Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы
Қазақстан Республикасының 1995 жылғы 17 сәуiрдегі № 2198 Заңы
(2012.05.07. берілген өзгерістер мен толықтырулармен)
Осы редакция 2012 жылғы 24 желтоқсанда енгізілген өзгерістеріне дейін қолданылды
05.01.01 ж. № 135-II ҚР Заңымен; 29.10.02 ж. № 348-II ҚР Заңымен; 18.03.04 ж. № 537-II ҚР Заңымен (бұр. ред. қара); 2007.12.01. № 224-III ҚР Заңымен (2012 жылғы 1 қаңтардан бастап қолданысқа енгізілді) (бұр. ред. қара); 2009.07.12. № 222-ІV ҚР Заңымен (бұр. ред. қара); 2012.12.01. № 538-ІV ҚР Заңымен (2012 жылғы 1 қаңтардан бастап қолданысқа енгізілді) (бұр. ред. қара); (2013 ж. 1 қаңтардан бастап қолданысқа енгізілді) (бұр.ред.қара) 1-бап өзгертілді
1-бап. Заңды тұлғаларды мемлекеттік тiркеу және филиалдар мен өкілдіктерді есептік тіркеу ұғымы
Заңды тұлғаларды мемлекеттік тiркеу мемлекеттік тіркеуге ұсынылған құжаттардың Қазақстан Республикасының заң актілерiне сәйкестiгiн тексерудi, оларға бизнес-сәйкестендіру нөмірін бере отырып мемлекеттік тiркеу туралы куәлiк берiлуiн, заңды тұлғалар туралы мәлiметтердi бiрыңғай Мемлекеттік тiркелiмге енгiзудi қамтиды.
Филиалдар мен өкілдіктерді есептік тіркеу есептік тіркеуге ұсынылған құжаттардың Қазақстан Республикасының заң актілеріне сәйкестігін тексеруді, оларға бизнес-сәйкестендіру нөмірін бере отырып есептік тіркеу туралы куәлік берілуін, филиалдар мен өкілдіктер туралы мәліметтерді филиалдар мен өкілдіктер тізіліміне енгізуді қамтиды.
ҚР 23.03.00 ж. № 40-II ҚР Заңымен; 29.10.02 ж. № 348-II ҚР Заңымен; 18.03.04 ж. № 537-II ҚР Заңымен; 2011.15.07. № 461-IV ҚР Заңымен (алғашқы ресми жарияланғанынан кейін алты ай өткен соң қолданысқа енгізілді) (бұр. ред. қара) 2-бап өзгертілді
2-бап. Заңды тұлғаларды мемлекеттік тiркеудiң және филиалдар мен өкілдіктерді есептік тіркеудің мақсаты
Заңды тұлғаларды мемлекеттік тіркеу және филиалдар мен өкілдіктерді есептік тіркеу:
