(БҰРЫНҒЫ РЕДАКЦИЯ) ҚР 2010.24.06 № 291-ІV ЗАҢЫ

Қазақстан Республикасының
 Заңы
 
Жер қойнауы және жер қойнауын пайдалану туралы

(2012.12.01. берілген өзгерістер мен толықтырулармен)

Осы редакция 2011 жылғы 15 шілдеде енгізілген өзгерістеріне дейін қолданылды (алғашқы ресми жарияланғанынан кейін алты ай өткен соң қолданысқа енгізілді)

Осы Заң жер қойнауын пайдалану саласындағы қоғамдық қатынастарды реттейді және Қазақстан Республикасының мүдделерін қорғауға, жер қойнауын ұтымды әрі кешенді зерттеу мен пайдалануға бағытталған.

1-тарау. ЖАЛПЫ ЕРЕЖЕЛЕР

1-бап. Осы Заңда пайдаланылатын негізгі ұғымдар

Осы Заңда мынадай негізгі ұғымдар пайдаланылады:

1) авторлық қадағалау - жер қойнауын пайдаланушының жобалау құжаттарының ережелерін сақтауына жобалау жұмыстарына арналған мердігерлік шартқа сәйкес жобалау құжатын жасаған жобалаушы ұйым жүзеге асыратын мониторинг;