ҚР Үкіметінің 2014 жылғы 26 ақпандағы № 155 Қаулысымен күші жойылды
ҚР Үкіметінің 2013.19.04. № 379 Қаулысымен мемлекеттік қызмет стандарты жаңа редакцияда (бұр.ред.қара)
Қазақстан Республикасы
Үкіметінің
2011 жылғы 31 тамыздағы
№ 1130 қаулысымен
бекітілген
«Өнiмдi Қазақстан Республикасының аумағынан тыс жерде қайта өңдеуге рұқсат беру»
мемлекеттiк қызмет стандарты
(2013.10.07. берілген өзгерістермен)
1. Жалпы ережелер
1. «Өнiмдi Қазақстан Республикасының аумағынан тыс жерде қайта өңдеуге рұқсат беру» мемлекеттiк қызмет стандарты мемлекеттік қызметін (бұдан әрі - мемлекеттік қызмет) 010000, Астана қаласы, Қабанбай батыр даңғылы, 32/1, «Транспорт Тауэр» ғимараты, 1-қабат, № 1 кіреберіс, тел: 8 (7172) 29-90-93, 24-14-07, факс: 24-47-94 мекенжайы бойынша орналасқан Қазақстан Республикасы Индустрия және жаңа технологиялар министрлігінің Өнеркәсіп комитеті (бұдан әрі - уәкілетті орган) немесе баламалы негізде мекенжайлары осы стандартқа 3-қосымшада көрсетілген халыққа қызмет көрсету орталықтары (бұдан әрі - Орталықтар) арқылы не «электронды үкіметтің» www.e.gov.kz веб-порталы немесе «Е-лицензиялау» www.elicense.kz веб-порталы арқылы (бұдан әрі - Портал) көрсетеді.
Шалғай елді мекендердің халқына мемлекеттік қызметтердің қолжетімділігін қамтамасыз ету мақсатында мемлекеттік қызмет мобильдік орталықтар арқылы көрсетіледі.
2. Көрсетiлетiн мемлекеттiк қызметтің нысаны: ішінара автоматтандырылған.
3. Мемлекеттiк қызмет «Экспорттық бақылау туралы» 2007 жылғы 21 шілдедегі Қазақстан Республикасының Заңы 6-бабының 11) тармақшасы, «Әкімшілік рәсімдер туралы» 2000 жылғы 27 қарашадағы Қазақстан Республикасы Заңының 15-1 және 15-2-баптары, «Өнiмдi Қазақстан Республикасының кеден аумағынан тыс жерде қайта өңдеуге рұқсат беру ережесiн бекiту туралы» Қазақстан Республикасы Үкiметiнiң 2008 жылғы 25 қаңтардағы № 70 қаулысы негізінде көрсетіледі.
4. Мемлекеттiк қызметті көрсету тәртібі туралы толық ақпарат:
1) Қазақстан Республикасы Индустрия және жаңа технологиялар министрлігі Өнеркәсіп комитетінің интернет-ресурсында: www.comprom.kz;
