Осы редакция 2013 жылғы 19 сәуірде енгізілген өзгерістеріне дейін қолданылды
Қазақстан Республикасы
Үкіметінің
2011 жылғы 31 тамыздағы
№ 1130 қаулысымен
бекітілген
«Өнімді Қазақстан Республикасының кеден аумағынан тыс жерде қайта өңдеуге рұқсат беру»
мемлекеттік қызмет стандарты
1. Жалпы ережелер
1. Өнімді Қазақстан Республикасының кеден аумағынан тыс жерде қайта өңдеуге рұқсат беруді (бұдан әрі - мемлекеттік қызмет) Қазақстан Республикасы Индустрия және жаңа технологиялар министрлігінің Өнеркәсіп комитеті (бұдан әрі - Комитет) жүзеге асырады.
Мемлекеттік қызмет мына мекенжай бойынша көрсетіледі: Астана қаласы, Есіл ауданы, Қабанбай батыр даңғылы, 32/1, «Транспорт Тауэр» ғимараты, 1 қабат, № 1 кіру, тел: 8 (7172) 29-90-73, 24-14-07, факс: 24-47-94.
2. Көрсетілетін мемлекеттік қызметтің нысаны: автоматтандырылмаған.
3. Мемлекеттік қызмет «Экспорттық бақылау туралы» Қазақстан Республикасының 2007 жылғы 21 шілдедегі Заңының 6-бабының 11) тармақшасы, «Өнімді Қазақстан Республикасының кеден аумағынан тыс жерде қайта өңдеуге рұқсат беру ережесін бекіту туралы» Қазақстан Республикасы Үкіметінің 2008 жылғы 25 қаңтардағы № 70 қаулысының негізінде көрсетіледі.
4. Мемлекеттік қызмет туралы ақпарат Комитеттің www.comprom.kz интернет-ресурсында орналасады.
5. Көрсетілетін мемлекеттік қызметтің нәтижесі өнімді Қазақстан Республикасының кеден аумағынан тыс жерде қайта өңдеуге рұқсат беру не қызмет көрсетуді қағаз жеткізгіште ұсынудан дәлелді бас тарту болып табылады.
6. Мемлекеттік қызмет жеке және заңды тұлғаларға (бұдан әрі - алушыларға) көрсетіледі.
7. Комитетте мемлекеттік қызметті көрсету мерзімдері:
1) рұқсат беру - осы стандарттың 11-тармағында айқындалған қажетті құжаттарды тұтынушы тапсырған күнінен бастап отыз күнтізбелік күннен кешіктірілмей;
2) мемлекеттік қызметті алғанға дейін күтудің рұқсат берілген ең көп уақыты - 20 минуттан аспайды;
3) тұтынушыға жүгінген күні қызмет көрсетудің рұқсат берілген ең көп уақыты - 20 минуттан аспайды.
