009 - 2012 жылдарға арналған кешенді жоспарды бекіту туралы» Қазақстан Республикасы Үкіметінің 2008 жылғы 19 қыркүйектегі № 865 қаулысында:
көрсетілген қаулымен бекітілген Маңғыстау облысы Жаңаөзен қаласының әлеуметтік-экономикалық даму проблемаларын шешу жөніндегі 2009 - 2011 жылдарға арналған кешенді жоспарда:
«Еңбекпен қамту және экономиканы әртараптандыру мәселелерін шешу» деген 1-бөлімде:
«Демографиялық жағдай» деген 1-кіші бөлімде:
реттік нөмірі 3-жолдың 4-бағанындағы «Еңбекмині» деген сөз «ІІМ» деген аббревиатурамен ауыстырылсын.
2. «2009 - 2011 жылдарға арналған «Нұрлы көш» бағдарламасын бекіту туралы» Қазақстан Республикасы Үкіметінің 2008 жылғы 2 желтоқсандағы № 1126 қаулысында (Қазақстан Республикасының ПҮАЖ-ы, 2008 ж., № 45, 514-құжат):
2-тармақтың 2) тармақшасында «Еңбек және халықты әлеуметтік қорғау министрлігіне» деген сөздер «Ішкі істер министрлігіне» деген сөздермен ауыстырылсын;
3-тармақта «Еңбек және халықты әлеуметтік қорғау министрлігі» деген сөздер «Ішкі істер министрлігі» деген сөздермен ауыстырылсын;
көрсетілген қаулымен бекітілген 2009 - 2011 жылдарға арналған «Нұрлы көш» бағдарламасында:
«Бағдарламаның паспорты» деген 1-бөлімде:
«Қаржыландыру көлемі мен көздері» деген жолда:
«27 551,2*» деген сандар «20 269,8» деген сандармен ауыстырылсын;
